NAHUM 1:8 - Pathien Lekhabu Inthieng (BSI)

⁸ Amiruokchu, tui lien luong liemna hmangin chu hmun bohmang vawngna chu intlungtir a ta, hmêlmahai chu inthimnaah hnawt lût a tih.

NAHUM 1:8 ပူးပေါင်းရင်းမြစ်များ

JOB LEKHABU (THE BOOK OF JOB) 30:15

Ṭitnahai chu ka chungah a hung tlung a, Ka miṭhatna chu thli ang elin an hnawt a, Ka vângneina hlak chu sûm angin a fe liem ta a.

JOB LEKHABU (THE BOOK OF JOB) 40:11

I lunginsen sip liemhai chu bunthla la, Mi a chapo taphawt chu en la, ngaihnuoi la,

THUVARHAI 4:19

Mi khawhlohai lampui chu inthimna ang a na, Ieng âm an insui ti khawm an hriet nawh.

ISAI 13:10

Vân arasihai le a sizuchohai chun an var insuo naw ni hai a, nisa chu a suok laia sukthimin um a ta, thla khawma a var chu ân vartir ta naw ding a nih.

ISAI 13:9

Ngai ta, ram sukbohmang ding le chutaka mi suolhai chu a sûnga inthawka sukbohmang dingin Lalpa ni chu nasatakin lunginsenna le lunginthakna nasatak leh a hung tlung ding a nih.

ISAI 28:17

Rorêlna fel chu a suktlûnna hruiin hmang ka ta, felna chu a dârmûmkhaiah hmang ka tih, riel chun inhumhimna khêl thuhai chu dêng hmang vawng a ta, tuihai chun inbîkhmangna chu chîm tlum a tih.

ISAI 28:18

Chun, thina kuoma in thuthlung chu sûtin um a ta, Seol le in thutiem khawm chu ngir suok naw ni, vuokna tui lien liem chu a luong tlang pha chun, chu pha chun sirdein um in tih.

ISAI 28:2

Ngai ta, Lalpa chun mi hrât thilthawtheitak a nei a; ama chun riel nasatak tla dur dur, thlipui thil sukse rem rum ang le, tuilien nasatak lien zur zur ang elin, hnuoiah pei chawr a tih.

ISAI 8:22

chun, hnuoi tieng nghâng an ta, ngai ta, lunginzîngna le inthimna, thlaphâng ngûina chu nîng a tih; chuongchun, inthim sâmupa hnawt hmangin um an tih.

JEREMIA 13:16

Tlâng inthimhai chunga in kehai chu ân sui hmain le, inthim ân umtir hma hin Lalpa in Pathien chu chawimawina pe ro; chun, a var in zawng lai chun, ama chun thina hlimah ân changtir a, inthim nasatak el chu a siem ta a.

JEREMIA 51:64

chun, ‘Hieng ang bawk hin Babulon chu tlumhmang a ta, a chunga thil ṭhanaw ka hung intlungtir dinghai lei chun tho nâwk ta ngai naw ni a, rimsi hle tâng an tih,’ ti rawh,” a ta. Jeremia thuhai chu chu chen chu a nih.

EZEKIEL 13:13

Chuleiin, Lalpa Pathien chun a tih; Ka lunginsenin thlipui hrângin suksieng ka tih; ka lunginsennaa chun ruopui nasatakin sûr a ta, a suksetu ding lunginsena riel nasatak leh.

DANIEL 11:10

A naupasalhai chun sipai ropuitak tamtak el khâwm an ta, do an ta, chu chu hung an ta, a luongin hung luong liem an ta, fe thleng an tih; chun, hung kîr nâwk an ta, a kul ngei chu hung do an tih.

DANIEL 11:22

Ama hmaa chun tuilêt hrâtnain anni chu la hmang a ta, suksiet nîng an tih; anih, thuthlung hotu ngei khawm chu suksiet nîng a tih.

DANIEL 11:40

Chun, hun tâwpa chun simtieng lal chun ama chu nawr a ta; hmârtieng lal chun lawng tamtakhai leh, sakawr chung chuong mihai leh, sakawr tawlailîrhai leh phaivaw hrâng ang elin ama chu hung rûn a tih; chun, ramhaia chun hung lût a ta, palzêl a ta, fe thleng a tih.

DANIEL 9:26

Chun, hapta sâwmruk pahni hnunga chun Messie chu sât thlâk nîng a ta, ama ta dingin ni lovin, chun, lal mihai hung dinghai chun khawpui le Hmun Inthiengtak chu suksieng an ta, a tâwpna chu tuilêt nîng a ta, a tâwpa chun indona nîng a tih; sukrêma umna ding chu ruot a ni ta si a.

AMOS 8:8

Hi hi lei hin ram chu ân thinin, a sûnga um taphawthai chu an lungngai naw ding am a nih? Anih, Vadung ang chun hung lien vawng a ta, Aigupta ram Vadung angin hung buoiin hung kang a tih.

NAHUM 1:1

Ninevi khaw phurrik chu, Elkos mi Nahumin inlârna hmu inziekna lekhabu chu.

NAHUM 2:8

Tienlaia inthawk tah Ninevi khuo hi dîl ang a na; amiruokchu, an tlân hmang a, “Ngîr ro, ngir ro,” tiin an ko a, nisienlakhawm, tukhawm an ngha kîr nawh.

ZEPHANIA 2:13

Chun, ama chun hmârtienga chun a bân phar a ta, Assuria chu suksieng a ta; Ninevi chu râusan le thlalêr anga ṭâwlin siem a tih.

MATTHAI 7:27

Ruo dâm a hung sûr a; tui dâm a hung lien a, thli dâm a hung hrâng a, chu in chu a hung nam sawk sawk a; a chim ta a; a chim chu nasatak a nih,” a ta.

MATTHAI 8:12

ram nauhai ruok chu tuol inthima chun hnawt dawkin um an ta; chutaka chun ṭap le harâwt chu um a tih,” a ta.

1 SAMUEL 2:9

A mi inthieng ke chu vêng a ta, Mi suolhai ruok chu inthim hnuoiah sukdei ṭhapin um an tih; Hrâtna chun tukhawma an ngam âwm si naw a.