NAHUM 1:7 - Pathien Lekhabu Inthieng (BSI)

⁷ Lalpa chu a ṭha a, lunginzîng nia chun kul nghet a nih, amaa an ringna innghattuhai chu a hriet.

NAHUM 1:7 ပူးပေါင်းရင်းမြစ်များ

1 CHANCHIN SUINA 16:34

Aw Lalpa kuomah lâwmthu hril ro, ama chu a ṭha si a, A zângaina chu kumkhuoin a um zing si a.

1 CHANCHIN SUINA 5:20

Anni chunga chun ṭhangpuiin an uma, Hagar mihai chu an kuta pêkin an um ta a; anni le um po pohai le chun; indonaa chun Pathien chu an ko a, ama chun anni chu a dawn a, anni chun amaa chun ringna an innghat si a.

2 CHANCHIN SUINA 13:18

Chuongchun, chu huna chun Israel thlahai chu sukhnuoiin an um ta a, Juda thlahai ruok chun an thlatuhai Pathien Lalpa chu an ringsan leiin an hne ta a.

2 CHANCHIN SUINA 32:11

Hezekia hin, Assuria lal kuta inthawk chun Lalpa ei Pathien chun mi sansuok a tih, tiin dangchâr le ṭâma inthitir el ding cheuin a thlêmthlûk cheu a ni naw am a nih?

2 CHANCHIN SUINA 32:21

Chun, Lalpa chun vântirko a hung tir a, ama chun Assuria lal riebûka mi hrât khawkhênghai po po le ṭhuoituhai le hotuhai po po chu a sukhlum a. Chuongchun, hmai thûmtakin a ramah a kîr nâwk ta a. Chun, ama chu a pathien ina a hung lût laiin ama rîla rasuokhai ngei chun chutaka chun kâwlhnâmin an that ta a.

2 CHANCHIN SUINA 32:8

ama kuoma chun tisaa sipai pâwl an na, amiruokchu, eini kuoma chu Lalpa ei Pathien chu mi ṭhangpui ding le ei indona chu do dingin a um a nih,” tiin. Chun, mipui chu Juda lal Hezekia thuhrila chun an sâwldam hle a.

EZRA 3:11

Lalpa kuoma lâwmthu hrilin le inpâkin insawntuoin hla an sak a, “Ama chu a ṭha si a, Israelhai chunga a zângaina chu kumkhuoin a um zing si a,” tiin. Chun, Lalpa in lungphûm chu phûm a ni ta leiin, Lalpa an inpâk lei chun mipui chu khêkri nasatakin an khêk a.

INPÂKNA HLABU 1:6

Lalpa chun mi felhai lampui chu a hriet si a, Mi rilohai lampui ruok chu bohmang a tih.

INPÂKNA HLABU 100:5

Lalpa chu a ṭha si a, a zainêmna chu kumkhawtluongin um a ta, A ringumzie chu suon po po chenin um a tih.

INPÂKNA HLABU 20:1

Lunginzing ni chun Lalpain dawn raw se che, Jakob Pathien hming chun hmun insângah dawm kai raw se che;

INPÂKNA HLABU 25:8

Lalpa chu a ṭhain ân dik a nih, Chuleiin, mi suolhai chu lampui kâwkhmûng a tih.

INPÂKNA HLABU 27:5

Lunginzîng ni chun a bûktêah a mi sie hmang âwm si a, A humhimna puon ina chun mi thuphmang a tih; Lungpui chungah mi dawm kai a tih.

INPÂKNA HLABU 37:39

Mi felhai sandamna ruok chu Lalpa kuoma inthawk a ni a. Ama chu lunginzîng laia an kulbîng a ni hlak a.

INPÂKNA HLABU 37:40

Lalpain anni chu a ṭhangpuiin a sanhim hlak a, Amaa chun an tlûklût leiin; Mi rilohaia inthawk chun a sanhimin a sandam hlak.

INPÂKNA HLABU 46:2

Chuleiin, leilung hi hung danglamin, Tlânghai hi tuisuoriet sûng daiah insawn sien khawm ṭi nâwng ei ta;

INPÂKNA HLABU 50:15

Chun, lunginzîng ni chun mi ko la, Sanhim ka ti che, chuongchun, nangin i mi chawimawi ding annâwm,” a ti a.

INPÂKNA HLABU 59:16

Nisienlakhawm, kei chun i hrâtna thu hi hlain sak ka ta, Anih, zîngkâr chun i ngilneina thu hi hlimtakin hlain sak ka tih: Nang chu ka kulbîng insâng, Ka lunginzîng nia kân humhimna i ni si hlak a.

INPÂKNA HLABU 71:3

Keia ta dingin umna lungpui, ka fe thei rawpna ding, hung ni la, Nangin kei mi sandam dingin thu i pêk a, Ka lungpui le ka kulpui i ni si a.

INPÂKNA HLABU 86:7

Ka lunginzîng ni chun ko ka ti che a, Nangin i mi dawn ding a ni si a.

INPÂKNA HLABU 9:10

Chuongchun, i hming hretuhai chun ring an ti che a, Nang chun chu, Lalpa, nangma zawngtuhai che chu i mâksan ngai si naw a,

INPÂKNA HLABU 91:15

A mi ko pha chun, dawn ka ta, A lunginzîng lai chun a kuomah um ka ta, Ama chu sanhimin chawimawi ka tih.

THUVARHAI 18:10

Lalpa hming chu kulbîng dettak a na, Mi fel chu chutaka chun a tlân lût a, a him hlak.

ISAI 25:4

Mi ṭiumhai thuok chu thlipuiin bang a nam sawk sawk anga a hung um lai hin, nang chu mi rimsihai ta dingin kulbîng, pasie lunginzîng laia dinga kulbîng, thlipuia inthawka inhumhimna, nisa sat hlietu i ni hlak si a.

ISAI 32:2

Mi pakhat chu thlipuia inthawka inbîkna hmun ang le, ruopuia inthawka inbîkna ang nîng a ta, hmun ṭâwla tui luonghai ang, ram châutaka lungpui lientak hlim ang el chu.

ISAI 50:10

Nangni laia Lalpa chu ṭi a, a siehlaw thuawi chu, tu am a na? Inthima lênga var hrim hrim nei naw chun Lalpa hming chu ring sienla, a Pathien chungah innghat raw se.

JEREMIA 16:19

Aw Lalpa, ka hrâtna le ka kulpui nghet le rinum nia ka himna; leihnuoi tâwphaia inthawk chun hnamhai chu i kuomah hung an ta, “Kan thlatuhai chun khêlhlip chau, teplo le, thil a hlâwkna um dêr lohai chau naw chu iengkhawm an lo rochung naw a,” hung tîng an tih.

JEREMIA 17:17

Ka ta dingin ṭium ni naw la, ni ṭha nawa chun kân bîk himna i nih.

JEREMIA 24:5

“Lalpa Israel Pathien chun hieng hin a tih: An ṭhatna dinga, Juda sal intâng, hi hmuna inthawka Kaldai rama ka tirhai chu hi theichang ṭhahai ang hin ngai ka ta.

JEREMIA 33:11

hlimna râwl dâm, lâwmna râwl dâm, moneitu râwl dâm, mo le, ‘Sipaihai Lalpa kuoma chun lâwmthu hril ro, Lalpa chu a ṭha si a; a zainêmna chu kumkhuoin um zing a tih,’ tituhai râwl le, Lalpa ina lâwmthu hrilna inthâwinahai hung chawituhai râwl ri chu. Hi ram sal intângna hi a tîr ang khan ka lamlêt ding a ni si a, Lalpa chun a tih.

ṬAP HLA 3:25

Lungrila ama zawngtuhai le, ama nghâktuhai kuoma chun Lalpa chu a ṭha a.

DANIEL 3:28

Chun, Nebukadnezzar chun a hril a, “Sadrak, Mesak le Abednego hai Pathien, a vântirko hung tir a, a siehlaw ama ringtuhai hung sanhimtu chu inpâkin um raw se; lal thuhai chu a hung sukdanglam a, an Pathien chau naw chu pathien dang hrim hrim chu a rawng an bâwla chibai an bûk nawna dingin an taksahai chu a humpêk ta a.

DANIEL 6:23

Chun, lal chu nasatakin a lâwm tah a, Daniel chu pûka inthawka la suok ding chun anni chu thu a pêk tah a, chuongchun, Daniel chu pûka inthawk chu lâk suokin a um a, ama chun Pathien chu a ring tlat leiin amaa chun suknatna iengkhawm hmuin a um naw a.

JOEL 3:16

“Chun, Lalpa chu Zion tlânga inthawkin inrûm dur dur a ta, Jerusalema inthawkin a râwl insuong a ta; vân le hnuoi inhnîng an ta; nisienlakhawm, Lalpa chu a mihai ta dingin inhumhimna nîng a tih, Israel mipuihai ta dingin kulbîng nîng a tih.

ZEPHANIA 3:12

Amiruokchu, i sûnga chun mi pasiehai le mî sukrimsika umhai chu mâksan ka ta, Lalpa hming chu ring tâng an tih.

MATTHAI 27:43

Pathien a awi annâwm, ama hi a nuom chun tuhin sandam raw se, ‘Pathien Naupa ka nih,’ a ti si a,” an ta.

MATTHAI 7:23

Chu pha chun, ‘Nangni thil suol thawhai, ka hriet ngai naw cheu, ka kuoma inthawkin fe hmang ro,’ tiin la hril ka tih.

JOHAN 10:14

Kei chu berâm vêngtu ṭha ka nih; ka ta chu ka hriet a, ka ta khawmin an mi hriet a nih,

JOHAN 10:27

Ka berâmhaiin ka râwl an hriet hlak, kei khawmin anni chu ka hriet, anni chun an mi zui hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:22

Chuongchun, Pathien ṭhatzie le a ṭiumzie chu ngaituo rawh; a tluhai ta ding chun ṭi a um a nih; nanga ta ding ruok chun a ṭha a nih, a ṭhatnaa i um zing chun; chuong a ni naw chun, nang khawm sât thlâkin um vêng i tih.

GALATI 4:9

Tuta Pathien in hung hriet hnung hin chu, ti nêk hmanin, Pathien mi hriet in hung ni hnung hin chu, ti ding a ni lem. Khawvêl A AW B derdêp le teplo mei mei, a suoka um nâwk in inhâwkhai tienga chun, iengtiziea nghakîr nâwk am in na?

2 TIMOTHE 2:19

Nisienlakhawm, Pathien lungphûm nghet chu a la ngîr zing a, hi inchikna hi a nei a, “Lalpa chun ama tahai chu a hriet,” ti le, “Lalpa hming lam taphawt chun suol fe san raw se,” ti hi.