NAHUM 1:2 - Pathien Lekhabu Inthieng (BSI)

² Lalpa chu thîkthusie Pathien le phuba lâk hmang a nih; Lalpa chun phuba a lâk a, lunginsennain a sip a nih; Lalpa chun ama dotuhai chungah phuba a lâk a, a hmêlmahai ta ding chun lunginsenna ân khâwlkhâwm a nih.

NAHUM 1:2 ပူးပေါင်းရင်းမြစ်များ

JOB LEKHABU (THE BOOK OF JOB) 20:23

A phîng chu suksip ding a ni phingleh, Pathien chun a lungsen ṭiumna chu a chungah buok a ta, A fâk lai chun a chungah a sûrin sûr a tih.

INPÂKNA HLABU 94:1

Aw Lalpa, nang phubalâkna thu neitu Pathien, Nang phubalâkna thuneitu Pathien, hung var suok rawh.

FESUOKNA 20:5

an kuoma chun kûnin an rawng i bâwl ding a ni nawh: Lalpa i Pathien hi Pathien thîkthusetak, pahai khawhlona chu nauhai chunga hung intlungtir hlaktu, a mi theidatuhai chu an thla suon thum le suon li chen chunga khawm, hremna intlungtir hlaktu le

FESUOKNA 34:14

pathien dang hrim i biek ding a ni nawh, Lalpa, a hming el khawm ‘Thîkthusie’ chu Pathien thîkthusetak a ni si a.

FESUOKNA 34:7

sâng tamtak chunga hmangainaa sip, khawhlona le bawsietna le suolna ngaidam hlak, thiemnawa ngaihai ruok chu iengti khawma inthla el ngailo, pahai rîtlona nauhai, nauhai nauhai nâwk le suon thumna le suon lina chen chunga thung hlaktu a nih,” tiin a puong ta a.

ISAI 42:13

Lalpa chu mi hrâttak angin suok a ta, indo mi angin lunginsenna chawktho a tih, khêk a ta, anih, inringtakin khêk a tih; ama dotuhai chunga chun hrâttakin châng a tih.

ISAI 51:17

Aw Jerusalem, Lalpa kuta inthawka a lunginsenna noa mi dâwntunu, har la, har la, tho rawh, nang chun pêm pêmna no berbua mi chu i dâwn a, i dâwn fai rêt a.

ISAI 51:20

I naupasalhai chu an châu a, sakêl lêna a âwk angin kawtthlêr tâwp tienga chun an zâl phung a, Lalpa lunginsenna le i Pathien kâwkna chun an sip tah a nih.

ISAI 66:15

Ngai ta u, a lunginsenna chu hrîkthla ding le, a kâwkna chu meichawkhaia hrîkthla dingin, Lalpa chu mei leh a hung ding a ni si a, a tawlailîrhai chu thlivir ang el nîng a tih.

JEREMIA 25:15

Israel Pathien, Lalpa chun ka kuomah hieng hin a ti si a: “Hi lunginsenna no ka kuta hi la la, hnam an kuoma ka tirnahai po po che chu indâwntir tâwl rawh.

JEREMIA 28:8

Zâwlnei keia hma le nangma hmaa, kha hmaa lo um tahai khan ram tamtak chunga le, lalram ropuitakhai chunga le, indo thu dâm, thil ṭha naw thu dâm, hripui thu dâm an lo hril hlak a.

JEREMIA 3:5

A lunginsenna chu a kawl zing dîm a nih? A tâwp chenin a kawl dîm a nih? Ngai ta, thil ṭha naw chu i hrilin i thaw ta a, i suol thei dân tâwpin i lo suol ta,” tiin.

JEREMIA 36:7

An hnina chu Lalpa hmaa pein, mi tin chu mâni um dân suola inthawk chun an hung kîr rawi mawh: hi mihai chunga lunginsenna le ṭitumna Lalpain a hril chu a nasa hle si a,” tiin.

JEREMIA 4:4

Lalpa kuoma chun ser intan unla, in lungril ser chu tan ro, nangni Jerusalema mihai le, Juda rama mihai; chuong naw chun ka lunginsenna chu mei angin fe suok a ta, i thilthawhai rîtlona lei chun; tukhawm iṭhel ruol lovin kâng a tih.

JEREMIA 50:15

A vêlin ama chu khêkkhum unla; ama chu a hung inpêklût ta a, a kulhai chu a chim a, a banghai chu sukchim an na. Lalpa phubalâkna a ni si a; ama chunga chun phuba la unla, amain a lo thaw ta ang khan a chunga khawm thaw ve ro.

ṬAP HLA 4:11

Lalpa chun a ṭiumna chu a hung sukpuitling a, a lunginsenna ṭium chu a hung bunthlâk a; Ziona chun mei a sukchawk a, a lungphûmhai kâng hmangtu chu.

EZEKIEL 36:6

“Chuleichun, Israel ram chungchâng thua chun thu hril la, tlânghai kuoma dâm, muolhai kuoma dâm, tui luongnahai kuoma dâm, phairuomhai kuoma dâm chun hril la; Lalpa Pathien chun hieng ang hin a tih; Ngai ta, hnam danghai biekrâwpna chu i lo phur tâk leiin, ka lunginsenna le ka itthîknain thu ka lo hril ta a;

EZEKIEL 38:18

“Gog chun Israel ram chu a hung do pha, chu nia chun, Lalpa Pathien chun a tih; Ka ṭiumna chu ka hnârkuoa inthawkin khu suok a tih.

EZEKIEL 38:19

Ka îtthîkna le ka lunginsen lai chun ka hril ta si a: Matheilovin, chu ni chun Israel rama chun inhnîngna nasatak um a ta,

EZEKIEL 39:25

“Chuleiin, Lalpa Pathien chun hieng hin a tih; Tuhin Jakob sal intângna chu hung la kîr ka ta; Israel sûngkuo pumpui ta ding chun zângaina nei ka tih; chun, ka hming inthieng khawm humhal bawk ka tih.

EZEKIEL 5:13

“Chuongchun, ka lunginsenna chu sukpuitling ni tâng a ta, ka lung inthakna chu an chunga chun suktlai tâng ka ta, inhawi ti tâng ka tih; chun, an chunga ka lung inthakna ka sukpuitling pha chun kei Lalpa hin ṭhahnemngaia ka lo hril a ni ti hre tâng an tih.

EZEKIEL 6:12

Hlataka umhai chu hripuiin thîng an ta; a hnaia umhai chu kâwlhnâmah tlûng an ta, chun, umhmuna uma inhuol khuma um chu ṭâmin thîng a tih: chuong ang chun ka lungsenna chu an chunga chun ka sukpuitling ding a nih.

EZEKIEL 8:18

Chuleiin, kei khawma lunginsenin thaw vêng ka ta, ka mitin anni chu hla naw ni a, lunginsietna nei bawk naw ning; ka naa chun râwl inringtakin hung khêk hai sien khawm, anni chu lo ngai naw ning,” tiin.

JOEL 2:18

Lalpa chun a ram chu a thîk a, a mihai chu a lunginsiet a.

LEVI DÂN 26:28

lunginsentakin nangni kal zâwngin um ka ta; in suol leiin a let sariin hrem bawk ka ti cheu.

MIKA 5:15

Chun, thu ngai naw hnamhai chunga chun lunginthakna le lunginsennain phuba lâkna intlungtir ka tih.

MIKA 7:18

Nang anga khawhlona ngaidamtu le a rochan la um sun bawsietna fekhêltu Pathien tu am an um a?A lunginsenna chu kumkhuoin a vawng zing nawh, lunginsietnaa chun a lâwm êm êm hlak leiin.

ZEKARIA 1:14

Chuongchun, vântirko a mi betu chun ka kuomah, ‘Hieng ang hin khêk rawh: Sipaihai Lalpa chun hieng hin a tih: Jerusalem le Zion chu nasatakin ka thîk a nih.

ZEKARIA 8:2

“Sipaihai Lalpa chun hieng hin a tih: Zion chu îtthîkna nasatakin ka îtthîk a, lungsenna nasatak leh ama chu ka îtthîk a nih,” tiin.

NAMBAR 25:11

“Thiempu Aron nau Eleazar naupa Phinehas hin ka thîkna anga anni laia a thîkna chun ka lunginsen chu Israel mihai laia inthawk chun a sukkieng a; chuongchun, ka thîkna chun Israel mihai chu sukbohmang naw ning.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:19

Dittakhai, in phuba la naw unla, Pathien lunginsenna inkien lem ro,“phuba hrim hrim keia lâk ding a nih, keiin thung ka tih, Lalpain a tih,” ti ziek a ni si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:4

ama chu i ṭhatna dinga Pathien rawngbâwltu a ni si a. Nisienlakhawm, thil suol i thaw chun ṭi rawh, kâwlhnâm chu a chawi mei mei si naw a; ama chu Pathien rawngbâwltu, thil suksuoltuhai chunga lunginsenna phuba latu a ni si a.

DÂN PAHNINA 4:24

Lalpa in Pathien chu kâng bohmang mei, thîkthusetak Pathien a ni si a.

DÂN PAHNINA 7:10

ama theidatuhai sukbohmang dinga anni chung ngeia thung hlak a nih; ama theidatuhai chu riel sâwt naw ni a; anni chunga ngei thung a tih.

HEBRAIHAI 10:30

“Phuba hrim hrim keia lâk ding a nih, keiin thung ka tih,” ti le “Lalpa chun a mihai ngaituong a tih,” ti nâwktu chu ei hriet si a.

JOSUA 24:19

Josua ruok chun mipuihai kuoma chun, “Lalpa rawng chu bâwl thei naw ti niu, ama chu Pathien inthieng a ni si a; Pathien thîkthusie a na, in bawsietna dâm le in suolnahai chu ngaidam naw ni.

2 PETER 2:9

Lalpa chun, ama ngaisaktuhai chu thlêmnaa inthawka sansuok dân le, fel nawhai chu rorêl nia dingin hrem puma khêk dân a hriet;