NAHUM 1:12 - Pathien Lekhabu Inthieng (BSI)

¹² Lalpa chun hieng ang hin a tih: “An hrât thei tâwpin hrât hai sienla khawm, tam khawm tamtak ni hai sien khawm, chuongsa khawm chun vât thlûkin um an ta, bohmang an tih. Lo sukrimsi ta lang che khawm sukrimsi nâwk ta naw ning che.

NAHUM 1:12 ပူးပေါင်းရင်းမြစ်များ

2 LALHAI 19:35

Chuongchun, chu zân chun hieng ang hi a hung na, Lalpa vântirko chu ân thawk suok a, Assuria mihai riekhmuna chun mi nuoi khât le sîng riet le sâng nga a sukhlum a; chun, zîngkâra an hang tho chun, ngai ta, mithi ruong khât el a lo ni tah el a.

2 LALHAI 19:37

Chun, a pathien Nisrok ina chun ama a biek laiin hieng ang hi a hung na, Adrammelek le Sarezer hai chun ama chu kâwlhnâmin an sukhlum ta a; chuongchun, Ararat rama chun an tlân lût ta a. Chun, a naupa Esar-haddon chu ama aiawin ân lal ta a.

FESUOKNA 12:12

Chu zân chun Aigupta ram fe thleng ka ta, ran le mihriem khawm, Aigupta rama nau lutîr po po chu ka sukhlum ding a ni si a; chun, Aigupta mihai pathienhai chunga khawm rorêlnahai intlungtir bawk ka tih, Lalpa chu ka ni hi!

ISAI 10:16

Chuleiin, Lalpa, sipaihai Lalpa chun, a mi thauhai laia chun chêrna tir a ta, a ropuina hnuoia chun meichawk lai zing ang hin mei sêmin um a tih.

ISAI 17:14

Zântieng chun ngai ta, thil râpthlâktak a um a nih; chun, khaw var hmain an um ta nawh. Chu chu râllâka mi lâkpêktuhai chan a na, a mîn rûkpêktuhai puol chu a ni bawk a.

ISAI 30:19

Mihai chu Jerusalema Ziona chun an um ding a ni si a; ṭap nâwk ta naw ti niu a, in khêk ria chun ama chun lunginsiet ngei ngei a ti cheu a, a hriet phingleh dawn a ti cheu.

ISAI 31:8

“Chu pha chun Assuria mi chu, mihriem kâwlhnâma sukthlûk ni lovin, kâwlhnâm sukthlûkin um a tih; chun, kâwlhnâm mihriemhai ta ni lovin ama chu fa zo a tih; kâwlhnâma inthawk chun tlân hmang a ta, a tlangvâlhai chu sie chawitu hung ni tâng an tih.

ISAI 37:36

Chuongchun, Lalpa vântirko chu a va suok a. Assuria mihai riekhmuna chun mi nuoi khat, sing riet sâng nga a sukhlum a; chun, zîngkâra mi an hang tho chun ngai ta, mithi ruong khât ngawt a lo ni ta a.

ISAI 51:22

i Lalpa Jehova, i Pathien, a mihai thu hrilpui hlaktu chun hieng ang hin a tih; “Ngai ta, pêm pêmna no, ka lunginsenna no berbu ngei chu, i kuta inthawkin ka lâk suok tah; dâwn nâwk ta naw ti ni;

ISAI 7:20

Chu nia chun Lalpain rêpvâw haw, Vadungpui khêl rama, Assuria lal um chu hmangin, lu le ke hmul chu mêt fai a ta, khâk hmul khawm mêt fai vawng a tih.

ISAI 8:8

chun, Juda ram chenin chîm tlum dum dum a ta, a liemin luong tlang dum dum a ta, rîng khawm chîm phâk hiel a tih; chun, a thla zar chun, Aw Immanuel, i ram khang tieng po po hi aw vawng a tih.

DANIEL 11:10

A naupasalhai chun sipai ropuitak tamtak el khâwm an ta, do an ta, chu chu hung an ta, a luongin hung luong liem an ta, fe thleng an tih; chun, hung kîr nâwk an ta, a kul ngei chu hung do an tih.

JOEL 2:19

Lalpa chun a dawn a, a mihai kuomah, “Ngai unla, in kuomah bu dâm, uoin dâm, hriek dâm hung intlun ka ta, chuonghaia chun tlai in ta: hnamhai laia chun hrilsietin inumtir nâwk ta naw ning cheu a:

NAHUM 1:15

Tlânghaia chanchin ṭha intluna, inremna thu tlânginsampuituhai ke chu en ta! Aw Juda, i ruoiṭhenahai chu inser la, i thutiemhai chu sukpuitling rawh; mi rilo chun a pal thleng nâwk ta âwm si naw che a, sukbohmang dêr a ni ta a nih.

THUPUONGSUO 7:16

An phîng ṭâm ta naw ni a, dangchâr ta bawk naw ni hai; nisain em naw ni a, lum hrim hrim khawmin sukrinum ta bawk naw nih.