NAHUM 1:10 - Pathien Lekhabu Inthieng (BSI)

¹⁰ Hling bawn anga umin an uoin dâwn chun chie hu hnêp angin um sienla khawm, bupâwl ṭâwl ang ela sukbohmang vawng nîng an tih.

NAHUM 1:10 ပူးပေါင်းရင်းမြစ်များ

2 SAMUEL 13:28

Chun, Absalom chun a siehlawhai chu, “Ngai ta, Amnon chu uoin dâwna a hlim laiin in kuomah, ‘Amnon kha that ro,’ ka ti cheu chun that unla, ṭi naw ro, thu ka pêk ta cheu annâwm; insukhuoi unla, insukpasal ṭha unla,” tiin thu a pêk a.

INPÂKNA HLABU 118:12

Khuoihai angin an mîn huol vêl a, hling chawk anga sukrêmin an um a, Anni chu Lalpa hmingin sukbohmang ka tih.

INPÂKNA HLABU 68:2

Meikhu hi lên hmanga a um ang hin, anni chu lên hmang la; Khuoihlu hi mei luma ân tuihmang angin, Mi rilohai chu Pathien hmaah bohmang raw se.

FESUOKNA 15:7

I lalna ropuina chun nangma dotuhai che chu i peithlâk a: I lunginsenna chu i tir suok a, anni chu bupawl angin a kânghmang a.

FESUOKNA 5:12

Chuongchun, mipuihai chu Aigupta ram sûng po poa chun bupâwl aiah bu kûng la khâwm ding chun an indar ta sup sup a.

ISAI 27:4

Keimaa hin lunginsenna a um nawh ie; buor le hlohlingneihai chun mi doin mi hung thaw hrim hai sien aw! anni chu thaw dingin fêng ka ta, hmun khatah ka raw hlut hlut ding bah.

ISAI 47:14

Ngai ta, bupâwl ang el nîng an ta; meiin kâng a tih; meichawk thilthawtheinaa inthawk chun insanhim naw ni hai a; insuklumna ding meihawl ang khawm ni naw ni a, awi ding mei ang khawm ni bawk naw ni.

ISAI 5:24

Chuleiin, meichawkin bupâwl a liek hmang duok duok hlak ang le, hlohna ṭâwl chu meichawka a tlu zawt zawt angin an zung chu hmawnna angin um a ta, an pâr chu pilvut angin intung lui lui a tih; sipaihai Lalpa dân chu an dit naw a, Israelhai Mi Inthieng thu chu an ngainêp leiin.

ISAI 56:12

“Hung ro khai, uoin lâng ka ta, chuongchun, zuin ei inthun sip ding annâwm; zînga chun vawisûn ang hi ni nâwk a ta, ni ropui nasa deu el nîng a tih,” an ti seng a.

ISAI 9:18

Rîtlona chu mei angin a chawk dur dur hlak si a, buor le hlohlingneihai chu a kâng hmang hlak; anih, ramhnuoi thing bitna hmunahai chun a kâng dur dur a, a khu ân tung ngut ngut hlak.

JEREMIA 51:39

Suklum an ni pha chun, an ta dingin ruoi ṭhêng ka ta, anni chu sukrui ka ta, chuongchun, an hlim a, tho nâwk ta lo dinga kumkhuoa innaa chun an in theina dingin, Lalpa chun a tih.

JEREMIA 51:57

Chun, a lalhai le a mi varhai le, a rorêltuhai le, a lal aiawtuhai le a mi thilthawtheihai chu sukrui ka ta; kumkhuoa innaa chun in an ta, tho ta naw ni hai, Laltak, a hming khawm sipaihai Lalpa chun a tih.

MIKA 7:4

Anni laia mi ṭhatak khawm chu buor ang a na, mi indiktak khawm chu hlohlingnei nêkin a se lem; i vêngtuhai ni, fanga i um ni ngei chu a hung tlung tah, chu chu an lunginzîngna ni nîng a tih.

NAHUM 3:11

Nang khawm inrui bawk i ta, thuphmangin um i tih; hmêlma leiin kul det zawng bawk i tih.

MALAKI 4:1

Sipaihai Lalpa chun a tih, “Ngai ta u, ni chu a hung tlung a, rawtuina thuk angin a chawk si a; chapotaka thawtuhai po po le, khawhlotaka thawtuhai po po chu pâwl kûng el nîng an ta: chu ni hung tlung chun anni chu kâng hmang a tih, a zung amanih, a kau amani khawm mâksanpêk dêr lovin.

1 SAMUEL 25:36

Chun, Abigail chu Nabal kuoma chun a hang fe a; chun, ngai ta, a ina chun lal ruoiṭhe ang elin ruoi a lo ṭhe a, ân rui hle leiin Nabal chu a hlim huom el a; chuleiin, a zîng khawvar hmakhat chun iengkhawm, a hril naw a.