MIKA 7:7 - Pathien Lekhabu Inthieng (BSI)

⁷ Kei ruok chun chu Lalpa en ka ta; ka sandamna Pathien chu nghâk ka tih; ka Pathien chun a mi ngai ding a nih.

MIKA 7:7 ပူးပေါင်းရင်းမြစ်များ

INṬANNA 49:18

Aw Lalpa i sandamna chu ka nghâk zing.

INPÂKNA HLABU 109:4

Ka lunginsiet leiin a mi dotuhai an hung ni ta a; Nisienlakhawm, kei chu ṭawngṭâi dingin kân pêk tlat a.

INPÂKNA HLABU 130:5

Lalpa chu ka nghâk zing a, ka hringna hin a nghâk zing a, A thu khawm ka beisei a nih.

INPÂKNA HLABU 25:5

I thutaka chun mi ṭhuoi la, mîn chûktir rawh, Nang chu a mi sandamtu Pathien i ni si a; Sûnnithlâkin ka nghâk zing che hi.

INPÂKNA HLABU 37:7

Lalpaa chun châwl la, ama chu nghâk fan fan rawh; Ama lampuia vângneina dawngtu lei chun insuklungngai nuom naw rawh, Ngaituo suolhai puitlintu lei chun.

INPÂKNA HLABU 38:15

Aw Lalpa, nangma ka beisei si che a, Aw Lalpa ka Pathien, nangin mi dawn i tih.

INPÂKNA HLABU 50:15

Chun, lunginzîng ni chun mi ko la, Sanhim ka ti che, chuongchun, nangin i mi chawimawi ding annâwm,” a ti a.

INPÂKNA HLABU 65:2

Aw ṭawngṭâina ngaitu, I kuomah tisa po po chu hung an tih.

INPÂKNA HLABU 85:5

Kan chungah i lunginsen kumkhuo ding am a nih? I lunginsen chu suon po po chenin în langtir pei ding am a nih?

ISAI 12:2

Ngai ta, Pathien chu ka sandamna a na, ring ka ta, ṭiin um naw ning ah; Lalpa Jehova chu ka hrâtna le ka hla a ni si a; a mi sandamtu a lo ni ta bawk a,” tiin.

ISAI 17:7

Chu nia chun miin anni siemtu tieng en tâng an ta, an mithai chun Israelhai Mi Inthieng chu inza tâng a tih.

ISAI 25:9

Chun, chu nia chun, “Ngai ta u, hi hi ei Pathien a ni hi, ama hi ei nghâk zing a; chuongchun, ama chun mi sandam a tih: hi hi Lalpa chu a ni hi; ama hi ei nghâk zing a, a sandamnaa chun hlimin lâwm ei tih,” tîng an tih.

ISAI 45:22

Kâwlkawdawnga mi po pohai, keia tieng hung ngha unla, sandamin um ro; kei hi Pathien ka ni si a, a dang hrim hrim an um nawh.

ISAI 8:17

Kei chun Jakob sûnghai laia a hmai thuptu Lalpa chu nghâk ka ta, ama chu thlîr zing ka tih.

ṬAP HLA 3:24

Ka thla chun,“ Lalpa chu ka chanvo a na, chuleiin, amaa chun beisei ka tih,” a ta.

DANIEL 3:17

Chuong chu a ni ding chun, kan Pathien a rawng kan ibâwl chun meithuk chawklai râpthlâka inthawk chun a mi sanhim thei a; aw lalpa, i kuta inthawk khawmin a mi sanhim thei a nih.

HOSEA 12:6

Chuongchun, nang chun i Pathien tieng ngha la, Lunginsietna le rorêlna hmang la; I Pathiena chun innghat rawp rawh.

JOEL 1:19

Aw Lalpa, ka ko che hi; mei chun thlalêr ram hlohna hmun chu a kâng fai ta a, meichawk chun ram thing po po chu a kâng fai ta si a.

HABAKKUK 2:1

Ka vêngbûk chunga chun ngîr ka ta, ka kulbîng chunga chun um ka ta, kâwk ka ni phaha ka dawnna ding le ka kuoma ieng am a hril ding ti hmu dingin nghâk zing ka tih.

HABAKKUK 2:3

Inlârna hi hun ruota hung tlung ding a la na, A tâwp chu a hnai mêk zing a, inkhêl bawk naw nih; A muong khawma nghâk zing la, A hung tlung ngei ding a ni leiin,” tiin.

NAMBAR 5:28

Amiruokchu, nuhmei chu a lo pawrche naw a, ân thieng chun fihlîm a ta, nau vawn thei pei hung nîng a tih.