MIKA 7:3 - Pathien Lekhabu Inthieng (BSI)

³ An kuthai chu thil ṭha naw chungah taimataka thaw dingin an innghat a; lal chun thamna a ngên a, rorêltu chun lâwmman a ngiet a; milien chun a lungril thil suksuolna a hril suok a; chuong ang chun an inthuruol tâwl a nih.

MIKA 7:3 ပူးပေါင်းရင်းမြစ်များ

THUVARHAI 16:30

Mithai insîmtu chun thil ṭha naw a remruot a, Hmûr inchîp tlattu chun thil suol chu ân tlungtir hlak.

THUVARHAI 17:23

Mi khawhlo chun ângsûnga inthawkin thilthlâwnpêk chu a lâk a, Rorêlna lampuihai chu a sukkâwi hlak.

ISAI 1:23

I mi lienhai chu mi hel hmang, inru hmanghai ruolhai an nih, mi tinin tham an nuom a, lâwmman an hnawt hlak; pa bohai ro an rêlpêk ngai naw a, hmeithai thu hlak an kuom a tlung ngai nawh.

ISAI 26:21

Ngai ta u, Lalpa chu, an suolna leia hnuoia umhai hrem dingin a umnaa inthawk chun a hung ṭum ding a nih; hnuoi khawm hin a thisenhai chu suklang a ta, mi an thathai chu inkhum ta naw ni.

ISAI 3:5

Chun, mihai chu innêksâwrtuoin um an ta, mi tin an ruolhai leh, mi tin mâni tuolbâwmhai leh, naupang chu upa chungah chapotakin um an ta, mi setak khawm mi inzaumtak chungah chapotakin um bawk an tih.

ISAI 32:7

Mi vervêk thuomhnawhai chu ṭha nawtak a na; pasiehai chun thu dik an hril khawmin mi rimsihai chu khêl thua sukbohmang dingin ama chun thil suol thaw dingin a ngaituo hlak.

ISAI 5:23

thamna fâk leia misuol thiem inchangtir hlaka, mi fel felna lâkpêk hlaktuhai chu!

JEREMIA 3:5

A lunginsenna chu a kawl zing dîm a nih? A tâwp chenin a kawl dîm a nih? Ngai ta, thil ṭha naw chu i hrilin i thaw ta a, i suol thei dân tâwpin i lo suol ta,” tiin.

JEREMIA 4:22

“Ka mihai an invêt a, an mi hriet si naw a; naupang invêttak ang, hrietthiemna hrim khawm an nei naw, thil ṭha naw thaw dingin an var a, thil ṭha thaw ding ruok chun hrietna an nei nawh.”

JEREMIA 8:10

Chuleiin, an nuhmeihai chu mi danghai kuomah pêng ka ta, an lohai chu a neitu dinghai kuomah pêng ka tih; mi tin el chu a chîn taka inthawka a lien tak chenin, inîtthîknain an sip si a; zâwlneia inthawk thiempu chenin indik lotakin an thaw bawk a.

EZEKIEL 22:12

I sûnga chun thisen insuo dingin thamnahai an lâk a; a pung hnawtna le a pung chu i lâk a; nêksâwrnain i tuolbâwmhai chunga chun duâmtakin i lo hlêp ta a; kei i mi lo theinghil tah a nih, Lalpa Pathien chun a tih.

EZEKIEL 22:27

A sûnga a lalhai chu satene an sa fâk ding innghir khumhai ang chu an na; thisen insuoa, mi hring sukbohmanga hlâwkna indik lo an hmuna dingin.

EZEKIEL 22:6

Ngai ta, Israel lalhai mi tin chu a thilthawtheina ang peia, thisen insuo dingin i sûnga chun a um a nih.

EZEKIEL 34:21

Liengko le sîrin in hneng a, in sukdar phier hmakhat chun in kihai chun a damnawhai chu in sik leiin,

EZEKIEL 9:9

Chun, ama chun ka kuomah, “Juda le Israel sûngkaw suolna chu a nasa êm êm a, ram chu thisenin a sip a, khawpui sûng chu rorêlna pawisak nawnain a sip a, ‘Lalpa chun ram hi a nghatsan ta a, Lalpa chun a hmu nawh,’ an ti si a.

HOSEA 4:18

An zu dâwn chu an ṭîn a, nawchizawrah an insiem a, An ropuina nêkin thil inzapuium chu an ngaina lem a.

HOSEA 7:3

An rîtlona chun laltak an suklâwm a; An thu khêlin mi lienhai an suklâwm bawk a.

AMOS 5:12

In bawsietnahai tamzie le, in suolnahai a nasatzie ka hriet si a; mi felhai suknawmna a, thamna la a, kawtkhâra tlasamhai an chantâwk nghatsantuhai.

MIKA 2:8

Nisienlakhawm, ka mihai chu tulai hnaia hin hmêlma angin an hung ngîrdawk a nih; indo nuom lo a, râlmuongtaka mi inlawnhaia inthawkin an silfên zakawfuolhai in hlîppêk a.

MIKA 3:11

Chutaka hotuhai chun lâwmman beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “Lalpa chu eini lai a um naw am a nih? Thil ṭha naw ei chungah hung tlung naw nih,” tiin Lalpa chungah an innghat a nih.

MIKA 3:2

Thil ṭha in theida a, thil ṭha naw in ngaituo a, an vun in inhlippêk a, an rua inthawkin taksa chu in sâwkthlâk a,

MATTHAI 26:15

“Ama chu inmantir ka ti cheu a ieng am mi pêng in ta?” a ta. Chun, tangka sâwmthum an bûkpêk ta a.

1 KORINTH 4:5

Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.