MIKA 7:20 - Pathien Lekhabu Inthieng (BSI)

²⁰ Tienlaia kan puhai kuoma ṭawng i lo inkhâm tah, Jakob kuoma thutak le Abraham kuoma lunginsietna sukpuitling i tih.

MIKA 7:20 ပူးပေါင်းရင်းမြစ်များ

INṬANNA 24:27

Chun, “Ka pu chunga a lunginsietna le a takna bo ngailo Lalpa, ka pu Abraham Pathien chu inpâkin um raw se; kei khawm hi Lalpa chun ka pu unauhai in tieng a mi ṭhuoi a lo ni hi,” a ti a.

INṬANNA 32:10

i siehlaw chunga lunginsietna po po în langtir le thutak po po în langtir laia a chîntak khawm hi hmu tlâk ka ni nawh; hi Jordan hi ka hmawl le bak ka kân a; tuhin chu pâwl hni zet ka lo ni ta hi.

JEREMIA 33:6

Ngai ta u, hrisêlna le sukdamna intlungtir ka ta, anni chu sukdam ka tih; chun, an kuoma chun thudik le thlamuongna tamtak chu suklang bawk ka tih.

DÂN PAHNINA 7:12

“Hieng rorêlhai hi in ngai a, in zâwm a, in thaw leiin Lalpa in Pathienin in pi le puhai kuoma ṭawng inkhâma a thuthlung le a lunginsietna chu in chungah vawng zing a ta;

DÂN PAHNINA 7:8

Lalpain a hmangai cheu a, in pi le puhai kuoma ṭawng a lo inkhâm chu hlen a nuom leiin a nih, Lalpa kut hrâttakin suoka in umna Aigupta ram lal Pharao kuta inthawka ân tlan suok cheu chu.