MIKA 6:8 - Pathien Lekhabu Inthieng (BSI)

⁸ Aw mihriem, a ṭha chu ân entir ta che a nih; Lalpain a phût che chu ieng am a na? Indiktaka thaw le lunginsietna ngainat le i Pathien le thuhnuoirawltaka lêng hmunkhat chu a ni naw am a nih?

MIKA 6:8 ပူးပေါင်းရင်းမြစ်များ

INṬANNA 18:19

Lalpa lampui an hraw theina dingin, a hnunga a nauhai le a sûnghai, thil feltaka thaw ding le rorêl anga thaw dinga thu a pêk theina dingin ama chu ka ruot ta si a, a chungchâng thu a hril chu Lalpain Abraham chunga ân tlungtir theina dingin,” a ta.

INṬANNA 5:22

Methusela a nei hnung chun Enok chu kum za thum sûng Pathien leh an lêng hmunkhat hlak a, naunuhmei le naupasalhai a nei nâwk a;

2 CHANCHIN SUINA 30:11

Nisienlakhawm, Aser le Manasse le Zebulun hnama mi ṭhenkhat chu an insukhnuoi a, Jerusalema chun an hung a.

2 CHANCHIN SUINA 32:26

Amiruokchu, Hezekia chun a lungril chapona chu ân sîr nâwk a, ân sukhnuoi a; ama le Jerusalema umhai le chun; chuongchun, Hezekia dam sûng khan chu Lalpa lunginsenna an chunga a hung tlung ta naw a.

2 CHANCHIN SUINA 33:19

A ṭawngṭaina dâm, ama Pathienin a lo ngaisak dânhai dâm, a suolna po po le a bawsietna po po le, bâwlhmun a siemna hmunhai le, ama le ama ân sukhnuoi hmaa Asera a siem dâm le, milim ker a siemhai thu chu, ngai ta, Hozai chanchinbua chun ziek an nih.

2 CHANCHIN SUINA 33:23

A pa Manasse ân sukhnuoi ta ang khan ama hi chu Lalpa hmaa chun ân sukhnuoi ve naw a; chuongchun, hi Amon hi chu a suol nasa deu deu ta a.

2 CHANCHIN SUINA 34:27

hi hmun le a sûnga chênghai chungthua, thuhai chu i hriet phinga i lungril ân nêm a, nangma le nangma chu Pathien hmaa chun în sukhnuoi leiin le, i puonhai i keithlêr a, ka hmaa chun i ṭap leiin kei khawma ka hung hriet ve che a nih.

NEHEMIA 9:13

Sinai tlânga chun i hung ṭum bawk a, vâna inthawkin an kuoma chun thu i hril a; rorêlna indiktakhai dâm, dân indiktakhai dâm, thuruot le thupêk ṭha takhai chu i pêk a;

INPÂKNA HLABU 101:1

Ngilneina le rorêlna thu chu hlain sak ka ta, Aw Lalpa, nangma inpâkin hla sak ka tih.

INPÂKNA HLABU 112:4

Mi indik ta ding chun inthima chun var a hung suok a, Ama chu mi lunginsiet theitak, lainatnaa sip, feltak a nih.

INPÂKNA HLABU 112:9

A semdar a, pasiehai kuomah a pêk a, A felna chu kumkhuoa um ding a nih; A ki chawimawinaa chawimawiin um a tih.

INPÂKNA HLABU 37:26

Sûnnithlâkin mi a lunginsiet a, ân pûktir hlak, A thlahai khawm an hamṭha hlak.

INPÂKNA HLABU 73:28

Keia ta ding chun Pathien hnai hi a ṭha a nih; Lalpa Pathien chu kân humhimna dingin ka hmang a, I sinthaw po po thu ka hril theina dingin.

THUVARHAI 21:3

Rorêlna le thil fel thaw hi, Inthâwina nêkin Lalpa ta dingin pawmtlâk a ni lem dai.

THUHRILTU 12:13

Hi hi thil tâwp chu a nih; thil po po chu hriet a ni ta a; Pathien ṭî la, a thupêkhai chu zâwm rawh; hi hi mihriem thilthaw ding pumpui chu a nih.

ISAI 56:1

Lalpa chun hieng ang hin a tih, “Rorêl zâwm unla, feltakin thaw ro, ka sandamna chu a hung tlung vâng vângin, ka felna chu a hung inlang ṭêp ta si a.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti si a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 66:2

Hieng thil iengkim hi ka kutin ka siem a ni si a, chuongchun, hieng thil iengkim hi a hung um tah a nih, Lalpain a tih; amiruokchu, hi mi rimsitaka um, lungrila insîr ngawi ngawi, ka thua inthin hlaktu tieng hi en lem ka tih.

JEREMIA 22:16

Mi tlasamhai le mi rimsihai chungthu chu a rêl a, chuongchun, a ṭha a. Hi hi keima mi hre dingin a ni nâwm a nih? Lalpa chun a tih.

JEREMIA 22:3

Lalpa chun hieng hin a tih: Felna le rorêlna chu tirsuok unla, nêksâwrtu kuta inthawk suksieta um chu sansuok ro; thil dik naw chu thaw naw unla, thawluina chu thaw naw unla, hmeithaihai le, mikhuolhai le pa neilohai chunga chun; hi hmuna hin mi thiem thisen chu insuo bawk naw ro.

JEREMIA 9:23

Lalpa chun hieng hin a tih: mi var chun a varna suong naw raw se; mi thilthawthei khawm chun a thilthawtheina suong bawk naw raw se; mi hausa khawm chu a hausakna suong bawk naw raw se;

ṬAP HLA 3:26

Lalpa sandamna chu mîn an nghâk ṭâwk ṭâwk a, an beisei chu a ṭha a nih.

EZEKIEL 16:63

Thil i lo thawtahai po poa ka ngaidam pha che chun i hriet zing a, i hmai a mâwk a, în zak leia i bau i kâk dêr ta nawna dingin, Lalpa Pathien chun a tih,” tiin.

EZEKIEL 33:14

Chun, mi rilo kuomah, ‘I thi ngei ding a nih,’ ka ti ve a; ama chu a suolnaa inthawk chun a hung kîr a, ân dik le dân thil chu a thaw chun;

DANIEL 4:37

Tuhin, kei Nebukadnezzar hin vâna Pathien chu ka chawimawiin, ka chawisângin kân pâk a; a sinthawhai po po chu indikna a na, a lampuihai chu felna a nih; chun, chapoa fehai chu a sukhnuoi thei a nih.

HOSEA 12:6

Chuongchun, nang chun i Pathien tieng ngha la, Lunginsietna le rorêlna hmang la; I Pathiena chun innghat rawp rawh.

HOSEA 6:6

Inthâwina dit lovin lunginsietna ka dit si a; Pumrawhmang thilinhlân nêk chun Pathien hrietna ka dit lem a nih.

LEVI DÂN 26:41

kei khawm anni kalzâwnga ka um a, an hmêlmahai rama ka înumtir chu: an lungril ser tan lo chu an insukhnuoi a, an rîtlonaa inthawka an insiem ṭha chun;

AMOS 5:24

Nisienlakhawm, rorêlnahai chu tuihai angin le felna chu vadungpui angin luong raw se.

MIKA 6:9

Lalpa chun khawpui chu a khêkkhum a nih, varna nei mi chun i hming chu ṭîng a tih; “Hembâwk le a buotsaitu chu hre ro.

ZEPHANIA 2:3

Nangni a rorêlnahai anga thawtu, hnuoi chunga zainêm po pohai, Lalpa chu zawng ro; felna chu zawng unla, zainêmna chu zawng ro; Lalpa lunginsenna nia chun thupa in um theina dingin.

ZEKARIA 7:9

Rorêlna ṭha chu suksuok unla, mi tinin mâni unau chungah zângaina le lunginsietna inlangtir raw se;

MATTHAI 5:3

“Thlaraua pasiea inhriehai chu an hamṭha; vân ram an ta a ni si a.

MATTHAI 5:7

“Mi chunga zângaitheitakhai chu an hamṭha; zângaina an la hlaw ding a ni si a.

LUKA 10:42

thil pakhat chau a pawimaw; Mariin chan ṭha a thlang a, chu chu lâkpêk ding a ni nawh,” a ta, a dawn a.

LUKA 11:42

“Nangni Pharisaihai, in chung a rik ie! Pudina dâm, pardi dâm, thlai tinrêng dâm sâwma pakhat in pêk hlak a, felna le Pathien hmangaina chu in ngaitha hlak si a. Nisienlakhawm, chuong chu a nih in sawnnaw in thaw ding chu, a danghai chu thaw ṭhul chuong lovin.

LUKA 12:14

Nisienlakhawm, ama chun a kuomah, “Mihriem, nangni chungah tûin am rorêltu le, sum semtuah a mi siem a?” a ta.

LUKA 6:36

In Pain mî a lunginsiet angin mî lunginsiet ve ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:16

Ka thaw nuom naw zâwng chu ka thaw si chun, Dân chu a ṭha tia awi nîng ka tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:20

Nisienlakhawm, aw mihriem, Pathien sêl veitu chu tû am i ni lie? Thilsiem chun a siemtu kuomah, “Ieng dinga hieng anga i mi siem am a na?” a ti ding am a nih?

1 KORINTH 7:16

Aw nuhmei, i pasal i sandam ding le ding naw iengtin am i hriet leh? Aw pasal, i nuhmei i sandam ding le ding naw iengtin am i hriet leh?

EPHESI 4:32

Chun, inlunginsiet tuoa, lainatna neiin um unla, Pathienin Kristaa a ngaidam ang bawk cheuin inngaidam tuo ro.

DÂN PAHNINA 27:10

Chuleiin, Lalpa in Pathien thu chu in awi ding a nih; vawisûna thu ka ipêk cheua thupêkhai le dânhai chu in zâwm ding a nih,” tiin.

DÂN PAHNINA 30:15

“Tuhin in hmaah hringna le ṭhatna, thina le thil ṭha naw ka sie a.

KOLOSSA 3:12

Chuongchun, Pathien mi thlang, mi inthieng le dittakhai angin inlainatna lungril dâm, ngilneina dâm, inngaitlâwmna dâm, thuhnuoirawlna dâm, dawtheina dâm chun inthuom ro.

2 THESSALONIKA 2:16

Chuongchun, ei Lalpa Isu Krista ngei le, Pathien ei Pa, a mi hmangaitu le lunginsietna leia chatuona thlamuongna le beiseina ṭha mi petu chun,

JAKOB 2:20

Aw, mi teplopa, thilthaw ṭhang lova ringna ngawt chu iengkhawm a ni nawh ti i hriet nuom am?

JOSUA 24:14

Chuleiin, Lalpa chu ṭi unla, titakzet le indiktakin a rawng bâwl unla, in thlatuhaiin Vadung râl le Aiguptaa a rawng an bâwl hlak pathienhai kha pei vawng unla, Lalpa rawng chu bâwl ro.

1 PETER 3:8

A tâwp taka chun, in rêngin lungril hmunkhatin um unla, inlainat tuo unla, unau angin inhmangai unla, lunginsietna nei unla, thuhnuoirawlin um ro.

1 SAMUEL 12:23

Chu chau khawm chu a ni naw a, in ta dinga ṭawngṭai ma a, Lalpa chunga suol chu keia ta ding khawma a âwm naw tawp a nih; lampui ṭha le lampui indik khîkhmu pei lem ka ti cheu.

1 SAMUEL 15:22

Chun, Samuel chun, “Lalpa chun Lalpa thu zâwm chu a lâwm angin pumrawhmang thilinhlânhai le inthâwinahai hi a lâwm am a nih? Ngai ta, inthâwina nêkin thuawi chu a ṭha lem a, berâmchal thau nêkin a thu pawm chu a ṭha lem a nih.