MIKA 6:7 - Pathien Lekhabu Inthieng (BSI)

⁷ Lalpa chu berâmchal sâng tamtak amanih, hriek vadung sînghaia dâm chun a lungawi ding am a nih? Ka bawsietna leiin ka nau lutîr chu ka pêkin, ka thlarau suolna leiin ka taksa ra chu ka pêk ding am a nih?

MIKA 6:7 ပူးပေါင်းရင်းမြစ်များ

2 LALHAI 16:3

Israel lalhai lampui hraw chu a hraw ve a, anih, Lalpain Israel mipuihai hmaa a hnawtsuok hnamhaiin thil tirdakumtak an thaw hlak angin a naupa chu meiah ân lûttir a.

2 LALHAI 21:6

Chun, a naupa chu meiah ân lûttir a, aisân dâm a chîng a, dawi dâm a hmang a, khawhri aisân thiem zâwlhai le dawithiemhai a ruoi hlak a; Lalpa mithmuah thil ṭha nawtak ama suklungsen dingin a thaw hlak a.

2 LALHAI 23:10

Chun, tukhawma an naunu amanih, an naupa amanih Molek puola meia an inlûttir ta nawna dingin Hinnom thlahai ruoma Topheth chu a sukbo ta bawk a.

2 LALHAI 3:27

Chun, a naupasal upatak ama aia rorêl ding chu a lâk a, kul chunga chun pumrawhmang thilinhlân dingin ân hlân ta a. Israel mihai chunga chun lunginsenna nasatak chu a um ta a, chuongchun, ama chu an mâksan a, an rama chun an kîr nâwk ta a.

JOB LEKHABU (THE BOOK OF JOB) 29:6

Ka kaiṭênhai chu nênetui khala sâwp a ni a, Lungpui chun hriek vadunghai chu a min suopêk hlak lai khan!

INPÂKNA HLABU 50:9

I ina inthawk chu bâwngchal hrim hrim la suok naw ning, I ran huona inthawkhai chun kêltehai khawm la suok bawk naw ning.

INPÂKNA HLABU 51:16

Inthawina chungah lâwmna i nei si naw a; chuong ni naw sien chu pêng ka tih; Pumrawhmanga thilinhlân chungah lungawina hrim i nei nawh.

INPÂKNA HLABU 51:18

I dit zâwng takin Zion chungah thil ṭha thaw la. Jerusalem kul chu rem rawh.

THUVARHAI 15:8

Mi khawhlo inthawina chu Lalpa ta dingin tirdakum a na, Mi tluong ṭawngṭâina ruok chu a lâwm zâwng a nih.

THUVARHAI 21:3

Rorêlna le thil fel thaw hi, Inthâwina nêkin Lalpa ta dingin pawmtlâk a ni lem dai.

ISAI 1:1

Amoz naupa Isaiin Judahai lal Uzzia, Jotham, Ahaz le Hezekia hai inlal laia Judahai le Jerusalem chungchâng thua inlârna a hmu chu.

ISAI 40:16

Lebanon meu khawm ti khawp a ni naw a, a rama ranhai khawm pumrawhmanga inthâwina khawp an ni bawk nawh.

JEREMIA 19:5

Baal bâwlhmunhai chu an bâwl a, Baal kuoma pumrawhmang thilinhlân dinga an naupasalhai râwna dingin; chu chu thu ka pêk hlek naw a, hril khawm ka hril naw a, ka lungrila khawm a hung lût ngai nawh;

JEREMIA 6:20

Ram hlataka inthawka mafuhai le, Seba-a inthawka berawhai chu ieng kawngroa ka kuoma hung am an ni leh? In pumrawhmang thilinhlânhai chu pawm a ni naw a, in inthâwinahai khawm chu ka ta dingin lâwmum a ni nawh.

JEREMIA 7:31

Hinnom naupa ruoma chun Topheth bâwlhmunhai chu an naupasalhai le an naunuhmeihai meia an rawna dingin an bâwl ta a; chuong chu thu ka pêk ngai naw a, ka lungrila khawm lût khawm a hung lût ngai nawh.

EZEKIEL 23:37

An lo uire ta si a, an kuthaia chun thisen a kai a; an milimhai chun uiretna thil chu an lo thaw ta a; chun, an naupasalhai an mi neipêkhai khawm chu, an kuomah fâk zoa um dingin meia chun an infethlengtir a.

HOSEA 5:6

An berâm ruolhai le an bâwng ruolhai leh, Lalpa zawng dingin fêng an ta; Nisienlakhawm, ama chu hmu nâwng an tih, An kuoma inthawkin ân siekieng ta a nih.

HOSEA 6:6

Inthâwina dit lovin lunginsietna ka dit si a; Pumrawhmang thilinhlân nêk chun Pathien hrietna ka dit lem a nih.

LEVI DÂN 18:21

Molek puola meia pei lût dingin i rîla ra hrim hrim chu i pêk ding a ni naw a, i Pathien hming chu i suksiet ding a ni bawk nawh: Kei hi Lalpa chu ka nih.

LEVI DÂN 20:1

Lalpa chun Mosie a biek a,

AMOS 5:22

Anih, in pumrawhmang thilinhlân le in bu thilinhlânhai chu mîn hlân unla khawm, pawm naw ning a, in inremna ran thâu thilinhlânhai khawm ngaisak bawk naw ning.

PHILEMON 1:12

Ama ngei, ka lungril ngei hi, i kuomah ka hung tir kîr nâwk a nih:

RORELTUHAI 11:31

Ammon mihai kuoma inthawka râlmuonga ka in ka kîr nâwk pha chun iengkhawm ka kawtkhâra mi hung tuok hmasatak phawt chu, Lalpa ta ding nîng a ta, pumrawhmang thilinhlân dingin hmang ngei ngei ka tih,” tiin.

RORELTUHAI 11:39

Thla hni hnunga chun a pa kuomah a hung kîr nâwk a, ama chun ṭawng a lo inkhâm ta ang khan, a chungah a thaw a, pasal tukhawma an pâwl nawh.

1 SAMUEL 15:22

Chun, Samuel chun, “Lalpa chun Lalpa thu zâwm chu a lâwm angin pumrawhmang thilinhlânhai le inthâwinahai hi a lâwm am a nih? Ngai ta, inthâwina nêkin thuawi chu a ṭha lem a, berâmchal thau nêkin a thu pawm chu a ṭha lem a nih.