MIKA 6:15 - Pathien Lekhabu Inthieng (BSI)

¹⁵ Chîng chu chîng i ta, sîk naw ti ni, oliv rahai chu sirsâwr i ta, nisienlakhawm, a hriek chu nâl naw ti ni; grêp ra chu sâwr la khawm, a uoin chu dâwn naw ti ni.

MIKA 6:15 ပူးပေါင်းရင်းမြစ်များ

JOB LEKHABU (THE BOOK OF JOB) 31:8

Mîn tûtir la, mi dangin fa raw hai se; Anih, ka lo rasuok chu a zunga kar hmangin um raw se.

JEREMIA 12:13

Bu an chîng a, hling an sîk a; anni chu an insukna a, nisienlakhawm, iengkhawm a hlawk nawh, Lalpa lunginsenna ṭiumtak lei chun i rahai chu inzapui i tih.

LEVI DÂN 26:16

kei khawma in chungah hi hi thâwng ka tih; in chungah thil ṭiumtak, ngawrna le, mithai sukchau diek diek a, hringna fa hek diek diektu khawsikna dâm inlêngtir ka tih. Chuongchun, in thlaichihai a thlâwnin chîng in ta, in hmêlmahai chun fa pei an tih.

LEVI DÂN 26:20

chun, in tha chu sêng thlâwn mei mei nîng a tih, in ram chun ra insuo naw ni a, rama thinghai khawm chun ra an insuo naw ding a ni si a.

AMOS 5:11

Chuleiin, mi rimsihai sirdein bu in lâkpêk a, lung intieng inhai in bâwl a, nisienlakhawm, a sûngah chêng naw ti niu; grêp huon inhawihai in siem a, nisienlakhawm, a uoin dâwn naw ti niu.

HABAKKUK 3:17

Theichang kûng chu pâr naw sien khawm, Grêphruia chun a ra um naw bawk sien khawm; Oliv leia sin inrimna chu hung thlâwnin, Lohai chun bu insuo naw bawk hai sien; Berâm ruol chu a ina inthawka sât thlâka umin, Bâwng ina chun bâwng ruol khawm um naw bawk hai sien khawm,

ZEPHANIA 1:13

Chuongchun, an hausaknahai chu râllâk sum ang hung nîng a ta, an inhai chu râusan hung nîng a tih: anih, inhai chu bâwl hlak an ta chu, a hluo ruok chu hluo ngai naw ni hai a, grêphruihai khawm phun an ta, nisienlakhawm, chutaka a uoin chu dâwn dêr naw ni hai.

HAGGAI 1:6

In tu ṭeu a, tlâwmte chau in lâk lût a, in fâka chu khawp lêm in nei naw a; in dâwna chu in khawp si nawh; in inthuom a, tukhawm in lum si nawh; chuongchun, hlawhai hlawtu khawm chu ip mawng inâwnga thlâk el dingin a hlaw a nih,” tiin.

JOHAN 4:37

‘Pakhatin a tu a, mi dangin a sîk hlak,’ ti thu hi, chutaka chun ân dik hle a nih.

RORELTUHAI 6:4

umhmun an hang khuor a, Gaza chenin, hnuoia thil ṭohai chu an suksiet pêk a, Israel rama chun fâk thei hrim an hla naw a, berâm dâm, bâwng dâm, sabengtung dâm, chenin.