MIKA 5:8 - Pathien Lekhabu Inthieng (BSI)

⁸ Jakob mi hlâbîkhai chu hnamhai laia le chi tamtakhai laia chun ramhnuoi sahai laia sakeibaknei ang le berâm ruol laia sakeibaknei vânglai angin um a tih; ama chun a fe thleng phawt chun, a sirde a, a keinâwi a, santu ding khawm tukhawm an um nawh.

MIKA 5:8 ပူးပေါင်းရင်းမြစ်များ

INṬANNA 49:9

Juda hi sakeibakneite a nih; Ka naupa, i sase chu i hang fesan ta a, A kûn a, sakeibakneichal angin a bawk a, Sakeibakneipui ang bawk siin, tuin am suktho ngam an ta?

INPÂKNA HLABU 104:20

Nang chun inthim i siem a, zân a hung na, Chu huna chun ramhnuoia sa tinrênghai chu an tla suok hlak.

INPÂKNA HLABU 44:5

Nangma leiin a mi dotuhai chu sikthlûng kan ta, I hming leiin a mi thawtuhai chu chîl hrep kan tih.

INPÂKNA HLABU 50:22

Nangni Pathien theinghiltuhai, hi hi ngaituo ta u khai! Chuong naw chun, keinâwi ka ti cheu a, nangni sanhimtu hrim an um âwm si nawh a.

THUVARHAI 30:30

Sakeibaknei, ramsa po po laia thilthawtheitak chu, Thil ieng ding khawmin a pêt ngai naw a,

ISAI 5:29

An ri inri dur dur chu sakeibaknei inrûm ang el nîng a ta, sakeibaknei vânglaihai inhûk ang elin inri dur dur an tih; anih, inri dur dur an ta, an sa se ding chu sêng an ta, himtakin fe hmangpui an tih, sansuoktu ding tukhawm um naw ni hai.

EZEKIEL 39:10

chuongchun, rama inthawkin thing la naw ni hai a, rampui hnuoia inthawkin pakhat khawm phûr bawk naw ni hai; hriemhreihaiin mei an ti ding a ni si a; anni suksetuhai chu suksieng an ta, anni inruhmangtuhai chu inruhmang an tih, Lalpa Pathien chun a tih.

HOSEA 5:14

Ephraim ta ding chun sakeibaknei ang, Juda ta ding chun sakeibaknei vânglai ang ka ni ding a ni si a; Keima, keima ngeiin keithlêr ka ta, Fêng ka ta, fe hmangpui ka tih; Sansuoktu ding tukhawm um naw ni hai.

MIKA 2:12

Aw Jakobhai, in rêngin ko khâwm ngei ka ti cheu a; Israel mi la um sunhai chu ṭhuoi khâwm ngei ka tih; Bozra khaw berâm angin sie khâwm ka ta, ran ruol an hlo petna hmuna um angin; mipui an ni lei chun sa mur mur an tih.

MIKA 4:13

Aw Zion naunu, tho la chîl rawh, i ki chu thîr angin siem ka ta, i kepha bâwrhai chu dâr angin ka siem ding a ni si a; chun, chi tamtakhai chu vaw nâwi i ta, an thil hlêp chu Lalpa ta dingin hlânthieng i tih, an sum chu leihnuoi pumpui Lalpa ta dingin hlânthieng i tih.

MIKA 4:7

kebai chu hlâbîkah siem ka ta, hlataka hnawt hmanga um chu hnam hrâttakah siem ka tih: tuta inthawk chu Zion tlângah kumkhuoin Lalpa chun an chungah ro rêl a tih.

MIKA 5:3

Chuleiin, nau invawitu chun a nei hmakhat chun anni chu nghatsan a tih: chuongchun, a unau la um sunhai chu Israel thlahai lai chun kîr nâwk an tih.

MIKA 7:18

Nang anga khawhlona ngaidamtu le a rochan la um sun bawsietna fekhêltu Pathien tu am an um a?A lunginsenna chu kumkhuoin a vawng zing nawh, lunginsietnaa chun a lâwm êm êm hlak leiin.

ZEKARIA 10:5

Chun, indona chun an hmêlmahai chu kawtthlêra chirhak chîl anga chîlin mi thilthawtheitakhai hung nîng an ta, Lalpa chu an kuomah a um zing leiin, anni chu do an tih; chun, sakawr chunga chuong mihai khawm chu sukhamhaiin um an tih.

ZEKARIA 11:6

Ram hluotuhai chu ka lunginsiet ta naw ding a ni si a, Lalpa chun a tih; nisienlakhawm, en ta, mihai chu, mi tin el chu mâni tuolbâwmhai kutah pêng ka ta, an lalhai kuta leh; chun, ram chu thâwng an ta, an kuta inthawk chun anni chu sansuok naw ningah,”tiin.

ZEKARIA 12:3

Chu nia chun hieng hi hung nîng a ta, hnam po pohai ta dingin Jerusalem chu lung phurriksakah siem ka ta, chuonga amaa insukriktuhai po po nasataka sukhliem nîng an ta; chuongchun, hnuoi chunga hnam po pohai a chunga chun inhâwrkhâwm an tih,” tiin.

ZEKARIA 14:18

Aigupta hnam khawm chu a hang fe naw a, a hung naw chun, an chungah sûr bik naw ni a, bâwkte ruoiṭhe nei dinga hang fe nawhai hnam Lalpain a hremna hri chu an chungah um a tih.

ZEKARIA 9:15

Sipaihai Lalpa chun anni chu hliekhûng a ta; chun, fa zo an ta, vailungdêngin hnêng an ta; chun, dâwn an ta, uoin inrui angin risie siem an ta, mâichâm kilhai ang le thlêngkûmhai anga suksip nîng an tih.

MALAKI 4:3

Chun, mi khawhlo chu sirde tâng in ta; ni ka isiem ngei ding nia chun in kepha hnuoia chun pilvut ang el an ni ta ding a ni si a, sipaihai Lalpa chun a tih.

NAMBAR 24:9

An kûn a, sakeibaknei angin an bawk a. Sakeibakneihai ang elin, tuin am chawktho a ta? Malsâwmtu taphawt cheu chu malsâwmin um sienla, Ṭawngsie inphurtu taphawt cheu chu ṭawngsephurin um raw hai se,” tiin.

MATTHAI 10:14

Chun, tukhawm lâwm lo cheu a, in thu khawm ngai naw taphawt chu, chu ina inthawka manih, chu khuoa inthawka manih in suok pha chun in kephaa pilvut chu thin thla ro;

THILTHAWHAI 18:6

Paulân a puon a thin a, an kuomah, “In thina maw chu nangnîn phur ro, kei chu ka hul a nih, tuta chen chu Jentailhai lai fe tâng ka tih,” a ta.

HEBRAIHAI 12:25

Thu hriltu chu lo dit naw rawi in tih, fimkhur ro. Hnuoia anni kâwk hmasatu kha an dit naw hmana, hremna an pumpel si naw chun, eini vâna inthawka mi kâwktu nghatsantuhai hin pumpel naw nâwkzuol ei tih.

HEBRAIHAI 2:3

hieng ang lâwma sandamna ropui hi inthlathlam inla, iengtin am tlân suok thei hlak ei ta? Chu Sandamna thu chu Lalpa hmanga a tîra hril a ni ta a, a hretuhai chun an mi sukdet pêk pei a.