MIKA 5:5 - Pathien Lekhabu Inthieng (BSI)

⁵ Chun, hi hi ei inremna ding nîng a tih, Assuria mi chu ei ramah a hung a, ei lal inhai a hung sir pha chun ama do dingin berâmpu pasari le mi ropui pariet inthlangsuok ei tih.

MIKA 5:5 ပူးပေါင်းရင်းမြစ်များ

JOB LEKHABU (THE BOOK OF JOB) 5:19

Buoina paruka inthawkin sansuok a ti che a, Anih, pasaria thil ṭha naw hrimin nang nâwk ta naw ni che.

INPÂKNA HLABU 72:7

A dam lai chun mi felhai chu inno hlut hlut an ta, Thla um naw hma khat chun, lungmuongna nasatak um a tih.

THUVARHAI 30:18

Keia ta dinga thil mak taluo pathum an um a, Anih, pali ka hriet lohai chu;

THUVARHAI 30:29

Thil pathum an fenaa pângngai zing an um a, Anih, pali, fenaa danglam lo an um a.

THUVARHAI 6:16

Thil paruk Lalpain a theidahai chu a um a, Anih, pasari, chuong chu ama ta dingin tirdakum an nih;

THUHRILTU 11:2

Chan chu hmun sariah sem lem la, anih, hmun rieta khawm; Hnuoi chunga hin thil ṭha naw ieng am a hung ding ti i hriet si naw a.

ISAI 14:25

ka ruot ang tak hin um bawk a tih: ka rama chun Assuria mi chu suksieng ka ta, ka tlângahai chun chîl hrep ka tih, ti ang hin; chu hnunga chun a rîngkawl inbâttir chu annia inthawk chun bo tâng a ta, an rik inphurtir chu anni liengkoa inthawk chun bo bawk tâng a tih.

ISAI 44:28

Kura chungchâng thua, ‘Ama chu ka berâm vêngtu a nih, Jerusalem chungchâng thua, siemin um nâwk a tih, ti le, Pathien biekin kuoma, I lungphûm chu remin um nâwk a tih, ti hiel khawpin ka dit zâwng po po chu thâwng a tih,’ titu ka nih,” tiin.

ISAI 59:19

Chuongchun, Lalpa hming chu thlangtienga inthawkin ṭîng an ta, a ropuina chu nisa suoknaa inthawkin ṭi bawk an tih; ama chu tui lien thut, Lalpa thuoka mût luong vut vut angin a hung ding a ni si a.

ISAI 65:8

Lalpa chun hieng ang hin a tih, “Grêp bâwrah uoin thar an hmu a, miin, ‘Sukse naw, khataka khan malsâwmna a um si,’ an ti ang khan, ka siehlawhai leiin ti vêng ka tih, an rênga ka suksiet vawng nawna dingin.

ISAI 7:14

Chuleiin, Lalpa ngei chun inchikna pêng a ti cheu a, ngai ta u, nunghâk inthieng pakhat inrai a ta, naupasal nei a ta, a hmingah Immanuel sak a tih.

JEREMIA 33:15

Chuong nihaia le, chu huna chun, David kuoma chun felna Kau hung indâwntir ka ta, rama chun rorêlna le felna chu tir suok a tih.

AMOS 1:3

Lalpain hieng ang hin a tih, “Damaska khaw bawsietna pathum leiin, anih, pali leiin, a hremna sukbo naw ning: Gilead ram chu bu râwtna thîrhai chun an râwt leiin;

AMOS 1:6

Lalpa chun hieng ang hin a tih, “Gaza khaw bawsietna pathum leiin, anih, pali leiin, a hremna sukbo naw ning; Edom mi kuoma pêk dingin mi po po sala an ṭhuoi leiin;

ZEKARIA 10:11

Chun, ama chun sukrinumna tuipui chu fe thleng a ta, tuipui fâwnhai chu vuok hnuoi ning a ta. Nile li inthûkhai po po khawm chu kang intan a tih; chun, Assuria chapona chu sukhnuoi nîng a ta, Aigupta lalhmawl chu fe hmang tâng a tih.

ZEKARIA 10:3

Berampuhai chunga chun ka lunginsenna chu a chawk a, kêlchalhai chu ka hrem ngei ding a nih; sipaihai Lalpa chun a berâmruol Juda sûngkuohai chu a hung sir ta a, indonaa sakawr ṭhatak angin a siem ngei ding a nih.

ZEKARIA 12:6

“Chu nia chun Juda lalhai chu thing laia mei thuk ang le, buphal laia meiser angin siem ka ta; vawitienga le changtienga, an vêla hnam po pohai chu sukbo an ta; chun, Jerusalem chu ama hmun Jerusalema ngei chun a la chêng ding a nih,” tiin.

ZEKARIA 9:10

Ephraima inthawkin tawlailîr chu sât thlâng ka ta, sakawr chu Jerusalema inthawkin; chun, indona thalngul chu sât thliek ni tâng a tih; chun, ama chun hnamhai kuoma chun inremna thu hril a ta; a ramawp chu tuipuia inthawka tuipui chen, Vadungpuia inthawka leihnuoi tâwp chen nîng a tih.

ZEKARIA 9:13

Ka thalngul dingin Juda chu ka kuoi a, Ephraim chu a thalah ka siem a; Aw Zion, i naupasalhai chu i naupasalhai chunga ngei chun ka chawktho ding a nih; aw Grik, mi hrâttak kâwlhnâm angin siem ka ti che.

LUKA 2:14

“A chunghnungtakah Pathien ropuitakin um raw se, hnuoi chunga a ditsak mihriemhai kuomah, inremna thu inlêng raw se.” an ti a.

JOHAN 14:27

“Thlamuongna ka mâk pêk cheu hi; keima thlamuongna ka pêk cheu a; khawvêlin a pêk ang cheuin ka pêk naw cheu hi. In lungril lunginzîng naw raw se, ṭi khawm ṭi naw raw se.

JOHAN 16:33

Hieng thu hi in kuomah ka hril ta hi, keimaa in thlamuongna dingin. Khawvêla hin rinumin in um hlak; nisienlakhawm, thlamuongtakin um ro, keiin khawvêl ka hne tah,” a ta.

THUPUONGSUO 17:14

Chuongchun, Berâmte chu do an ta, chun, Berâmte chu hotuhai Hotu le lalhai Lal a ni leiin anni chu hnêng a tih; chun, a kuoma um, kohai, thlanghai, ringumhai chun hne bawk an tih,” a ti a.

THUPUONGSUO 19:14

Vâna sipaihai chun, puon zai inhmi vârtak, faitak silin, sakawr vârhai chunga chuongin an zui a.