MIKA 5:13 - Pathien Lekhabu Inthieng (BSI)

¹³ i kuoma inthawkin i milem siemfâwmhai le i lungphunhai chu sukbohmang ka ta; i kutsuok thil chu be ta naw ti ni.

MIKA 5:13 ပူးပေါင်းရင်းမြစ်များ

ISAI 2:18

Chun, milimhai chu bohmang dai an tih.

ISAI 2:8

An ram chu milimin a sip a, anni kuta thaw suok, anni kutpârhaia siem chu an biek hlak.

ISAI 27:9

Chuleiin, hi hin Jakobhai rîtlona chu sâwpfai nîng a ta, hi hi an suol fe hmangpuina ra ruok a nih; Aserahai le nisa limhai chu tho nâwk ta lo ding khawpin maichâm lung po po chu tlak lung suknawi rem rum ang elin an siem hi.

EZEKIEL 16:41

I inhai chu meiin râwng an ta, nuhmei tamtak mithmua chun i chunga rorêlna chu sukthlûng an ta; chun, nawchizawr anga um chu ma dingin siem ka ti che a, chun, hawman khawm pe ta ngai hrim hrim naw ti ni.

EZEKIEL 36:25

Tui inthieng chu thinkhum ka ti cheu a, inthieng tâng in tih; in inthiengnawna po poa inthawk le in milimhai po poa inthawkin sukthieng ka ti cheu.

EZEKIEL 37:23

Anni chu an milimhai chun insukpawrche ta ngai naw ni hai a, an thil pawrchehai hrim hrim khawm chun, an bawsietnahai chun insukpawrche ta bawk naw ni hai; an umna hmun po po, an hnungtawlna, an lo suol tâkna hmunhaia chun anni chu sandam ka ta, sukthieng bawk ka tih; chuongchun, ka mihai nîng an ta, kei khawm an Pathien nîng ka tih.

EZEKIEL 6:9

Chun, nangni laia chuonga suokhai chun, hnamhai sala ṭhuoia an umnahaiah chun mi hre zing an ta, an lungril uire châkna keimaa inthawka ṭhea um ta le, an mithai an milimhai châktaka an enna chun an mi suknatzie hai chu; Chuongchun, an tirdakumna po poa an lo thaw tah, thil ṭhanaw hai lei chun an mithmu ngeia chun intirdak an tih.

HOSEA 10:2

A lungril chu sukṭhein a um a, Tuhin chu thiemnaw changin um tâng an tih. An maichâmhai chu amân vaw chim a ta, An lung inser phunhai chu suksieng a tih.

HOSEA 14:3

Assuria chun mi sandam naw ni a, Sakawr chunghaia chun chuong nâwng kan ta, Kan kutsuokhai kuoma chun, ‘Kan Pathien in nih,’ ti ngai ta nâwng kan tih, Fahrahai chun nangmaa hin Lunginsietna an lo hmu hlak a ni si a,” tiin.

HOSEA 14:8

Aw Ephraim, milimhai leh inzâwlna ieng am ka nei a? Kei hi a suklâwmtu che ka na, A tungdingtu che khawm ka nih. Kei chu fâr thing hring dup ang ka na, I ra ṭhahai chu keima kuoma inthawk a nih.

NAHUM 1:14

Lalpa chun i chungchâng thuah thu a pêk a, i hming chu chi anga thê ni ta naw nih; i pathien ina inthawka milim siemfâwm le milim sunghai chu sukbohmang ka tih; i thlân chu siem ka tih, i suol si a,” tiin.

ZEPHANIA 1:4

“Juda le Jerusalema chênghai po po chunga chun ka kut phar ka ta; thiempuhai laia milim bie hmingput le, Baal milim la um sunhai chu hi hmuna inthawk hin pei thlâng ka tih;

ZEKARIA 13:2

Sipaihai Lalpa chun a tih, “Chu nia chun hieng hi hung nîng a tih: rama inthawk hin milimhai hming chu pei thlâng ka ta, hriet zing ni ta naw ni hai; chun, zâwlneihai le thlarau inthieng nawhai chu hi rama inthawk hin infe hmangtir ka tih.

THUPUONGSUO 9:20

Mihriem, chuong hremnaa sukhlum mahlahai chu, an kut thilthawhaia inthawk chun an sim chuong naw a. Khawhrihai le rângkachak milim dâm, tangka milim dâm, dâr milim dâm, lung milim dâm, thing milim dâm, iengkhawm hmu theilo, hre theilo le lâwn theilo dâm biek chu an ma chuong nawh.

RORELTUHAI 18:17

Chun, mi panga ram enthlithlaituhai chu an hang fe a, an hang lût a, milim siem fâwm dâm, milim dâm, milim sung fâwm dâm chu an lâk a, chun, thiempu chu mi za ruk indona thuom inbelhai lai kul kawtkhâr bula chun a ngîr ve a.