MIKA 5:11 - Pathien Lekhabu Inthieng (BSI)

¹¹ i ram khawpuihai sukbohmang ka ta, i kul po po sukchim ka tih;

MIKA 5:11 ပူးပေါင်းရင်းမြစ်များ

ISAI 1:7

In ram chu rausanin a um zo a, in khuohai chu meiin a kâng zo a, in ram chu ram dang mihaiin in mithmu ngeiah an nei zo a, ram dang mihai suksiet angin a se zo tah.

ISAI 2:6

Khawsak tienga dân hung suokhaiin an hung sip a, Philistin mihai anga aisânthiemhai an ni a, ram dang mi nauhai leh kut le kut an inben leiin, i mi Jakob sûnghai chu i mâksan ta si a.

ISAI 27:9

Chuleiin, hi hin Jakobhai rîtlona chu sâwpfai nîng a ta, hi hi an suol fe hmangpuina ra ruok a nih; Aserahai le nisa limhai chu tho nâwk ta lo ding khawpin maichâm lung po po chu tlak lung suknawi rem rum ang elin an siem hi.

ISAI 6:11

Chun, kei chun, “Lalpa, ieng chen am nîng a ta?” ka ti a. Chun, ama chun a hril a, “Khawpuihai mihriem um lova inram a na, inhai hluotu um lovin a ṭîek a, râusana a um vawng a,

ṬAP HLA 2:2

Lalpa chun Jakob ram hluohai po po chu a lem zo vawng a, a lunginsiet nawh, Juda naunu kul dethai chu a lunginsen chun a keichim a; Hnuoiah a hung tethlûk a; Lalram le lalhai khawm chu a suktlâwm ta a.

EZEKIEL 38:11

khuohai kul neilova an umna rama chun hang fêng ka ta, to ṭawk ṭawka chênghai, himtaka chênghai kuoma chun; an rêngin kul neilovin an chêng a, dai kawtkhârhai le kalna thîrtluonhai bovin;

HOSEA 10:14

Chuleiin, i mihai laia chun indo buoi mup mupna hung suok a ta, I kulhai po po chu suksiet nîng a tih; Salman chun indona nia Beth-arbel a suksiet a, Nu chu a nauhai leh peinawia an um lai ang khan.

AMOS 5:9

kul chunga bohmangna hung tlung khawpa, mi hrâthai chunga bohmangna intluntu chu.

ZEKARIA 4:6

Ama chun ka kuomah, “Hi hi Zerubbabel kuoma Lalpa thu, ‘Sipaiin ni lovin, thilthawtheina khawma ni lovin, amiruokchu, ka thlarauin,’ tia sipaihai Lalpain a hril chu a nih,” a ta.