MIKA 4:8 - Pathien Lekhabu Inthieng (BSI)

⁸ Aw nang, ran ruol kul, Zion naunu umna tlâng, i kuomah hung tlung a tih: anih, inlalna hmasa chu hung tlung a tih, Jerusalem naunu inlalna chu.

MIKA 4:8 ပူးပေါင်းရင်းမြစ်များ

INṬANNA 35:21

Chun, Israel chu a fe pei a Eder. Insâng khêla chun puon in a zar ta a.

2 SAMUEL 5:7

Nisienlakhawm, David chun Zion kul chu a lâk a, chu chu David khuo chu a nih.

NEHEMIA 3:25

Uzai naupa Palal chun kul kâwi ṭanna zâwn le intângna in kâwl, lal in chunghnung lema inthawka va lawr in insâng zâwn a siem ṭha a. A dawta chun Paros naupa Pedaia chun a siem ṭha a.

INPÂKNA HLABU 24:7

Aw kul kawtkhârhai, in lu chung kha dawm sâng unla, Nangni kawtkhâr hlunhai, inkhai sâng ro: Chuongchun, ropuina Lalpa hi a hung lût ding a nih.

INPÂKNA HLABU 48:3

A lal inahai chun Pathien chun kulbîng insâng a nizie ân hriettir a.

INPÂKNA HLABU 61:3

Nang chu keia ta dinga humhimna, A mi dotuhaia inthawka râlvêngbûk insâng dettak i ni si a.

HLAHAI HLA 4:4

I rîng chu Davidin râlthuom siena dinga a bâwl in insâng ang chu a nih, Chutaka chun âwmphaw sâng khat an khai a, Mi hrât khawkhênghai phawhai po po chu.

ISAI 1:26

chun, i chungah rorêltuhai chu a tîra an um ang khan inumtir nâwk ka ta, i sûnga remruottuhai chu a hmasa taka an um ang khan inumtir nâwk bawk ka tih; chu hnunga chun, ‘Felna khawpui, khawpui ringumtak,’ la tîng an ti che.

ISAI 10:32

Vawisûn ngei hin Nob khuoah a châm ding a nih; Zion naunu tlâng, Jerusalem muol pâwng chu a kut a thin khum ie.

ISAI 5:2

Ka idittak chun tlâng hnuoi ṭhatna takah grêp huon a nei a, a vêlin hnuoi a cho khur a; a lunghai chu a rût fai a, grêphrui ṭhatak chi a phun a, a laia chun in insâng a bâwl a, chutaka chun grêp sâwrna khur khawm a cho a; chun, grêp raa ra dingin a beisei a, nisienlakhawm, grêp suok elin a hung ra ta lem a.

DANIEL 2:44

Chun, chuong lalhai huna chun vâna Pathien chun suksieta um ta ngailo ding le, lal nina chu mi dang kuoma pêka um ta ngai lo ding ram pakhat hung siem suok a ta; chuongchun, chuong ramhai chu kawi tamtaka hung sukkawiin, hung kânghmang a ta, kumkhuoin ama chu um ta lem a tih.

DANIEL 7:18

Nisienlakhawm, Achunghnungtak mi inthienghai chun ram chu chang an ta, chatuon, chatuon chenin ram chu nei an tih,’ tiin.

OBADIA 1:21

Zion tlânga chun Esau tlâng rêlpêk dinga sansuoktuhai hung an ta, chun ram chu Lalpa ta nîng a tih.

MIKA 2:12

Aw Jakobhai, in rêngin ko khâwm ngei ka ti cheu a; Israel mi la um sunhai chu ṭhuoi khâwm ngei ka tih; Bozra khaw berâm angin sie khâwm ka ta, ran ruol an hlo petna hmuna um angin; mipui an ni lei chun sa mur mur an tih.

ZEKARIA 9:10

Ephraima inthawkin tawlailîr chu sât thlâng ka ta, sakawr chu Jerusalema inthawkin; chun, indona thalngul chu sât thliek ni tâng a tih; chun, ama chun hnamhai kuoma chun inremna thu hril a ta; a ramawp chu tuipuia inthawka tuipui chen, Vadungpuia inthawka leihnuoi tâwp chen nîng a tih.

ZEKARIA 9:12

Nangni beiseina lungin intânghai, kul ngheta chun hung kîr nâwk ro; a lêt hniin ka pêk ding cheu a nih ti vawisûn ngei hin ka phuong hi.

ZEKARIA 9:9

Aw Zion naunu, nasatakin hlim rawh; aw Jerusalem naunu, inringtakin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngaitlâwmtakin, sabengtung chungah, sabengtungtê chung ngeia hung chuongin.

NAMBAR 24:19

Jakoba inthawkin tu amanih inlal a ta, Khuoa a la um sunhai chu sukbohmang a tih,’ a tih,” a ta.

MATTHAI 21:33

“Tekhithu dang ngai ro, mi tu amanih in neitu a um a, ama chun grêp huon a siem a, palin ân huon vêl a, grêp sâwrna khur a cho a, in insâng a bâwl a; chun, lo enkawltuhai kuomah thlohlaw dingin a pêk a, ram dangah a fe ta a.

MARKA 12:1

Chun, tekhithuin an kuomah a hril ta a, “Tuin amanih grêp huon a siem a, palin ân huon a, grêp sâwrna ding khur a cho a, in insâng a bâwl a, lo enkawltuhai kuomah thlo hlaw dingin a pêk a, ram dangah a fe ta a.

THUPUONGSUO 22:5

Chun, zân um nâwk ta naw ni a; khâwnvar le nisa var ngai naw ni hai a; Lalpa Pathien chun anni a ên ding a ni si a; chuongchun, chatuonin ro rêl an tih.