MIKA 4:4 - Pathien Lekhabu Inthieng (BSI)

⁴ Mi tinhai chu an grêp hrui hnuoia le an theichang kûng hnuoiah ṭhung lem an ta, tukhawma sukṭi naw ni hai; sipaihai Lalpa bau chun a hril ta a.

MIKA 4:4 ပူးပေါင်းရင်းမြစ်များ

1 LALHAI 4:25

Chun, Solomon dam sûng po chun Judahai le Israelhai chu Dana inthawka Beer-seba khuo chenin mi tin mâni grêphrui bula le mâni theichang kûng bula chun lungmuongtakin an um seng a.

1 LALHAI 5:5

Chun, Lalpa chun ka pa David kuoma, ‘I naupa i aia i lalṭhungpha kân hluotir ding chun ka hming dingin in chu la bâwl a tih,’ tia a lo hril ta ang khan, Lalpa ka Pathien hming dinga in bâwl ka tum a.

JOB LEKHABU (THE BOOK OF JOB) 11:19

Zâl i ta, tukhawma suklâu bawk naw ni hai che; Anih, mi tamtakin nangma le inremna hung siem an tih.

INPÂKNA HLABU 72:3

Tlâng lien le tlâng chînhai hin felnain Mihai kuomah lungmuongna hung intlun an tih.

THUVARHAI 3:25

Ṭina thut chu ṭi naw la, Mi khawhlo sukṭitna a hung pha khawm ṭi bawk naw rawh.

ISAI 1:20

nisienlakhawm, in nuom naw a, in hel chun kâwlhnâmin fa zo a ti cheu; Lalpa bau chun chu chu a hril tah a nih,” a ta.

ISAI 17:2

Aroer khuohai chu tlânsanin a um tah; berâm ruolhai umna ding ni el a tih; chuong chu bawk an ta, tukhawma sukṭi naw ni hai.

ISAI 22:25

Chu nia chun, kilna, hmun nghettaka kil tlata um chun la dâwl naw nih; sât thlâka umin, tla tâng a ta, a chunga thil rik um chu sukbohmangin um tâng a tih, Lalpain chu chu a hril ta si, sipaihai Lalpa chun a tih,” tiin.

ISAI 26:16

“Lalpa, an lunginzîng lai chun an sir hlak che a, i hremna chu an chunga a tlâk lai chun an ṭawngṭai zawmzawt a.

ISAI 32:17

Chun, felna sinthaw chu inremna nîng a ta, felna thil suok chu kumkhuoa muongtaka umna le ring tlata umna nîng a tih.

ISAI 36:16

Hezekia thu ngai naw ro, Assuria lal chun hieng ang hin a hril si a, Mîn rempui unla ka kuoma hin hung suok ro, mi tinin mâni grêp hruia mi le mi tinin mâni theichang kûnga mi fa seng unla, mi tinin mâni tuikhur tui dâwn seng ro:

ISAI 40:5

chun, Lalpa ropuina chu suklang nîng a ta, mi po poin chu chu hmu seng an tih; Lalpa bau chun a hril ta si a,” a ta.

ISAI 54:14

Felnaa sukdetin um i ta, nêksâwrnaa inthawka hlatakah um i tih; i ṭi ta naw ding a nih; thil râpthlâka inthawka hlatakah um bawk i ta; a hnai naw ding che a nih.

ISAI 58:14

Lalpa chunga chun lâwm i ta, leihnuoi hmun insângahai chun inchuongtir ka ti che a; i pu Jakob rohluo thilin châwm ka ti che; Lalpa bau chun chu chu a hril tah a nih.”

JEREMIA 23:4

Anni châwmtu ding berâmpu an chunga chun sieng ka ta; ṭit khawm ṭi ta naw ni hai a, beidawng ngai ta bawk naw ni hai a, tlâksam hrim khawm um ta naw ni, Lalpa chun a tih.

JEREMIA 30:10

Chuleiin, Aw Jakob, ka siehlaw, ṭi naw rawh, Lalpa chun a tih: Aw Israel, beidawng bawk naw rawh, ngai ta, ram hlataka inthawkin ka sandam ding che a ni si a, i thlahai chu an sal intângna rama inthawkin sandam bawk ka tih; chuongchun, Jakob chu hung kîr a ta, nuomsa le to ṭawk ṭawkin um a tih, tukhawma sukṭi ta naw ni hai.

EZEKIEL 34:25

Anni le inremna thuthlung siem ka ta, rama inthawk chun ramsa rilohai chu inrêmtir vawng ka tih; thlalêra chun himtakin chêng an ta, rampui hnuoia chun zâl an tih.

EZEKIEL 34:28

Chun, khawhri be mihai ifâk zoin um ta ngai naw ni hai a, hnuoia ramsahai khawma anni chu fa zo bawk naw ni hai; amiruokchu, himtakin chêng an ta, tukhawma anni chu sukṭi ta naw ni hai.

EZEKIEL 38:11

khuohai kul neilova an umna rama chun hang fêng ka ta, to ṭawk ṭawka chênghai, himtaka chênghai kuoma chun; an rêngin kul neilovin an chêng a, dai kawtkhârhai le kalna thîrtluonhai bovin;

EZEKIEL 39:26

An rama chun himtakin an chêng a, tukhawma anni chu an sukṭi naw pha chun, an inzakna, an bawsietnahai po po, ka chunga an lo bawsietnahai chu phur an tih;

LEVI DÂN 26:6

Hi ram hi râlmuongtakin inumtir ka ta, zâl ṭawk ṭawk in ta, tukhawma sukṭi naw nihai cheu a, ramsa suolhai chu hi rama inthawk hin hnawt hmang ka ta, kawlhnâmin in ram fe thleng naw bawk a tih.

MIKA 5:3

Chuleiin, nau invawitu chun a nei hmakhat chun anni chu nghatsan a tih: chuongchun, a unau la um sunhai chu Israel thlahai lai chun kîr nâwk an tih.

ZEPHANIA 3:13

Israel mi hlabîkhai chun rîtlona thaw ta naw ni hai a, khêl khawm hril ta ngai naw nihai; an bauhaia chun lei mi hlêm hmangna hrim hrim khawm hmu ni ngai ta naw nih; khawp dingin fâng an ta, zâl an tih, tukhawma an sukṭi ta naw ding a ni si a,” a ta.

ZEKARIA 3:10

Chu nia chun, theichang kûng le grêphrui hnuoia chun nangni mi tin chun mâni tuolbâwmhai chu ko tâng in tih,” sipaihai Lalpa chun a tih.