MIKA 4:13 - Pathien Lekhabu Inthieng (BSI)

¹³ Aw Zion naunu, tho la chîl rawh, i ki chu thîr angin siem ka ta, i kepha bâwrhai chu dâr angin ka siem ding a ni si a; chun, chi tamtakhai chu vaw nâwi i ta, an thil hlêp chu Lalpa ta dingin hlânthieng i tih, an sum chu leihnuoi pumpui Lalpa ta dingin hlânthieng i tih.

MIKA 4:13 ပူးပေါင်းရင်းမြစ်များ

INPÂKNA HLABU 24:1

Leilung hi Lalpa ta a na, a sûnga um po pohai leh, Khawvêl le a sûnga chênghai le hin.

INPÂKNA HLABU 68:29

Jerusalema i biekin leiin, Lalhaiin lâwmmanhai la hung chawipêk an ti che.

INPÂKNA HLABU 72:10

Tarsis ram le thlierkâra lalhaiin lâwmman hung chawi an ta, Seba le Sheba ram lalhaiin thilpêk hung inhlân bawk an tih.

ISAI 18:7

Chu pha chun sipaihai Lalpa hming umna hmun Zion tlânga chun, sipaihai Lalpa kuoma pêk dingin mi insâng thler thlawr innâmtakhai kuoma inthawkin, an suok phuta inthawka tu chena mi ṭiumtakhai kuoma inthawk chu, lâwmman hung chawi an tih; chu hnam chun ram an sem hlak a, an sir thlûk bawk hlak a, an ram chu vadunghai chun a semdar a nih.

ISAI 21:10

Aw ka bu vuok sa, ka hrizâwla bu; sipaihai Lalpa Israelhai Pathiena inthawka ka hriet chu ka hril cheu a ni hi.

ISAI 23:18

Chun, a sum themsuok le a hlaw chu Lalpa ta dinga thil inthieng nîng a ta, chu chu inkhâwlin amanih, sie khâwlin amanih um naw ni a; a sum themsuok chu Lalpa hmaa umhai ta dingin a ni ding a ni si a; hnienghnâra an fâk ding le, silfên ropuitak an nei theina dingin.

ISAI 5:28

an thalhai chu inzumtak a na, an thalngulhai po po chu kuoi sain a um ṭhup a; an sakawr tinhai chu meitâwklung ang nîng an ta, an tawlailîr kehai chu thlivir ang ela ngai ni bawk an tih.

JEREMIA 51:20

“Nang chu ka indona hrei le, ka hriemhrei i nih; nangma chu hmangin hnamhai chu suknawi vawng ka tih; nangma chu hmangin lalramhai chu suksieng ka ta;

JEREMIA 51:33

Sipaihai Lalpa Israel Pathien chun hieng hin a tih: “Babulon naunu chu hrizâwl bu chîl mêkna lai ang chu a nih; nakie sâwt nawtêah, ama ta dingin bu chil hun la hung tlung a tih,” tiin.

DANIEL 2:44

Chun, chuong lalhai huna chun vâna Pathien chun suksieta um ta ngailo ding le, lal nina chu mi dang kuoma pêka um ta ngai lo ding ram pakhat hung siem suok a ta; chuongchun, chuong ramhai chu kawi tamtaka hung sukkawiin, hung kânghmang a ta, kumkhuoin ama chu um ta lem a tih.

HOSEA 10:11

Ephraim chu bâwngla inchûktir tah, Bu chîl hrâttak a nih; Nisienlakhawm, kei ngei hin a rîng mawitaka chun Rîngkawl inbâttir tâng ka ta; Ephraim chunga chun mi inchuongtir ka tih; Juda khawm chun hnuoi inlet a ta, Jakob chun a pil tlanghai chu suknâwi a tih.

MIKA 5:7

Jakob mi la um sun chu chi tamtakhai laia Lalpaa inthawka daidaw tla ang le, hlobet chunga raw sûr angin um a tih, chu chun mihriem a nghâk naw a, mihriem naupasal a nghâk bawk nawh.

HABAKKUK 3:12

Lunginthakin ram chu i fethleng a, Lunginsenin hnamhai chu i chîl hrep a.

ZEKARIA 12:3

Chu nia chun hieng hi hung nîng a ta, hnam po pohai ta dingin Jerusalem chu lung phurriksakah siem ka ta, chuonga amaa insukriktuhai po po nasataka sukhliem nîng an ta; chuongchun, hnuoi chunga hnam po pohai a chunga chun inhâwrkhâwm an tih,” tiin.

ZEKARIA 12:6

“Chu nia chun Juda lalhai chu thing laia mei thuk ang le, buphal laia meiser angin siem ka ta; vawitienga le changtienga, an vêla hnam po pohai chu sukbo an ta; chun, Jerusalem chu ama hmun Jerusalema ngei chun a la chêng ding a nih,” tiin.

ZEKARIA 4:14

Chun, ama chun, “Hieng hi hrieknâl naupasal pahnihai chu an nih, leihnuoi po po Lalpa sîra ngîr hlakhai chu an nih,” a ta.

ZEKARIA 6:5

Vântirko chun a mi dawn a, ka kuomah, “Hieng hi vân thlarau pali, leihnuoi po po Lalpa hmaa ngîr hlaka, fe suok hlakhai chu an nih.”

1 KORINTH 16:2

Ni saria ni hmasatak peia chun mi tinin, malsâwmna in hmu zie ang peiin siekhâwl seng unla, ka hung phaa thawlâwm dâwl hrim a um nawna dingin.

DÂN PAHNINA 33:25

I kalnahai chu thîr le dârsen nîng a ta, I dam sûng poin i hrâtna khawm um zing a tih,” a ta.

JOSUA 6:19

Tangkaruo dâm, rângkachak dâm, dâr le thîr bûrlebêlhai ruok chu a rêngin Lalpa kuoma inthieng a na, Lalpa sum inah an lût vawng ding a nih,” a ta.