MIKA 4:12 - Pathien Lekhabu Inthieng (BSI)

¹² Nisienlakhawm, Lalpa ngaituonahai chu an hriet naw a, a remruot chu an hriet thiem bawk nawh: hrizâwla buphal siekhâwm angin anni chu ân khâwm ta si a.

MIKA 4:12 ပူးပေါင်းရင်းမြစ်များ

INPÂKNA HLABU 147:19

A thu chu Jakobhai kuomah ân langtir a, A thuruothai le a rorêlhai khawm chu Israelhai kuomah ân langtir a.

INPÂKNA HLABU 147:20

Ama chun ieng hnam chunga khawm chuong ang chun a thaw ngai nawh: A rorêlhai hlak chu an hriet bawk nawh. Lalpa chu inpâk ro.

ISAI 10:7

Nisienlakhawm, ama chun chu chuong ang chu a tum a ni naw a, chuong ang chu a lungril khawma a ngaituo bawk nawh; hnam tam namêna tam lo suksiet le sukbohmang a nih a lungril lem chu.

ISAI 21:10

Aw ka bu vuok sa, ka hrizâwla bu; sipaihai Lalpa Israelhai Pathiena inthawka ka hriet chu ka hril cheu a ni hi.

ISAI 29:7

Chuongchun, Ariel dotu hnam po po mipuihai, ama le a kulbîng thawtuhai po po leh ama suklungzîngtuhai po po chu mang ang chau nîng an ta, zâna inlâr ang chau el hi.

ISAI 55:8

Ka ngaituohai hi i ngaituohai a ni si naw a, i um dânhai chu ka um dân a ni bawk nawh, Lalpain a tih.

JEREMIA 29:11

In ta dinga ka remruotnahai chu ka hriet si a, Lalpain a tih, in sietna ding ni lovin in ṭhatna ding le hmatienga beiseina pe ding cheua ka remruotnahai chu.

JEREMIA 51:20

“Nang chu ka indona hrei le, ka hriemhrei i nih; nangma chu hmangin hnamhai chu suknawi vawng ka tih; nangma chu hmangin lalramhai chu suksieng ka ta;

JEREMIA 51:33

Sipaihai Lalpa Israel Pathien chun hieng hin a tih: “Babulon naunu chu hrizâwl bu chîl mêkna lai ang chu a nih; nakie sâwt nawtêah, ama ta dingin bu chil hun la hung tlung a tih,” tiin.

JOEL 3:2

hnam po po kei khâwm ka ta, anni chu Jehosaphat kâwnah hung ṭhuoi thlâng ka ta, ka ram an sem dar a, hnamhai laia an sukdar, ka mihai le ka rochan Israelhai ta ding chun anni chu chutaka chun khing ka tih.

LUKA 3:17

a kutin leipup a chawi a, a hrizâwl zâp fai hieuna ding le, a bupanga a bu hluna dingin; a si ruok chu mei rêm thei lovin raw hmang a tih,” a ta.