MIKA 4:10 - Pathien Lekhabu Inthieng (BSI)

¹⁰ Aw Zion naunu, nuhmei nau invawi nau nei ding angin na tuor la, invawi rawh; tuhin khawpuia inthawk fe suok i ta, ramah chêng i tih. Babulon chen khawmin i fe ding a ni si a: chutaka chun sansuokin um i ta, chutaka chun i hmêlmahai kuta inthawkin Lalpa chun sansuok a ti che.

MIKA 4:10 ပူးပေါင်းရင်းမြစ်များ

2 LALHAI 20:18

‘Chun, i rîla ra, i nei ding, i nauhai ngei laia mi khawm an fepui ding a nih, Babulon lal ina chun mitillâk la nîng an tih,’ a tih,” tiin.

2 LALHAI 25:4

Chun, khawpui kul chu a sukâwng a; chuongchun, zânah indo mi po po chu lal huon bul, kul bang pahni inkâra kul kawtkhârah an tlânse ta vawng a: (Kaldaihai chun khuo chu an inhuol vêl a nih:) chun, lal chu Araba lampui tieng a fe a.

2 CHANCHIN SUINA 33:11

Chuleiin, Lalpain Assuria lal sipai hotuhai chu a hung ṭhuoi a, Manasse chu khaidietin an khit a, thîr kawl an inbuntir a, Babulonah an fepui ta a.

2 CHANCHIN SUINA 36:20

Kâwlhnâma inthawka lo suok tahai chu Babulon tieng a ṭhuoi a; Persia ram rorêl a ni chen khan anni chu a nauhai le ama siehlawhai an na;

2 CHANCHIN SUINA 36:23

“Persia lal Kura chun hieng ang hin a tih, Vâna Pathien Lalpa chun hnuoi chunga ram po po chu a mi pêk a; Juda rama Jerusalema chun in bâwlpêk dingin a mi ruot ta a. Nangni laia ama mihai taphawt kuoma chun Lalpa a Pathien chu um sienla, hang fe raw se,” tiin.

INPÂKNA HLABU 106:10

Anni theidatu kuta inthawk chun a sandam a, Hmêlma kuta inthawk chun ân tlan ta a.

ISAI 43:14

Lalpa, nangni intlantu, Israelhai Mi Inthieng chun hieng ang hin a tih, “Nangni leiin Babulon khuoa chun sipaihai ka tir a; chuongchun, an rêng chun, Kaldaihai chu, an lâwmna lawngpuiahai chun mi tlân hmang ṭhuoiin ṭhuoi thlâng ka tih.

ISAI 45:13

Kura chu felna neiin ka keihar a, a lampuihai po po chu suktlûn ka tih; ama chun ka khawpui chu siem nâwk a ta, an intlanna man dit lei ni lovin, lâwmman dit lei ni bawk lovin, ka salhai chu insuoktir a tih, sipaihai Lalpain a tih,” tiin.

ISAI 48:20

Babulona inthawkin suok unla, Kaldaihai chu tlân hmangsan ro, hi hi hla sak riin inhriettir unla, hril unla kâwlkawdawng chen khawma sukri ro, “Lalpa chun a siehlaw Jakobhai chu ân tlan tah,” ti ro.

JEREMIA 13:4

“I kâwnga um hrên închâwk kha la la, tho la, Euphrates vadunga chun fe la, chutaka chun lungpui kuoah va thup rawh,” tiin.

JEREMIA 15:21

Mi rilohai kuta inthawk chun sansuok ka ti che a, thil ṭium kuta inthawk chun intlansuok bawk ka ti che.

JEREMIA 29:20

Chuleichun, nangni sala intâng, Jerusalema inthawka Babulona ka tir po pohai, Lalpa thu chu lo ngai ta u.

JEREMIA 4:31

Nuhmei pakhat nauhase nat tuor, a nau lutîr hung suok dinga a na tuor râwl ang chu ka hriet si a, Zion naunu, thuok insama, a kuthai phara, “Tuhin ka chung a rik de! tuolthattuhai hmaa chun ka thla chu a thidang si a,” titu râwl chu a nih.

JEREMIA 48:41

Kerioth chu lâkin a um a, kul dethai chu maktiin an um a; chu ni chun Moab mi thilthawthei lungril chu nuhmei na tuor lai lungril ang nîng a tih.

JEREMIA 52:27

Babulon lal chun anni chu a hrem a, Hamath rama Riblaa chun anni chu a that tâwl ta a. Chuongchun, a rama inthawk chun Juda chu sala intâng dinga ṭhuoi a ni ta a.

HOSEA 1:10

Nisienlakhawm, Israel mipuihai chu tuipuia phaiphin, inkhi ruol lo le tiem ruol lo zât nîng an ta; chun, an kuomah, “Ka mihai in ni nawh” tina hmun ngeia chun “Pathien hring nauhai in nih,” ti nîng a tih.

HOSEA 13:13

Nuhmei nauha invawi lungngaina ang chu a chungah hung tlung a tih, Ama chu naupa varna nei lo a nih, A huntakah nau hung suokna hmunah a um si nawh.

HOSEA 2:14

Chuleiin, ngai ta, thlêm ka ta, thlalêrah ṭhuoi ka ta, Bau ṭhatakin ama chu bieng ka ta,

MIKA 5:2

Nisienlakhawm, nang Bethlehem Ephratha, Juda rama sâng tamtakhai laiah chun chîn hle la khawm, nangmaa inthawk hin Israelhai rorêltu ding chu ka ta ding hung suok a tih; a hung inṭanna chu tiena chatuona inthawk ta khan a nih.

MIKA 5:3

Chuleiin, nau invawitu chun a nei hmakhat chun anni chu nghatsan a tih: chuongchun, a unau la um sunhai chu Israel thlahai lai chun kîr nâwk an tih.

THUPUONGSUO 12:14

Chuongchun, thlalêra a hmuna chun a vuong lût theina dingin nuhmei chu mupui lientak thla khing hni an pêk a, chutaka chun rûlpui hmu phâk nawah hun khat le hunhai le hun chenve sûng po châwm an tih.