MIKA 3:7 - Pathien Lekhabu Inthieng (BSI)

⁷ Hmutheituhai chu inzak an ta, aisânthiemhai chu muolpho an tih; anih, an rêngin an hmûr hup an tih; Pathien dawnna a um si naw a.

MIKA 3:7 ပူးပေါင်းရင်းမြစ်များ

INPÂKNA HLABU 74:9

Kan inchiknahai chu kan hmu ta naw a, Zâwlnei hrim hrim an um ta naw a, A sâwt dingzie hre hrim hrim khawm keini lai an um nawh.

FESUOKNA 9:11

Chun, khuoihlihai lei chun aisânthiemhai chu Mosie hmaa chun an ngîr thei ta naw a; chu khuoihli chu Aigupta mihai po po le aisânthiemhai chunga khawm a um seng si a.

ISAI 44:25

Kei hi khêlhliphai inchiknahai chu teplova siem a, aisânthiemhai invêta siemtu, mi varhai innghat kîrtir a, an hrietna invêtthlâka siemtu,

JEREMIA 18:18

Chun, anni chun, “Hung ro khai, Jeremia chunga hin thuphierrûk phier ei tih; thiempua inthawkin dânin bo ni nei naw ni a, mi vara inthawkin thurâwn le, zâwlneia inthawka thu bo naw nih. Hung ta u, hril se bawr bawr ei ta, a thuhai chu a ieng ieng khawm chu awipêk nâwng ei tiu,” an ta.

EZEKIEL 24:17

Inthuok huoi la, amiruokchu, inring lovin, mithi ta ding chun sûnna siem naw la, i lukâwm chu kâwm la, i kehaia chun i kekawkhai chu bun la, i hmûrhai chu hup naw la, lusûntuhai bei chu fa naw rawh,” tiin.

EZEKIEL 24:22

Chun, ka thaw ta ang khan thâwng in ta; in hmûrhai chu inkhum naw ti niu a, mihriemhai bei chu fa bawk naw ti niu.

LEVI DÂN 13:45

“Inphâr hri invawi chu a puonhai keithlêr nîng a ta, a sam a tlâiin put a ta, a hmûr chungtieng tuom a ta, ‘Inthiengnaw, inthiengnaw,’ tiin a khêk ding a nih.

AMOS 8:11

Lalpa Pathien chun, “Ngai ta u, nihai chu a hung tlung mêk a nih, chuong nihaia chun rama chun ṭâm tir ka ta, bua ṭâmna ni lovin, tuia ṭâmna ni lovin, Lalpa thu hrietnaa ṭâmna lem chu.

MIKA 3:4

Chu pha chun Lalpa chu ko an ta, nisienlakhawm, anni chu dawn naw nih: anih, chu pha chun an thil thawah an thaw ṭhat nawzie ang peiin, an kuom tieng a hmai thup a tih.

MIKA 7:16

Hnam tinin chu chu hmûng an ta, an thilthawtheina po po chu inzâpui an tih; an hmûr hup an ta, an nahai sêt a tih.

ZEKARIA 13:4

Chun, chuong ni chun hieng hi hung nîng a ta, thu a hrillâwk lai chun, zâwlnei po pohai, mi tin el chun mâni thilhmulâwk chu inzâpui an ta; hlêm dingin puon inhmul sil naw bawk an tih;

1 SAMUEL 14:37

Chun, Saula chun Pathien a râwn a, “Philistin mihai chu ka zu thaw ding am a nih? Israelhai kutah i pêk ding am a nih?” a ta. Nisienlakhawm, chu ni chun a dawn naw a.

1 SAMUEL 28:15

Chun, Samuel chun Saula kuomah, “Iengdinga hienga i mi ko suok buoi am a na?” a ta. Saula chun a dawn a, “Ka lunginzîng êm êm ela a nih, Philistin mihai chun an mi do a, Pathien hlak chun a mi nghatsan a, zâwlneiin amanih, mangin amani khawm a mi dawn ta hrim hrim naw a; chuleiin, ka thaw ding mi hril dingin ka ko el che a nih,” a ta.

1 SAMUEL 28:6

Chun, Saula chun Lalpa a hang rawn khawmin Lalpa chun mangin amanih, Urimin amanih, zâwlneiin amani khawm a dawn hrim hrim naw a.

1 SAMUEL 9:9

(Kha hma khan chu Israelhai lai khan miin Pathien an râwn nuom chun, “Hung rawh, hmutheitu kuomah fêng ei tih,” an ti hlak a; tulaia Zâwlnei an ti hlak hi, kha hma khan chu Hmutheitu an ti hlak a nih.)