MIKA 2:9 - Pathien Lekhabu Inthieng (BSI)

⁹ Ka mi nuhmeihai chu an in inhawitaka inthawkin in hnawt dawk a, an naupangtêhaia inthawkin ka ropuina chu in lâk hmang sawng a nih.

MIKA 2:9 ပူးပေါင်းရင်းမြစ်များ

INPÂKNA HLABU 72:19

A hming ropuitak hi kumkhawtluongin inpâkin um bawk sienla, Hnuoi pumpui khawm hi a ropuinaa suksipin um raw se; Amen, Amen.

JEREMIA 10:20

Ka puon in chu suksiet a ni ta a; ka hruihai po po khawm suktan an ni ta a; ka nauhai khawm chu keimaa inthawkin an fe hmang a, an um ta naw a; ka puon in keiphar nâwk ding tukhawm an um ta naw a, ka puonzârhai zâr ding leh.

EZEKIEL 39:21

Chun, ka ropuina chu hnamhai laia chun sieng ka ta, chuongchun, hnam po pohai chun rorêlna ka suktlung ta le, an chunga ka kut kân nghat chu hmûng an tih.

JOEL 3:6

Juda nauhai le Jerusalem nauhai khawm an ramria inthawka hlataka in sawn hmang theina dingin Grik naupasalhai kuomah in zawr el si a;

AMOS 2:7

rimsi lu chunga pilvut phul châk ngawi ngawi le, zainêmhai lampui sukkâwipêk hlakhai chu: chun, mi pakhat chu a pa leh nunghâk pakhat kuoma ka hming sukse dingin an fe hmunkhat hlak a!

MIKA 2:2

Mi lohai an inhnar a, an lâkpêk a, inhai an inhnar a, an lâk el bawk a; mi le an sûnghai, mi le an ro chenin an hnuoisie a.

HABAKKUK 2:14

tuipui chu tuihaiin ân khum angin, Lalpa ropuina hrietna chun hnuoi hi a suksip ding a ni si a.

ZEKARIA 2:5

A vêlin kei a mei kul bang nîng ka ta, a sûnga chun kei chu a ropuina ka ni ding a ni si a, Lalpa chun a tih,” a ta.

MATTHAI 23:13

“Nisienlakhawm, nangni Dân inchûktirtu le Pharisai vervêkhai, in chung a rik; vân ram lampui chu mihai in khâr pêk si a; nangni hlak in lût si naw a, mi a lût dinghai khawm in inlûttir phal ngai si naw a.

MARKA 12:40

Hmeithai sum an fâk a, vântlâng hlêmna dingin sâwt tak tak an ṭawngṭai hlak a, chuonghai chun thiemnaw chang nasa zuol an tih,” a ta.

LUKA 20:47

hmeithai sum an fâk a, tlâng hlêmna dingin sâwt tak an ṭawngṭai hlak; chuonghai chun thiemnaw chang nasa zuol an tih,” a ta.

2 KORINTH 3:18

Chuongchun, keini chu kan rêngin hmai inkhum lovin, hlimen anga Lalpa ropuina sunvarin, ropuinaa inthawka ropui peiin, chu angpui ngeia um dingin, sukdanglamin kan um hlak, Lalpaa (Thlaraua) inthawka kan hmu ang peiin.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta si a.

1 SAMUEL 26:19

Chuleiin, lalpa, ka pu chun a siehlaw thu hi ngai dingin ka hni che. Kei mi do dinga i lungril chawkthotu chu Lalpa a ni chun thilinhlân chu pawm hrâm sienla; mihriem nauhai an ni ruok chun Lalpa hmaah ṭawngsephurin um raw se, ‘Fe la, pathien danghai rawng bâwl rawh,’ tia Lalpa ro ka hluo thei nawna dinga vawisûn hin an mi hnawt hmang ka ni si a.