MIKA 2:7 - Pathien Lekhabu Inthieng (BSI)

⁷ Aw Jakob sûnghai, Lalpa thlarau chu hnâwdein a um am a nih? Hieng hi a thilthaw am a ni ti a ni dîm a nih? Indiktaka umhai chunga chun ka thu hin thil ṭha a thaw naw am a nih?

MIKA 2:7 ပူးပေါင်းရင်းမြစ်များ

INPÂKNA HLABU 119:65

Aw Lalpa, i thu ang peiin, I siehlaw hi i thaw ṭha hlak.

INPÂKNA HLABU 119:68

Nang chu i ṭha a, thil ṭha i thaw bawk a, I thuruothai chu mîn chûktir rawh.

INPÂKNA HLABU 15:2

Indiktaka uma, feltaka thawa, A lungrila thu tak tak hril mi chu;

INPÂKNA HLABU 18:26

Mi inthieng kuoma chun inthiengin insuklang i ta, Chun, mi kâwmaw kuoma chun kâwmaw takin insuklang i tih.

INPÂKNA HLABU 84:11

Lalpa Pathien chu nisa le phaw a ni si a, Lalpa chun lunginsietna le ropuina pêng a ta, Indiktaka umhai kuoma chun thil ṭha hrim hrim inro naw ni.

THUVARHAI 10:29

Lalpa lampui chu mi tluong ta ding chun kul nghettak a na, Suolna thawtuhai ta ding ruok chun bohmangna a nih.

THUVARHAI 10:9

Mi tluongtaka fe chu ngamtakin a fe a, A lampuihai pêtsantu ruok chu hriet nîng a tih.

THUVARHAI 14:2

Mi, felnaa fe chun Lalpa chu a ṭi a, A lampuihaia khêlinhlip ruok chun ama a hmusit hlak.

THUVARHAI 2:7

Mi tluong ta ding chun varna hrisêl chu a siekhâwl a; Lungril ṭhataka fetuhai ta ding chun phaw a nih.

THUVARHAI 28:18

Tukhawm tluongtaka fe mi chu sanhim nîng an ta, A lampuihaia pêthmangtu ruok chu, kârlovin tlu nghâl a tih.

ISAI 50:2

Ieng leiin am ka hung khan mi hrim hrim an um naw a? Ieng dinga ka ko khan a mi dawn an um nâwm a na? Ka kut hi intlan thei lo dingin suktâwiin a um hrim hrim am a nih? Annawleh, sanhim dingin thilthawtheina hrim hrim ka nei nâwm a nih? Ngai ta u, ka kâwknain tuipui ka sukkang hlak a, vadungpuihai chu ram ṭâwlah ka siem hlak, tui hrim hrim a um naw leiin a ngahai chu an thu a, dangchârin an thi hlak.

ISAI 58:1

“Inringtakin khêk rawh, indawi naw rawh, tawtawrâwt angin i râwl insuo tuor tuor la, ka mihai kuomah an bawsietna chu hril la, Jakob sûnghai kuoma chun an suolnahai chu hril bawk rawh.

JEREMIA 15:16

I thuhai chu hmu suok a ni ta a; chuong chu ka fâk a; chuongchun, i thuhai chu ka lungrila hlimna le, ka ta dinga lâwmna a nih; Aw Lalpa sipaihai Pathien, i hming chawia ko ka ni si a.

JEREMIA 2:4

Aw Jakob sûngkuo le, Israel sûngkaw pahnamhai po po, Lalpa thu chu ngai ta u;

HOSEA 14:9

Tu am vara hieng hi hrethiem thei ding? Tu am var hlea hre thei ding? Lalpa lampuihai chu an indik a; Mi indikhai chun an hraw ding a ni si a; Bawsetuhai ruok chu chutaka chun An insui thlu ding a nih.

MIKA 3:9

Nangni Jakobhai sûngkaw hotuhai le Israel sûngkaw hotuhai le Israel sûngkaw rorêltu, rorêlna tirdaka, indikna tinrêng suklinglettuhai, hi hi lo ngai ro, ka ngên cheu hi.

ZEKARIA 4:6

Ama chun ka kuomah, “Hi hi Zerubbabel kuoma Lalpa thu, ‘Sipaiin ni lovin, thilthawtheina khawma ni lovin, amiruokchu, ka thlarauin,’ tia sipaihai Lalpain a hril chu a nih,” a ta.

NAMBAR 11:23

Lalpa chun Mosie kuomah, “Lalpa kut chu a tawi ta am a nih? I chungah ka thu angin a tlung le tlung naw chu hre nghâl i tih,” a ta.

MATTHAI 3:8

Chuongchun, sim hming input tlâkin ra ro.

JOHAN 8:39

Chun, anni chun a kuomah, “Kan pa Abraham a nih,” an ti a, an dawn a. Isûn an kuomah, “Abraham nauhai in ni chun, Abraham thil thaw naw ti niu am.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:13

Anleh, thil ṭha chu keia ta dingin thina a lo ni am a nih? Teu lo e a! Suolna chu keia ta dingin thina a hung ni ta lem a nih; chuongchun, suolna chu suolna a nih ti ân lang theina dingin, thil ṭha chu hmangin a mi sukhlum a nih. Suolna chu thupêk lei khan suol nasatak a ni theina dingin.

2 KORINTH 6:12

keinîn kan lungril kan khârpêk cheu a ni naw a, nangnîn in mi khârpêk lem a nih.

2 TIMOTHE 3:5

Pathien ngaisak hawina nei an ta, nisienlakhawm, a thilthawtheina chu awi naw ni hai; chuong ang chu nghatsan rawh.