MIKA 2:4 - Pathien Lekhabu Inthieng (BSI)

⁴ Chu nia chun nangni demin tekhithu hril an ta, ṭap hla lungriemithlâk umtaka inzâwtin, “Rawk vawngin ei um ta a nih, ka mihai chan a sukdanglam a, ka kuoma inthawkin a tâwl hmang tah a ni hi! Hel hmanghai kuomah ei lo a sem dar tah a ni hi,” tîng an tih.

MIKA 2:4 ပူးပေါင်းရင်းမြစ်များ

2 SAMUEL 1:17

Chuongchun, David chun Saula le a naupa Jonathan chungah hi ṭaphla hi ân zâwt a,

2 CHANCHIN SUINA 35:25

Chun, Jeremia khawm chun Josia chu a sûn a; vawisûn ni chen hin, hlasaktu pasal le hlasaktu nuhmeihai khawm chun Josia an sûnna hla chu an lân sam a; Israel rama chun thupêkhaiah an siem a, chuong chu, ngai ta, sûnnaa chun ziek an nih.

JOB LEKHABU (THE BOOK OF JOB) 27:1

Chun, Job chun a thuhril chu a zawm nâwk a, a hril ta a.

ISAI 14:4

hi tîelna thu hi Babulon lal khêkkhumin la hril i tih, “Iengtizie am a na, nêksâwrtu chu a va re ta de! Iengtizie am a na, rângkachak khawpui chu a va re ta de!

ISAI 24:3

Hnuoi hi sukruok fai dêr le, suksiet fai dêrin um a tih; chu thu chu Lalpain a hril ta si a.

ISAI 6:11

Chun, kei chun, “Lalpa, ieng chen am nîng a ta?” ka ti a. Chun, ama chun a hril a, “Khawpuihai mihriem um lova inram a na, inhai hluotu um lovin a ṭîek a, râusana a um vawng a,

JEREMIA 14:18

Ramhnuoiah ka va fe leh, kâwlhnâma thihai hmu a ni a! khawpui sûng ka lût leh, ṭâmnaa na tuorhai hmu a ni a! zâwlneihai le thiempuhai chu ram sûnga chun an invâk vêl a, hrietna nei si lovin,” tiin.

JEREMIA 4:13

Ngai ta, ama chu sûmhai angin a tungin hung a ta, a sakawr tawlailîrhai chu thlivir ang nîng an tih, a sakawrhai khawm chu mupuihai nêkin an hrât lem a nih. Ei chung a va rik de! suksietin ei um si a.

JEREMIA 6:12

Chun, an inhai, an lohai, an nuhmeihai chu mi danghai kuoma pêk nîng an ta; ram hluotuhai chunga chun ka kut kân let ding a ni si a, Lalpa chun a tih.

JEREMIA 8:10

Chuleiin, an nuhmeihai chu mi danghai kuomah pêng ka ta, an lohai chu a neitu dinghai kuomah pêng ka tih; mi tin el chu a chîn taka inthawka a lien tak chenin, inîtthîknain an sip si a; zâwlneia inthawk thiempu chenin indik lotakin an thaw bawk a.

JEREMIA 9:10

Ṭap ka ta, tlânghai ta dinga sûnin ṭapinrûm ka tih, ramrenaa ran tlatna hmunhai ta ding chun sûn ka ta; Chuong hmunhai chu inramin an um ta leiin, tukhawmin an hraw thleng ta ngai naw a, ran ruol inbu ri khawm chu hriet a ni ta naw a, chunglêng vatehai le ramsahai khawm chu an tlânsein, an tlânhmang tah.

JEREMIA 9:16

An thlatuhai le anni khawma an hriet ngailo hnamhai laia chun sukdar ka ta; anni chu ka sukbohmang vawng hmakhat chun an hnungah kâwlhnâm tir ka tih.

EZEKIEL 16:44

“Ngai ta, mi tukhawm thuvarhai hmangtu chun hi thuvar hi i chungah hung hmang an tih, ‘A naunu khawm a nu ang bawk,’ ti hi.

EZEKIEL 2:10

ka hmaa chun a hung phar a, a sûngtieng le a puotienga ziek a na; chutaka chun sûnna le, ṭâna le chungrikna ziek a nih.

JOEL 1:13

Nangni thiempuhai, saiip puon dierkei unla, ṭap ro; nangni maichâm rawngbâwltuhai, khêk rak rak ro; nangni ka Pathien rawngbâwltuhai, hung unla, saiip puon silin zânkhawvârin zâl ro: in Pathien ina inthawk chun beiphit inhlân le dâwn ding inhlân chu khap a ni si a.

JOEL 1:8

Nunghâkin saiip puon bil a, a ṭhatlai pasal a sûn angin ṭap rak rak ro.

AMOS 5:1

Aw, Israel chihai, hi thu nangni sûnna dinga ka hril hi hre ro:

AMOS 5:17

Chun, grêp huon po poa chun ṭap rak rakna um a ta, nangni lai ka fethleng ding a ni si a,” Lalpain a tih.

MIKA 1:15

Aw Maresa mi, nangma neitu ding i kuomah la hung ṭhuoi ka tih; Israelhai ropuina chu Adullam chen rauin hung a tih.

MIKA 1:8

Hi hi lei hin ṭap ka ta, khêk rak rak ka ta, ke lâwng le saruokin invâk ka ta, sihalhai angin khêk ka ta, varîngseihai angin inrûm ka tih.

MIKA 2:10

Tho unla, fe hmang ro; hi hi in châwlna hmun a ni si naw a; sietna nasatak chena sukse hlaktu inthiengnawna chu a um leiin.

HABAKKUK 2:6

Hieng po pohai hin ama chunga tekhina hung hrilin, ama chunga hrilinsîm thu hrilin, “Ama ta ni si lova insukpung chu ieng chen am nei a ta? Mâni le mâni inrûkthila insukpungtu chung chu a va rik de!” an ti naw dîm a nih?

ZEPHANIA 1:2

“Leihnuoi chunga inthawkin thil tinrêng chu sukbohmang vawng ka tih,” Lalpa chun a tih.

NAMBAR 23:18

Chuongchun, Balaam chun thu chu a hril ta a, “Tho la, Balak, ngai ta; Zippor naupa, ka thu ngai rawh:

NAMBAR 23:7

Chun thu chu a hril ta a, “Aram rama inthawkin Balak chun a mi ṭhuoi a, Saktieng tlânga Moab lal chun; ‘La hung la, Jakob rawihai ṭawngsie mîn phurpêk rawh, Hung la Israelhai hi mi hung vaukhâwngpêk ta!’ a ta.

NAMBAR 24:15

Chun, ama chun thu chu a hril ta a, “Beor naupa Balaam, Mit vara,

NAMBAR 24:3

Chun, thu chu a hril ta a, “Beor naupa Balaam, Mit vara,

MARKA 12:12

Chun, ama chu man an tum ta a, nisienlakhawm, mipui an ṭi si a, chu tekhithu chu anni demin a hril a nih ti an hriet si a. Chuongchun, ama chu an mâksan a, an fe hmang ta a.

DÂN PAHNINA 28:29

mitdelin thimthama a dap a dap angin sûn vara khawm dap dap in ta, in khawsak thua chun tluongtlung ta naw ti niu; chun, nêksâwr ding le râllâk ding ringawt ni zawmzat in ta; sansuok ding cheu tukhawm um naw ni hai.