MIKA 2:13 - Pathien Lekhabu Inthieng (BSI)

¹³ Nêr thlengtu chu an hmaa chun fêng a ta, nêr thleng an ta, kawtkhâr chenin fe pei an ta, chutaka chun fe suok an tih: chun, an lal chu an hmaa chun fêng a ta, Lalpa chun an hma ṭhuoi a tih.

MIKA 2:13 ပူးပေါင်းရင်းမြစ်များ

FESUOKNA 14:19

Chun, Lalpa vântirko Israelhai bûk hmaa fe chu ân tâwl a, an hnungah a fe ta a: chun, sûm ngîr chu an hmaa inthawkin ân tâwl a, an hnungah a ngîr a:

ISAI 42:7

mitdelhai mit sukvar ding le, mi intânghai intângna ina inthawka ṭhuoi suok ding le, inthim laia ṭhunghai intângna ina inthawka ṭhuoi suok dingin.

ISAI 51:12

Kei, keima ngei hi, nangni thlamuontu cheu chu ka nih; thi ding mihriem le hlobet ang chaua siema um ding mihriem naupa ṭia,

ISAI 52:12

Inhmâwtakin in fe suok âwm si naw a, tlânsiein fe bawk naw ti niu; Lalpa chun in hma a ṭhuoi ding a ni si a; Israelhai Pathien chu in hnung dâltu nîng a tih.

ISAI 55:4

Ngai ta, ama chu mi tin ta dinga hretuah ka ruot a, mi tin ta dingin hotua le ṭhuoituah ka ruot a nih.

DANIEL 2:44

Chun, chuong lalhai huna chun vâna Pathien chun suksieta um ta ngailo ding le, lal nina chu mi dang kuoma pêka um ta ngai lo ding ram pakhat hung siem suok a ta; chuongchun, chuong ramhai chu kawi tamtaka hung sukkawiin, hung kânghmang a ta, kumkhuoin ama chu um ta lem a tih.

HOSEA 1:11

Chun, Juda mipuihai le Israel mipuihai chu pung khâwm an ta, an lu ding ruot an ta, chu rama inthawk chun hang fêng an ta, Jezreel ni chu a ropui ding a ni si a.

HOSEA 13:14

Seol kuta inthawkin anni chu intlan ka ta, Thinaa inthawkin anni chu sansuok ka tih; Aw thina, i hripuihai chu khâwlai am? Aw Seol, i suksietna chu khâwlai am? Lunginsietna chu ka mita inthawkin thup nîng a tih.

HOSEA 2:2

In nu hi ngên ro, ngên ro; Ama hi ka nuhmei a ni si naw a. Kei khawm a pasal ka ni nawh; A mit hmua inthawkin a nawchizawr chîng hi pei hmang sienla, A ṭânghai laia inthawkin a uiret chîng hi pei thla raw se.

HOSEA 3:5

Chu hnunga chun Israel mipuihai chu hnungkîr an ta, Lalpa an Pathien le an laltak David chu zawng an ta; ni nuhnunghaia chun Lalpa le a ṭhatna chu inthin pumin pan an tih.

MIKA 2:12

Aw Jakobhai, in rêngin ko khâwm ngei ka ti cheu a; Israel mi la um sunhai chu ṭhuoi khâwm ngei ka tih; Bozra khaw berâm angin sie khâwm ka ta, ran ruol an hlo petna hmuna um angin; mipui an ni lei chun sa mur mur an tih.

MIKA 3:1

Aw nangni Jakobhai hotuhai le Israel sûngkuo rorêltuhai; ngai unla, ka ngên cheu hi, ka ti a nih; rorêl dân chu in hriet ding an nâwm a nih?

MIKA 4:7

kebai chu hlâbîkah siem ka ta, hlataka hnawt hmanga um chu hnam hrâttakah siem ka tih: tuta inthawk chu Zion tlângah kumkhuoin Lalpa chun an chungah ro rêl a tih.

ZEKARIA 10:12

Chun, anni chu Lalpaa chun sukhrât ka ta, chun, ama hmingin a suk a tungin fe tâng an tih, Lalpa chun a tih.

HEBRAIHAI 6:20

chutaka chun Isu, Melkizedek um dân anga chatuon Thiempu Laltak lo ni tain, ei hmaṭhuoitu dingin a lût ta a.

JOSUA 3:6

Chun, Josua chun thiempuhai kuoma chun, “Thuthlung bâwm hi zâwn unla, mipuihai hmaah fe ro,” a ta, a hril a. Chuongchun, thuthlung bâwm chu an zâwn a, mipui hma chu an ṭhuoi ta a.

THUPUONGSUO 17:14

Chuongchun, Berâmte chu do an ta, chun, Berâmte chu hotuhai Hotu le lalhai Lal a ni leiin anni chu hnêng a tih; chun, a kuoma um, kohai, thlanghai, ringumhai chun hne bawk an tih,” a ti a.

THUPUONGSUO 7:17

Berâmte, lalṭhungpha laia um chu an vêngtu nîng a ta, hringna tuikhurahai ṭhuoi a tih; chun, Pathienin an mita inthawk mitthli po po hrufai tâng a tih,” a ta.