MIKA 2:1 - Pathien Lekhabu Inthieng (BSI)

¹ An khum laizâwla khawhlona suongtuotuhai le thil ṭha naw ngaituo suoktuhai chu an chung a rik de! Zîngkâra khuo a hung var hin chu chu an thaw hlak a, anni kut thilthawtheina a ni si leiin.

MIKA 2:1 ပူးပေါင်းရင်းမြစ်များ

INṬANNA 31:29

Suksethei che ka nih i sawnnaw: nisienlakhawm, i pa Pathien chun zâni zân khan, ‘Jakob kuomah a sie a ṭha iengkhawm hril lo dingin fimkhur rawh,’ tiin a mi biek a nih.

1 LALHAI 21:7

Chun, a nuhmei Jezebel chun a kuomah, “Israel ram lal hi i nih a ni naw am a nih? Tho la, bu fa la, lungril hlimtakin um raw khai, Jezreel mi Naboth grêp huon chu keiin pêng ka ti che,” a ta.

ESTHER 3:8

Chun, Haman chun lal Ahasuer kuoma chun, “I ram sûng rambung po poa mihai laia indara umdar chi khat an um a nih; an dânhai chu mi danghai dân hrim hrima inthawkin a danglam bîk rieu a, lal dânhai khawm hi an zâwm chuong bawk naw a; chuleiin, anni ngaithei zing hi lal ta dinga ṭhathnemna a ni nawh.

ESTHER 5:14

Chun, a nuhmei Zeres le a ruolhai po po chun a kuomah, “Khaihlumna tawng sâwmngaa insâng inphuntir la, chun a zinga chun, chutaka chun Mordekai chu khai hlum ni raw se, tiin lal chu hril la; chuongchun, lal le chun thlaithlêng awtnaa chun hlimtakin um el la a ni el annâwm,” an ti a. Chun, chu thil chun Haman chu a suklâwm ta a; chun, khaihlumna chu ân phuntir ta a.

ESTHER 9:25

amiruokchu, chu thil chu lal kuom a hung tlung chun, a dawhâ ṭha lotak, Judahai chunga dawhâ a nei chu, ama lu chung ngeiah a tla lem ding a nih tiin lekha ziekin thu a pêk a, ama le a naupasalhai ngei khawm chu khaihlumnahaia chun khai kâng an ni ding a nih, tiin.

JOB LEKHABU (THE BOOK OF JOB) 15:35

Pawitâwkna chu an vawn a, khawhlona chu an nei hlak a, An phîng chun hlêmna a buotsai hlak,” tiin.

JOB LEKHABU (THE BOOK OF JOB) 24:14

Tuolthattu chu vârṭiena thoin, mi tlasam le pasie chu a that a; Zân huna chun inru ang a nih.

INPÂKNA HLABU 36:4

A khumlaizâwla chun thilsuol a ngaituo hlak a, Lampui ṭha nawa chun a fe hrâm hrâm a, Suolna chu a tirdak nawh.

INPÂKNA HLABU 36:5

Aw Lalpa, i ngilneina chu vânhaia khin a um a, I ringumna chun vân dumhai khi a tawng a nih.

INPÂKNA HLABU 58:3

Mi rilohai chu an nu phîng sûnga inthawk hrimin Pathiena inthawka ṭhein an um a; An pieng phingleh khêlthu hrilin an invâk hmang hlak.

THUVARHAI 12:2

Mi ṭha chun Lalpa ditsakna hmûng a ta, Thiltum khawhlo nei mi ruok chu thiemnaw inchangtir a tih.

THUVARHAI 14:22

Thil ṭha naw rawt suoktuhai chun an suksuol a ni naw am a nih? Thil ṭha rawt suoktuhai kuoma ruok chun thutak le lunginsietna um a tih.

THUVARHAI 3:27

I kut thilthawtheinaa thaw thei a ni sûng chun, Thilṭha chu a chang âwm hrimhai kuoma chu inro naw rawh.

THUVARHAI 4:16

Thil pawi an thaw zet naw chun an in ngai si naw a; Mi ṭhenkhat bêk an sukthlûk naw chun, an îmu chu lâk hmang a ni hlak.

ISAI 29:20

Mi ṭium chu iengkhawm ni lova siemin um tâng a ta, hmusittu chu a bo ta a, khawhlona nghâkhlatuhai po po chu sukbohmangin an um ta si a,

ISAI 3:14

Lalpa chun a mihai upahai chunga le, an mi lienhai chunga chun ro rêl a tih. Lalpa Sipaihai Lalpa chun, “Nangni rawi hi in nih, grêp huon fa zotuhai chu;

ISAI 32:7

Mi vervêk thuomhnawhai chu ṭha nawtak a na; pasiehai chun thu dik an hril khawmin mi rimsihai chu khêl thua sukbohmang dingin ama chun thil suol thaw dingin a ngaituo hlak.

ISAI 5:8

Ram lailia an khât chaua an um theina dinga mi ṭhang vena hmun hrim hrim um lo khawp hiel a, in le in inzawmtir pei le, lo le lo inzawmtir peituhai chung chu a rik ie!

ISAI 59:3

In kuthai chu thisen sukpawrchein a um a, in kutpârhai hlak khawhlonaa sukpawrchein a um si a; in hmûrhai chun khêl a hril a, in lei chu rîtlona thu hrilin a chier num num hlak.

JEREMIA 18:18

Chun, anni chun, “Hung ro khai, Jeremia chunga hin thuphierrûk phier ei tih; thiempua inthawkin dânin bo ni nei naw ni a, mi vara inthawkin thurâwn le, zâwlneia inthawka thu bo naw nih. Hung ta u, hril se bawr bawr ei ta, a thuhai chu a ieng ieng khawm chu awipêk nâwng ei tiu,” an ta.

EZEKIEL 11:2

Chun, ama chun ka kuomah, “Mihriem naupa, hi khawpuia thurâwn rilo pea, suolna suksuoktuhai chu hieng mihai hi an nih.

EZEKIEL 33:26

In kâwlhnâm chu in ring a, thil pawrche chu in thaw a, mi tinin mâni tuolbâwm nuhmeihai chu in sukpawrche a; ram chu in chang hrim ding am a nih?

EZEKIEL 38:10

“Lalpa Pathien chun hieng hin a ti a nih: Chu ni chun chuong chu hung tlung a ta, thilhai chu i lungrila chun hung lût a ta, ngairuotna rilo ngairuot i ta,

EZEKIEL 46:18

Chu nawa khawm chun, lal chun an thil neihaia anni nêksâwr dingin mihai rochan chu a lâkpêk ding a ni naw a; an in le loa inthawk a hnawt suok ding a ni nawh, ama thil neia inthawk ngeiin a naupasalhai chu rochan a pêk lem ding a na, chuongchun, ka mihai chu mâni thil neia inthawka mi tin chu an indar nawna dingin,” tiin.

MIKA 6:12

Chutaka mi hausahai chu pâwngnêknain an sip si a, chutaka chênghai chun khêl an hril a, an bau sûnga an lei chu mi hlêm hmang a nih.

NAHUM 1:11

Nangmaa suok mi pakhat Lalpa kalna thil suol ngaituotu, rîtlona thurâwntu a um a.

ZEKARIA 7:10

hmeithai amanih, fahrâ amanih, mikhuol amanih, mi pasie amani khawm chu nêksâwr naw unla, chun, nangni tukhawma mâni unau chungah a lungrilin thil suol suongtuo naw raw se,” tiin.

MARKA 15:1

Chun, zîngkâr a hung ni phingleh thiempuhai chu upahai le Dân inchûktirtuhai le rorêltuhai po po leh an inrâwn a, Isu chu an phier a, an ṭhuoi a, Pilat kuomah an pêk nghâl ta a.

LUKA 20:19

Chun, chuong lai tak chun Dân inchûktirtuhai le thiempu lalhaiin man an tum a; nisienlakhawm, mipui chu an ṭi a; chu tekhithu chu anni demin a hril ti an hriet si a.

JOHAN 19:11

Isûn, “Chungtienga inthawka pêk i ni naw chun, ka chunga hin thaw thei hrim hrim nei naw ti ni; chuleiin, i kuoma mi petu khan suol a phur zuol a nih,” a ta.

THILTHAWHAI 23:12

Chun, nisa a suok chun Judahai an ṭhang ruol a, Paula an that hmakhat chu iengkhawm faa dâwn lo dingin an inkhâm a.

THILTHAWHAI 23:15

Chuleiin, nangnîn, rorêltuhai le a thu fel nâwkzuola ngaituo tum angin, in kuoma ṭhuoi thla dingin sipai hotu laltak kuomah pehêl deuin hang hril ro; in kâwl hnai a tlung hma khawmin keini ama that dingin kan inpei zing a nih,” an ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:30

mi rêl hmanghai, Pathien theida zâwnghai, intiveihai, chapohai, mi uonghai, thil suol thar suksuoktuhai, nu le pa thu awi lohai,

DÂN PAHNINA 28:32

In naunuhmeihai, in naupasalhai chu hnam danghai pêk nîng an ta, sûnnithlâkin anni chu ngaiin thlîr zing hlak in tih, in thlîrnân in mithai chu châu a tih; iengkhawm thaw thei in nei âwm si nawh.