MIKA 1:7 - Pathien Lekhabu Inthieng (BSI)

⁷ A milem siemfâwmhai po po chu sukkawi hâwp vawng nîng an ta; a nawchizawr manhai chu meia raw hmang nîng a tih, a milemhai po po chu sukbohmang ka tih; nawchizawr mana a lâk khâwm a ni leiin, nawchizawr man bawkin ṭhang an tih.

MIKA 1:7 ပူးပေါင်းရင်းမြစ်များ

2 CHANCHIN SUINA 31:1

Chun, hieng thil po po hi zo a ni hnung chun, Israel chutaka umhai po po chu Juda khawpuiahai chun an fe a, lungphunhai chu an suknâwi a, Asera chu an phûrthlûk a; Benjamin le Juda ram po poa bâwlhmunhai le maichâmhai chu an vuok chim vawng a; Ephraim le Manasse rama khawm, a rênga an suksiet vawng hmakhat chun an thaw pei a. Chu, Israel mipuihai chu, mi tin mâni hmun nei sengah, mâni khawpui sengah an kîr ta a.

ISAI 2:18

Chun, milimhai chu bohmang dai an tih.

ISAI 23:17

Chun, kum sâwmsari bo hnung chun, Lalpa chun Tura khuo chu hung sir a ta, chuongchun, ama chu a hlaw hnawtin um nâwk a tih, hnuoi chunga khawvêl ram po poa nawchizawrin um a tih.

ISAI 27:9

Chuleiin, hi hin Jakobhai rîtlona chu sâwpfai nîng a ta, hi hi an suol fe hmangpuina ra ruok a nih; Aserahai le nisa limhai chu tho nâwk ta lo ding khawpin maichâm lung po po chu tlak lung suknawi rem rum ang elin an siem hi.

EZEKIEL 6:6

In chêngna hmunhaia po po chun khawpuihai chu suksiet nîng an ta, bâwlhmunhai chu râusan nîng an ta; in maichâmhai chu râusan le suksiet a ni theina ding le in milimhai chu suktliek le suktâwp a nia, in nisa milimhai chu phûr thlûk a na, in sinthawhai chu suktâwp a ni theina dingin.

HOSEA 2:12

A grêp hrui le a theichang kûng, Hieng hi ka dit zâwnghai mi pêk, ka hlaw chu a nih, A ti hlakhai chu sukrêm ka tih. Ramhnuoiah siem ka ta, ramsahaiin fâng an tih.

HOSEA 2:14

Chuleiin, ngai ta, thlêm ka ta, thlalêrah ṭhuoi ka ta, Bau ṭhatakin ama chu bieng ka ta,

HOSEA 2:5

An nu chun nawchi a zawr hlak a, Anni vawntu chu inzâpuiumtakin a um a; Ka bu dâm, ka tui dâm, ka sahmul dâm, Ka pat dâm, ka hriek dâm le, ka dâwn dinghai mi petu, ami hmangaituhai chu hnawt ka tih, a ti a nih.

HOSEA 8:5

Aw Samaria, i sebâwngte lim chu a hnâwl ie; An chungah ka lunginsen êm êm a nih. Nun tluongtlama an um thei hma chu ieng chen tak am a ni ding chu.

HOSEA 8:6

Israela inthawk chun hi hi a ni si a, Sinthawtu siem a na, Pathien a ni nawh; Anih, Samaria sebâwngte lim chu suknâwi vawng nîng a tih.

JOEL 3:3

Ka mihai ta dingin ṭhum an vâwr a, nawchizawr man dingin pasal naupang an pêk a, uoin an dâwn theina dingin, a man dingin nuhmei naupang an zawr a.

LEVI DÂN 26:30

In bâwlhmunhai sukchim ka ta, in milimhai sukthlûng ka ta, in ruonghai chu in milimhai chungah pei ka ta; chun, ka hringna khawmin a theida ding cheu a nih.

DÂN PAHNINA 23:18

Nawchizawr man amanih, pasal inzawr man amanih, thutiemna dingin Lalpa in Pathien inah in chawi ding a ni nawh; a ieng ieng khawm chu Lalpa in Pathien ngaiin thil tirdakum a nih.

DÂN PAHNINA 9:21

In suolna leia in siem bâwngte lim chu ka lâk a, ka raw a, ka suknâwi a, pilvut angin ka râwtnawi dar a; a phit chu tlânga inthawka vadung hung luonga chun ka phul a.

THUPUONGSUO 18:3

A mi dit chîng leia a lunginsenna uoin chu hnam po poin an dâwn ta si a; hnuoia lalhai chun ama chu an dit hlak a, hnuoia sumdâwngtuhai chun ân hawitir taluotna chu an hausak pha hlak,” tiin a khêk a.

THUPUONGSUO 18:9

“Chun, hnuoia lal, a dit hlakhai le ân hawitirpui hlakhai chun, a kâng khu chu an hmu pha a chunga ṭapin âwm inchum an ta;

1 SAMUEL 5:4

Chun, a zîngnâwk zîngkâr an hang tho chun, ngai ta, Lalpa bâwm hmaa chun Dagon chu a hmaia hnuoi sikin a lo tlu dêr el a; Dagon lu le a kutpha bâwr khing hni bawng chu kawtkhâr bula chun a lo inhlum ngul el a; Dagon chu a taksa chau a lo um el ta a.