MIKA 1:16 - Pathien Lekhabu Inthieng (BSI)

¹⁶ Invâw kawl la, i nau dittakhai lei chun invâw kawl rawh; mulukawl ang elin insukkawl nasa rawh, i kuoma inthawka sala ṭhuoiin an um ta si a.

MIKA 1:16 ပူးပေါင်းရင်းမြစ်များ

2 LALHAI 17:6

Hosea kum kuo ân lal kum chun Assuria lal chun Samari khuo chu a lâk a, Israel mihai chu Assuria rama chun a ṭhuoi a, Hala rama dâm, Gozan rama Habor vadunga dâm, Media mihai khuoa dâm ân umtir a.

JOB LEKHABU (THE BOOK OF JOB) 1:20

Chun, Job chu a tho a, a puon a keithlêr a, a lu a vâwkawl a, hnuoi chunga bawkkhupin Pathien chibai a bûk ta a.

ISAI 15:2

Dibon mipui chu bâwlhmuna hai chun ṭap dingin an hang fe a, Moabhai chun Nebo le Medeba chu an ṭapkhum rak rak a, an lu po po a kawl vawng a, khâk hmul tinrêng khawm vawin a um ta vawng a nih.

ISAI 22:12

Chu nia chun Lalpa, sipaihai Lalpa chun, ṭap ding le, âwm inchum ding le, lu sukkawl ding le, saiip puon dierkei dingin a ko a;

JEREMIA 16:6

Hi rama hin a lien le a chîn khawm thîng an ta; phûmin um naw ni hai a, mihai khawma anni chu ṭa naw ni hai, anni le anni khawm in ât naw ni hai, an ta dingin an lu sukkâwk bawk naw ni hai;

JEREMIA 4:8

Hi hi lei hin saiip puon dierkei unla, sûn unla, ṭap inrûm ro; Lalpa lunginsenna ṭium chu einia inthawkin a hnungkîr si naw a.

JEREMIA 47:5

Gazaa chun châtvaina a hung tlung a, an phairuom la um sun, Askelon hlak chu iengkhawm lova siem a ni ta a; chun, nang le nang ieng chen am în ât ding a na?

JEREMIA 6:26

Aw ka chipui naunu, saiip puonin inbel la, pilvuta chun inbuol rawh; naupasal khât sûn angin sûn la, sûnna natak el chun, ei chunga chun suksetu chu a hung vak ding a ni si a.

JEREMIA 7:29

Aw Jerusalem, i sam chu tan rawh, peihâwn la, bâwlhmun tlângahai chun sûnna siem rawh; Lalpa chun a lunginsenna thlahai chu a nghatsanin a hnâwl ta si a.

ṬAP HLA 2:19

Tho la, vêng ṭantirna huna chun, zânah khêk rawh; Lalpa hmaihmaa chun i lungril chu tui angin bunthla la, I nau le têhai hringna dingin ama tienga chun i kuthai phar rawh, Chuong kawtthlêr tâwp tina phîngṭâma châuhai ta ding chun.

AMOS 7:11

Amos chun hieng ang hin a ti si a, ‘Jeroboam chu kâwlhnâmin thîng a ta, matheilovin a rama inthawkin Israel chu salah ṭhuoi suok a ta,’ tiin thu a thawn a,” tiin.

AMOS 7:17

chuleiin, Lalpa chun hieng ang hin a ti a nih, ‘I nuhmei chu khawpuiah nawchizawr nîng a ta, i naupasalhai, i naunuhmeihai chu kâwlhnâmin tlûng an ta; i ram chu inkhina hruiin sem an ta; chun, nangma ngei khawm ram thieng naw sûnga chun thîng i ta, matheilovin, Israel chu a rama inthawkin salah ṭhuoi hmang an tih,’ tiin,” a dawn a.

AMOS 8:10

In ruoiṭhehai chu lungngainaa le in hlahai po po chu ṭapnaah inchangtir ka tih; kâwng po po chu saiip puon indierkeitir ka ta, lu tin sîpa chun kâwkna hung intlungtir ka tih; chun, naupa khât nei sun ta dinga lungngaina ang le, a tâwpna chu khâkna ni angin siem ka tih.

DÂN PAHNINA 28:41

Naupasalhai, naunuhmeihai nei in ta, nisienlakhawm, in ta ni zing naw ni hai, sala ṭhuoiin an la um ding a nih.