MIKA 1:1 - Pathien Lekhabu Inthieng (BSI)

¹ Juda lal Jotham, Ahaz le Hezekia hai inlal laia Moreseth mi Mika kuoma Lalpa thu hung tlung, Samaria khuo le Jerusalem chungchâng thu a hmu chu.

MIKA 1:1 ပူးပေါင်းရင်းမြစ်များ

2 LALHAI 15:32

Israel lal Remalia naupa Peka kum hni ân lal kum chun Juda lal Uzzia naupa Jotham chu ân lal ṭan a.

2 LALHAI 15:5

Chun, Lalpain lal chu a hung hrem ta a, chuongchun, a thi ni chen chun ân phâr a, in tumah a um ta a. Chun, lal naupa Jotham chu an rama mihai rorêlpêkin insûng tieng hotuah a um ta a.

2 LALHAI 16:1

Remalia naupa Peka kum sâwm le kum sari ân lal kum chun Juda lal Jotham naupa Ahaz chu ân lal ṭan a.

2 LALHAI 18:1

Chun, Ela naupa Israel lal Hosea kum thum ân lal kum chun Juda lal Ahaz naupa Hezekia chu ân lal ṭan a.

2 CHANCHIN SUINA 28:1

Ahaz chun ro a rêl ṭanin kum sâwmhnia upa a na; Jerusalema chun kum sâwmparuk sûng ro a rêl a; a thlatu David ang khan Lalpa mithmuah thil indik chu a thaw ve naw a;

2 CHANCHIN SUINA 29:1

Hezekia chu kum sâwmhni pangaa upa a niin ro a rêl ṭan a; Jerusalema chun kum sâwmhni pakuo sûng ro a rêl a; a nu hming chu Abija, Zekaria naunu a nih.

ISAI 1:1

Amoz naupa Isaiin Judahai lal Uzzia, Jotham, Ahaz le Hezekia hai inlal laia Judahai le Jerusalem chungchâng thua inlârna a hmu chu.

ISAI 1:2

Aw vânhai, ngai unla, aw leihnuoi, na sit rawh, Lalpa chun thu a hril ie: “Nauhai chu ka châwm puitling a, ka chungah an hel ta si a.

ISAI 7:1

Uzzia nau Jotham naupa Ahaz inlal lai chun, Suria lal Rezin le Israel lal Remalia naupa Peka chu Jerusalem rûn dingin an hang fe a; nisienlakhawm, an hne thei naw a.

ISAI 7:9

chun, Ephraim lu chu Samari a na, Samari lu chu Remalia naupa ringawt el hi a ni si a. In ring det naw chun sukdetin um ṭhuoi naw ti niu, tiin,’ ti rawh,” a ta.

JEREMIA 26:18

“Moras mi Mikaia khan Juda ram lal Hezekia inlal laiin thu a hril a; Juda rama mi po pohai kuoma chun ‘Sipaihai Lalpa chun hieng hin a tih: Zion chu lo anga inlet nîng a ta; Jerusalem chu hmunhnawk sienkhâwm nîng a ta, in hmun tlâng chu ramhnuoia bâwlhmun tlâng ang nîng a tih,’ tiin.

HOSEA 1:1

Juda lalhai Uzzia, Jotham, Ahaz le Hezekia inlal lai le Israel lal Jeroboam, Joas naupa inlal laia Beeri naupa Hosea kuoma Lalpa thu hung tlung chu.

HOSEA 4:15

Israel, nang chun nawchizawr chîng la khawm, Juda chu tlu ve lul naw raw se. Gilgala chun hung naw unla, Beth-avena khawm hang fe naw ro; “Lalpa a hring zing angin” tiin inkhâm bawk naw ro.

HOSEA 8:14

Israel chun a siemtu a theinghil a, In ropuihai a bâwl a; Juda chun khawpui kul neihai a sukpung a; Nisienlakhawm, a khawpuihaia chun mei tir ka ta, A in ropuihai chu kâng zo a tih.

AMOS 1:1

Juda lal Uzzia inlal lai le Israel lal Joas naupa Jeroboam inlal laia, simkhawleihnuoi inhnîng hma kum hnia, Tekoa ran ruol vêngtuhai laia mi Amos thu Israel chungchâng thu a hmu chu.

AMOS 6:1

“Zion tlânga inhawitir taluoa umhai le, Samari tlânga himtaka umhai le hnam lientak mi ropuihai, an kuoma Israel sûngkuohai an fenahai chu an chung a rik ie!

MIKA 1:5

Hieng po po hi Jakob bawsietna le Israel sûngkuo suolnahai lei a nih. Jakobhai bawsietna chu ieng am a na? Samaria ni lo am a nih? Juda bâwlhmunhai chu ieng am a na? Jerusalem ni lo am a nih?

MIKA 3:9

Nangni Jakobhai sûngkaw hotuhai le Israel sûngkaw hotuhai le Israel sûngkaw rorêltu, rorêlna tirdaka, indikna tinrêng suklinglettuhai, hi hi lo ngai ro, ka ngên cheu hi.

HABAKKUK 1:1

Zâwlnei Habakkukin chungrikna a hmu chu:

2 PETER 1:21

Thu hrillâwk hrim hrim hi mihriem thua suok a ni ngai si naw a, mihaiin Thlarau Inthieng tirin, Pathien kuoma inthawkin an hril lem hlak a nih.