MATTHAI 9:22 - Pathien Lekhabu Inthieng (BSI)

²² Chun, Isu a ngha a, ama chu a hmu a, “Ka naunu, lungmuongtakin um rawh, i ringna hi i dampui a nih,” a ta. Chuongchun, nuhmei chu chu dâr chena chun a hung dam ta a.

MATTHAI 9:22 ပူးပေါင်းရင်းမြစ်များ

MATTHAI 15:28

Chu phingleh Isûn a kuomah, “Nuhmei, i ringna a nasa êm el; i dit ang takin i chungah um raw se,” a ta, a dawn a. Chuongchun, a naunu chu, chu chena chun a hung dam el ta a.

MATTHAI 17:18

Chun, Isûn khawhri chu a hal a, a sûnga inthawk chun a suok ta a; chu dâr chena inthawk chu naupang chu a hung dam ta a.

MATTHAI 8:13

Chun, Isûn sipai za hotu kuoma chun, “Fe ta rawh, i ring angin i chungah hung tlung raw se,” a ta. Chuongchun, naupang chu chu dâra chun a lo dam ta a.

MATTHAI 9:2

Chun, ngai ta, zeng pakhat khuma zâl pumin a kuomah an hung zâwn a. Isûn an ringzie a hmuin, zeng kuoma chun, “Ka nau, lungmuongtakin um rawh; i suolhai ngaidam a ni tah,” a ta.

MATTHAI 9:29

Ama chun an mit a them a, “In ring angin in chungah tlung raw se,” a ta.

MARKA 10:52

Chun, Isûn, “Fe ta rawh, i ringna hi i dampui a nih,” a ta. Chuongchun, a hmu thei nghâl ta a, lampuia chun Isu a zui ta a.

MARKA 5:34

Chun, ama chun a kuomah, “Ka naunu, i ringna hi i dampui a nih, lungmuongtakin fe la, i natna chu lo dam sawng ta raw se,” a ta.

LUKA 17:19

Chun, a kuomah, “Tho la, fe rawh, i ringna hi i dampui a ni hi,” a ta.

LUKA 18:42

Chun, Isûn a kuomah, “Hmu thei ta raw khai, i ringna hi i dampui a nih,” a ta.

LUKA 7:50

Chun, ama chun nuhmei kuoma chun, “I ringna hi sandam I ni pha a nih, thlamuongtakin fe rawh,” a ta.

LUKA 8:48

Chun, ama chun a kuomah, “Ka naunu, i ringna hi i dampui a nih, thlamuongtakin fe rawh,” a ta.

JOHAN 4:53

Chuongchun, a pain Isûn a kuoma, “I naupa chu a dam tah ie,” a ti lai tak chu a nih, ti a hriet ta a; chun, ama le a sûnghaiin an rêngin an ring ta a.

THILTHAWHAI 14:9

Ama chun, Paula thu hril a ngai a, chun, Paula chun, ama chu a en zing a, damna dingin ringna a nei ti a hriet a,

THILTHAWHAI 16:18

Chuong ang chun, ni sâwt rei a thaw hlak a. Chuongchun, Paula chu a lungni ta naw a, a ngha a, khawhri kuoma chun, “Isu Krista hmingin a sûnga inthawkin suok thu ka pêk che,” a ta. Chun, chu lai tak chun a suok nghâl ta a.

HEBRAIHAI 4:2

An kuoma hril a ni ang bawk khan Chanchin Ṭha chu ei kuoma hril a ni ngei si a; nisienlakhawm, an thu ngai chun anni a sukṭhahnem si naw a, ngaitu taktakhai leh ringnaa zawmin an um naw leiin.