MATTHAI 9:2 - Pathien Lekhabu Inthieng (BSI)

² Chun, ngai ta, zeng pakhat khuma zâl pumin a kuomah an hung zâwn a. Isûn an ringzie a hmuin, zeng kuoma chun, “Ka nau, lungmuongtakin um rawh; i suolhai ngaidam a ni tah,” a ta.

MATTHAI 9:2 ပူးပေါင်းရင်းမြစ်များ

THUHRILTU 9:7

Fe la, i bei chu hlimin fa la, i uoin chu lungril hlimin dâwn rawh; Pathien chun i sinthawhai chu a pawm ta si a.

ISAI 44:22

In bawsietnahai chu sûm sâmup sukboin ka sukbo ta a, in suolhai chu sûm sukbo angin ka sukbo ta bawk a; ka kuomah hung kîr nâwk ro, kân tlan ta si cheu a.

MATTHAI 14:27

Nisienlakhawm, Isûn anni chu a biek nghâl ta a, “Lungmuongtakin um ro, kei ka ni annâwm, ṭi naw ro,” a ta.

MATTHAI 4:24

Chun, Suria ram po poah a chanchin ân thang ta a; chuongchun, mi damnaw po po, damnawna le natna tinrênga nahai, khawhri imanhai, hringawl invawihai, zenghai a kuomah an hung ṭhuoi a, a lo sukdam tâwl a.

MATTHAI 6:12

Kan chunga thil suksuoltuhai kan ngaidam angin, Nang khawmin kan thil suksuolhai mi ngaidam la,

MATTHAI 8:10

Isûn chuong thu chu a hrietin mak a ti hle a, ama zuituhai kuoma chun, “Titakzetin ka hril cheu, Israelhai lai khawm hieng ang lâwma ringna nasa hi ka hmu nawh.

MATTHAI 8:16

Chun, khuo a hung inhnu chun, a kuomah khawhri imanhai tamtak an hung ṭhuoi a; thuin khawhrihai chu a hnawt dawk a, damnaw po po chu a sukdam bawk a:

MATTHAI 9:22

Chun, Isu a ngha a, ama chu a hmu a, “Ka naunu, lungmuongtakin um rawh, i ringna hi i dampui a nih,” a ta. Chuongchun, nuhmei chu chu dâr chena chun a hung dam ta a.

MATTHAI 9:5

‘I suolhai ngaidam a ni tah,’ ti le, ‘Tho la kein fe rawh,’ ti hi a ieng am ti a awl lem a?

MATTHAI 9:6

Iengkhawm ni sienla, khawvêlah Mihriem Naupa hin suol ngaidam theina a nei ti in hrietna dingin,” a ta, (zeng kuoma chun), “Tho la, i khum la la, i inah fe rawh,” a ta.

MARKA 1:32

Chun, zântienga nisa tlâk hnung chun, damnaw po po le khawhri iman dâm a kuomah an hung ṭhuoi a.

MARKA 10:49

Isu chu a lo ngîr a, “Ama chu hung ko ta u,” a ta. Chun, mitdel chu an ko a, a kuomah, “Lungmuongtakin um rawh, a ko che,” an ta.

MARKA 5:34

Chun, ama chun a kuomah, “Ka naunu, i ringna hi i dampui a nih, lungmuongtakin fe la, i natna chu lo dam sawng ta raw se,” a ta.

MARKA 6:50

Nisienlakhawm, ama chun anni chu a biek nghâl ta a, an kuomah, “Lungmuongtakin um ro, keima ka nih annâwm, ṭi naw ro,” a ti ta a.

JOHAN 16:33

Hieng thu hi in kuomah ka hril ta hi, keimaa in thlamuongna dingin. Khawvêla hin rinumin in um hlak; nisienlakhawm, thlamuongtakin um ro, keiin khawvêl ka hne tah,” a ta.

JOHAN 2:25

Mihriem thu tukhawm ihril a ngai nawh, ama chun mihriem sûnga um taphawt chu a hriet si a.

JOHAN 21:5

Chun, Isûn an kuomah, “Nauhai, iengkhat fâk ding in nei am?” a ta. Anni chun a kuomah, “Nei lo,” an ta, an dawn a.

THILTHAWHAI 14:9

Ama chun, Paula thu hril a ngai a, chun, Paula chun, ama chu a en zing a, damna dingin ringna a nei ti a hriet a,

THILTHAWHAI 19:12

Chuongchun, rawmawlhai amanih, a pang tâwk fênthuohai chu damnawhai kuomah an hung chawi a, an natnahai a bo hlak a, an sûnga inthawkin khawhrihai khawm an suok hlak a.

THILTHAWHAI 23:11

Chun, zâna chun Lalpa chu Paula kâwlah a ngîr a, “Thlamuongtakin um rawh, Jerusalema ka thu în hriettir ang bawkin Roma khawm în hriettir ding a nih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:11

Chuong chau khawm chu a ni naw a, inremna tuta a mîn hmutirtu ei Lalpa Isu Krista lei chun Pathienah ei lâwm bawk a nih.

JAKOB 2:18

Anih, mi tûin amanih, “Nangin ringna i nei a, keiin thilthaw ka nei a nih; i ringna chu thilthaw ṭhang lovin mîn entir rawh, chun, keiin ka thilthawin ka ringna inentir ka ti che.