MATTHAI 8:29 - Pathien Lekhabu Inthieng (BSI)

²⁹ Chun, ngai ta, anni chun, “Pathien Naupa, nang le keini ieng am ei inzâwlna? A hun tlung hmain a mi sawisa dinga hitaka hung am i nih?” tiin an khêk a.

MATTHAI 8:29 ပူးပေါင်းရင်းမြစ်များ

2 SAMUEL 16:10

Nisienlakhawm, lal chun, “Nangni Zeruia naupasalhai, nangni mi lo hrietpêk ding ieng am a um a? Lalpain a kuomah, ‘David chu ṭawngsie inphur rawh,’ a ti si chun inphur el raw se, ‘Iengdinga chuong anga i thaw am a ni leh?’ tuin am ti hlak an ta?” a ta.

2 SAMUEL 19:22

Chun, David chun, “Nangni Zeruia naupasalhai, nangni hin in mi lo hriet pêk ding ieng am a um a? Vawisûn hin a mi dotuhai in ni naw am a nih? Vawisûn hin Israel mihai laia mi hrim hrim sukhlum ding am a nih? Vawisûn hi Israel mihai chunga lal ka ni hi ka hriet naw am a nih?” a ta.

1 LALHAI 17:18

Chun, ama chun Elija kuomah, “Aw nang Pathien mi, nang le kei hi ieng am ei ni leh? Ka suolna inhrietsuoktir ding le ka naupa mi thatpêk dinga hung i ni hi tie!” a ta.

2 LALHAI 3:13

Chun, Elisa chun Israel lal kuoma chun,“ Nang le kei hin ieng am inhmangna ei nei a? fe la, i nu le i pa zâwlneihai kuomah fe dai rawh,” a lo ti a. Chun, Israel lal chun a kuomah, “Ni lo e, Lalpa chun hi lal pathumhai hi Moab mihai kuta pêk dingin a mi ko khâwm a ni ta hi,” a ta.

2 CHANCHIN SUINA 35:21

Nisienlakhawm, ama chun aiâwtuhai a hung tir a, a kuomah, “Nang Juda lal, nang hi iengtin am ka thaw ding che a na? Vawisûn hi nang do ding chein ka hung naw a, amiruokchu, indona ka neipuihai chu do dingin a ni lem ka hung; chun, Pathien chun inhmaw dingin thu a mi pêk a, Pathien chu sukbuoi lo dingin insûm hrâm la, ama chu ka kuomah a um a, sukbohmang rawi a ti che,” tiin.

JOEL 3:4

Anih, aw Tura le Sidon le Philistin ram po pohai, ka ta dingin ieng am in ni a? In mi thung ding am a nih? In mi thung chun, hrâttakin, inhmawtakin in mi thungna chu in lu chung ngeiah thung vêng ka ti cheu.

MATTHAI 4:3

Chun, thlêmtu chu a hung a, a kuomah, “Pathien Naupa i ni chun, hieng lunghai hi beia inchang dingin thu pe rawh,” a ta.

MATTHAI 8:30

Chun, an kâwla inthawka hla reia chun vawk ruol tamtak an tla a.

MARKA 1:24

ama chun, “Nazareth Isu, keini le nang ieng am ei inzâwlna a um a? Mi sukbohmang dingin i hung am a nih? Nang ka hriet che, Pathien mi inthieng i nih,” tiin a khêk suok nghâl ta a.

MARKA 3:11

Khawhri inthieng nawhai khawmin ama an hmu po leh a hmaa bawkkhupin, “Nang Pathien Naupa chu i nih,” tiin an khêk hlak a.

MARKA 5:7

Chun, râwl inringtaka khêkin, “Isu, Pathien Chunghnungtak Naupa, kei le nang ieng am ei inzâwlna a um a? Mi sawisa naw hrâm dingin Pathien hmingin ka ngên ṭal che a nih,” a ta.

LUKA 4:34

“A! Nazareth Isu, keini le nang ieng am ei inzâwlna? A mi sukbohmang dingin i hung a ni maw? Nang ka hriet che, Pathien Mi Inthieng i nih,” tiin a khêk suok a.

LUKA 4:41

Chun, khawhrihai khawm, “Pathien Naupa i nih,” tia khêkin, mi tamtak sûnga inthawkin an hung suok a. Chun, anni a hal a, Krista a nih ti an hriet leiin an ṭawng a phal naw a.

LUKA 8:28

Chun, Isu a hmu phingleh a khêk a, a hmaah a bawkkhup a, râwl inringtakin, “Isu, Pathien Achunghnungtak Naupa, kei le nang ieng am ei inzâwlna a um a? mi sawisa lul naw rawh, ka ngên che,” a ta.

JOHAN 2:4

Isu chun a kuomah, “Nuhmei, nanga mi lo hrietpêk ding ieng am a um a? ka hun a la tlung nawh,” a ta.

THILTHAWHAI 16:17

Ama chun Paula le keini a mi zui a, “Hienghai, sandamna lampui hriltu cheu hi, Achunghnungtak Pathien suokhai an ni hi,” tiin a khêk a.

JAKOB 2:19

Pathien chu pakhat a ni ti i ring a ni maw? I ti ṭha, khawhrihai khawmin an ring a, an inthin hlak a nih,” tîng a tih.

2 PETER 2:4

Vântirkohaiin thil an suksuol lai khan Pathienin a hla naw a, hremhmunah a pei a, rorêlpêk dinga khêk dingin khur inthimah a khum lem si a.

JUDA 1:6

Chun, vântirkohai anni nîna pawm lova, an umna pângngai fe san lemhai chu, ni ropui rorêlnaa dingin inthim hnuoiah chatuon khuopnaa khuop pumin a khêk a nih.

RORELTUHAI 11:12

Chun, Jepthah chun Ammon mihai lal kuoma chun, “Ka chungah ieng am i tia hienga ka ram do dinga ka kâwla hung el i ni lie?” tiin palaihai a tir a.