MATTHAI 8:25 - Pathien Lekhabu Inthieng (BSI)

²⁵ A kuomah an hung a, an keitho a, “Lalpa, mi sanhim rawh, kan bohmang ding annâwm hi,” an ta.

MATTHAI 8:25 ပူးပေါင်းရင်းမြစ်များ

2 CHANCHIN SUINA 14:11

Asa chu a Pathien Lalpa kuoma chun a khêk a, “Lalpa chau naw chu, hrâtna nei lo mihai ta dinga, mi thilthawtheia inthawka ṭhangpui ding mi dang tukhawm an um naw a; Aw Lalpa kan Pathien, mi ṭhangpui la; nangmaah kan innghat si a, hi mipui hi i hming leiin kan hung do a ni hi. Aw Lalpa nang chu kan Pathien i na, nangma chu tukhawma hne naw raw se che,” tiin.

2 CHANCHIN SUINA 20:12

Aw kan Pathien, nangin an chungah ro i rêl ding a ni naw am a nih? Hieng keini mi hung thaw tum pâwl nasatak el chunga hin hrâtna kan nei si naw a; ieng am thaw ding a na ti khawm kan hriet bawk nawh; nangma tieng kan hung ngha a nih,” tiin.

INPÂKNA HLABU 10:1

Aw Lalpa, iengdinga hlatakah i ngîr hlak am a na? Iengdinga lunginzîng hun laia inbi hlak am i na?

JONA 1:6

Chuongchun, lawng hotu chu a kuoma chun a hung a, “Aw nang a inpa, iengtizie am a na? Tho la, i Pathien ko rawh, Pathien chun, ei bohmang nawna dingin a mi ngaituo rawi mawh,” a ta.

MATTHAI 8:2

Chun, ngai ta, a kuomah phâr a hung a, “Lalpa, i nuom chun i mi sukthieng thei,” tiin chibai a bûk a.

MATTHAI 8:24

Chun, ngai ta, dila chun thlipui nasatak a hung hrâng a, chuongchun, tuifâwn chun lawng chu a chîm pup pup el a; ama ruok chu a in a.

MATTHAI 9:18

Chuong thu chu an kuoma a hril lai takin, ngai ta,hotu pakhat a hung a, chibai a bûk a, “Ka naunu tu el khan a thi a; nisienlakhawm, hung la, a chungah kut innghat la dam nâwk a tih,” a ta.

LUKA 8:24

Chun, a kuomah an va fe a, an keitho a, “Inchûktirtu, Inchûktirtu, kan bohmang ding a ni hi teh,” an ta. Chun, ama chu a hung har a, thli le tuifâwn chu a hal ta a; chun, a ma a, a re ta a.