MATTHAI 8:16 - Pathien Lekhabu Inthieng (BSI)

¹⁶ Chun, khuo a hung inhnu chun, a kuomah khawhri imanhai tamtak an hung ṭhuoi a; thuin khawhrihai chu a hnawt dawk a, damnaw po po chu a sukdam bawk a:

MATTHAI 8:16 ပူးပေါင်းရင်းမြစ်များ

FESUOKNA 15:26

ama chun, “Lalpa in Pathien rawl chu nguntaka in ngai a, a mit hmua thildik chu in thaw a, a thupekhai tieng in na in sit a, a dân ziekhai chu in vawng tlat chun, Aigupta mihai chunga kân tlungtir natnahai hrim hrim kha in chungah intlungtir dêr naw ningah: Lalpa nangni sukdamtu cheu chu ka ni si a,” a ti a.

MATTHAI 12:22

Chu lai chun, mitdel ṭawngtheinaw khawhri iman pakhat a kuomah an hung ṭhuoi a; chun, ama chun a lo sukdam a, chuongchun, ṭawngtheinaw chu a hung ṭawng theiin, a hung hmu thei ta a.

MATTHAI 14:14

Chuongchun, ama chu vapanga a suok chun, mipui nasatak a hmu a; a lunginsiet bêk bêk a, an damnawhai a sukdam a,

MATTHAI 8:15

Chuongchun, a kut chu a them pêk a, a khawsik chu a bo ta a, chun, a tho a, a rawng a bâwlpêk ta a.

MATTHAI 8:33

Chun, a vâituhai chu an tlân a, khuoa chun an fe a, iengkim an hril ta a, khawhri iman chunga thil tlunghai khawm chu.

MATTHAI 9:2

Chun, ngai ta, zeng pakhat khuma zâl pumin a kuomah an hung zâwn a. Isûn an ringzie a hmuin, zeng kuoma chun, “Ka nau, lungmuongtakin um rawh; i suolhai ngaidam a ni tah,” a ta.

MARKA 2:3

Chun, mi zeng pakhat, mi palia zâwn a kuomah an hung ṭhuoi a.

MARKA 5:8

(Isu chun a kuomah, “Nang khawhri inthieng naw, mihriem sûnga hi suok rawh,” a lo ti nghâl ta a.)

MARKA 9:25

Chun, Isûn mipui an hung tlân khâwm chu a hmuin khawhri inthieng naw chu a hal a, a kuomah, “Nang thlarau ṭawng thei naw le nasêt, thu ka pêk che hi, a sûnga inthawk hung suok la, lût nâwk ta naw rawh,” a ta.

LUKA 13:12

Chun, Isûn a hmu phingleh a ko a, a kuomah, “Nuhmei, i hrât nawna chun ân thla ta che,” a ta.

LUKA 4:40

Chun, nisa tlâk ding laiin natna tum tuma na, damnaw nei taphawtin a kuomah an hung ṭhuoi a; chun, an rênga chunga chun kut ân nghat seng a, a sukdam ta pei a.

LUKA 4:41

Chun, khawhrihai khawm, “Pathien Naupa i nih,” tia khêkin, mi tamtak sûnga inthawkin an hung suok a. Chun, anni a hal a, Krista a nih ti an hriet leiin an ṭawng a phal naw a.

THILTHAWHAI 5:15

Chuongchun, mi damnawhai khawm kawtthlêrhaiah an zâwn dawk a, khumahai, puonphaahai an inzâltir a, “Peter fe malamin a hlimin a ṭhen bêk a hlie theina dingin,” an ta.