MATTHAI 8:13 - Pathien Lekhabu Inthieng (BSI)

¹³ Chun, Isûn sipai za hotu kuoma chun, “Fe ta rawh, i ring angin i chungah hung tlung raw se,” a ta. Chuongchun, naupang chu chu dâra chun a lo dam ta a.

MATTHAI 8:13 ပူးပေါင်းရင်းမြစ်များ

THUHRILTU 9:7

Fe la, i bei chu hlimin fa la, i uoin chu lungril hlimin dâwn rawh; Pathien chun i sinthawhai chu a pawm ta si a.

MATTHAI 15:28

Chu phingleh Isûn a kuomah, “Nuhmei, i ringna a nasa êm el; i dit ang takin i chungah um raw se,” a ta, a dawn a. Chuongchun, a naunu chu, chu chena chun a hung dam el ta a.

MATTHAI 17:20

Ama chun an kuomah, “In ringna tlâwm leiin. Titakzetin ka hril cheu hi, anṭam mu mal khat ang ringna in nei chun, hi tlâng kuoma hin, ‘Hitaka inthawkin saw taka sawn vân sawn rawh,’ tîng in ta, insawn el a tih; in ta dingin thaw thei naw hrim hrim iengkhawm um naw ni.

MATTHAI 8:4

Chun, Isûn a kuomah, “Tukhawm hril lo dingin fîmkhur raw aw; amiruokchu, thiempu kuomah vân entir la, Mosiein pêk dinga a ruothai kha inhlân rawh, an hriet felna dingin,” a ta.

MATTHAI 9:22

Chun, Isu a ngha a, ama chu a hmu a, “Ka naunu, lungmuongtakin um rawh, i ringna hi i dampui a nih,” a ta. Chuongchun, nuhmei chu chu dâr chena chun a hung dam ta a.

MARKA 7:29

Chun, ama chun, “I thu hril lei chun fe ta raw le; khawhri chu i naunu sûnga inthawkin a suok tah,” a ta.

MARKA 9:23

Chun, Isûn, a kuomah “ ‘I thei chun’ i ti maw? Awitu ta ding chun iengkim thaw thei a nih i sawnnaw,” a ta.

JOHAN 4:50

Isûn a kuomah, “Fe nâwk el ta rawh, i naupa chu a dam ta ie,” a ta. Ama chun Isûn a kuoma thu a hril chu a ring a, a fe ta a.