MATTHAI 7:7 - Pathien Lekhabu Inthieng (BSI)

⁷ “Hni ro, chuongchun, pêkin um in tih; zawng ro, chuongchun, hmûng in tih;

MATTHAI 7:7 ပူးပေါင်းရင်းမြစ်များ

INṬANNA 26:32

Chu ni le le chun Isak siehlawhai chu an hung a, an tuisunsuo cho chanchin an hung hril a, a kuomah, “Tui kan hmu tah,” an ti a.

1 LALHAI 3:5

Chun, Gibeon khuoa chun zânah Lalpa chu Solomon kuomah a mangah a hung inlâr a; chun, Pathienin, “Hni ta, ieng am a na ka pêk ding che?” a ta.

INPÂKNA HLABU 10:17

Lalpa, zainêmhai dit zâwng chu ngaipêk i ta; An lungril chu buotsai i ta, i na chu inngaitir bawk i tih:

INPÂKNA HLABU 10:4

Mi rilo chun chapo hmêl putin, “Iengkhawm mi ti hliek naw ni,” a ti hlak a, A ngaituona po po chu “Pathien hrim a um nawh,” ti ruok hi a nih.

INPÂKNA HLABU 119:12

Aw Lalpa, nang chu inpâk tlâk i nih ie, I thuruothai chu min chûktir rawh.

INPÂKNA HLABU 27:8

“Ka hmêl zawng ro,” ti a i hril lai khan, ka lungril chun i kuomah, “Lalpa, i hmêl zawng ka tih,” a ti a.

INPÂKNA HLABU 34:4

Lalpa chu ka zawng a, chun, ama chun a mi dawn a. Ka iṭi po poa inthawk chun a mi sanhim tah.

INPÂKNA HLABU 37:4

Lalpa chunga chun lâwm bawk la, Chuongchun, i lungril dit zâwnghai chu pêng a ti che.

INPÂKNA HLABU 50:15

Chun, lunginzîng ni chun mi ko la, Sanhim ka ti che, chuongchun, nangin i mi chawimawi ding annâwm,” a ti a.

INPÂKNA HLABU 69:32

Mi rimsihai chun chu chu an hmu a an lâwm a, Nangni Pathien zawngtuhai, in lungril chu hringin um raw se.

INPÂKNA HLABU 70:4

A zawngtu che po pohai chu nangmaa chun hlimtak le lâwmtakin um sienla, I sandamna ngainatuhai chun, “Pathien chu chawimawiin um raw se,” ti rawp raw hai se.

INPÂKNA HLABU 86:5

Lalpa, nang chu i ṭha a, ngaidam i pei a, A kotuhai che phawt kuomah zainêmna i hau si a.

THUVARHAI 8:17

A mi hmangaituhai chu ka hmangai ve a, Chun, nguntaka a mi zawngtuhai chun mi hmu suok bawk an tih.

HLAHAI HLA 3:2

“Tuhin tho ka ta, khawpui chu fang vêl ka ta, Kawtthlêrhaia le lamlienhaia chun, Ka thlain a hmangai chu zawng ka tih” ka ti a. Ama chu ka zawng a, ka hmu naw a.

ISAI 30:19

Mihai chu Jerusalema Ziona chun an um ding a ni si a; ṭap nâwk ta naw ti niu a, in khêk ria chun ama chun lunginsiet ngei ngei a ti cheu a, a hriet phingleh dawn a ti cheu.

JEREMIA 33:3

Kei mi hung ko la, lo dawn ka ti che a, thil ropui le inthup i hriet naw hai chu inentir ka ti che.

AMOS 5:4

Lalpa chun Israel chihai kuoma chun hieng ang hin a ti si a: “Mi zawng unla, hring in tih;

MATTHAI 18:19

“Titakzetin ka hril cheu hi, hnuoi chunga hin nangni laia mi pahni amanih an thil hni chunga an inthuruol chun, ka Pa vâna mi thawpêkin um an tih.

MATTHAI 21:22

Chun, iengkim ringtaka ṭawngṭaia in hni taphawt chu hmûng in tih,” a ta, a dawn a.

MATTHAI 6:33

A ram le a felna chu zawng hmasa lem ro; chuongchun, chuong po po chu a pêk sa ding cheu a nih.

MATTHAI 7:11

Chuongchun, nangni mi suol hmanin in nauhai thil ṭha pêk nachang in hriet chun, in Pa vâna mi chun a hnituhai chu thil ṭha a pêk lem hman hman naw ding am a nih?

MATTHAI 7:8

nawk ro, hawngpêkin um in tih; tukhawm a hni taphawt chun an hmu hlak; tukhawm a zawng chun an hmu hlak; tukhawm a nawk chu hawngpêk ning an tih.

MARKA 11:24

Chuleichun, ka ti cheu hi, iengkim ṭawngṭaia in hni taphawt chu, hmusain inngai unla, chuongchun, hmûng in tih.

LUKA 13:25

In neitu chu a tho a, kawt a khâr hnung chun, nangnîn tuola ngîrin, ‘Lalpa, kawt mi hawngpêk rawh,’ tia kawtkhâr in hung nawk pha, ama chun, ‘Khâwtieng mi am in na, ka hriet naw cheu,’ tiin dawn a ti cheu.

LUKA 18:1

Chun, beidawng lovin an ṭawngṭai rawp ding a nih ti, inhriettirna dingin an kuomah tekhithu a hril a;

JOHAN 15:16

Nangnîn in mi thlang naw a, keiin ka thlang lem cheu a nih. Fea, ra insuo ding le in ra chu um zing dingin ka ruot cheu a nih, ka hminga Pa kuoma in hni taphawt a pêk theina ding cheuin.

JOHAN 15:7

Nangni keimaa in um zing a, ka thu nangnia a um zing chun, in dit dit hni ro, in ta dingin thawin um pei a tih.

JOHAN 4:10

Chun, Isûn a dawn a, a kuomah, “Pathien thilpêk le, ‘Dâwn ding mi pe rawh,’ i kuoma titu hi hre la chu nangin a kuomah i hni lem ding a nih; chun, ama chun tui hring a pêk ding che a nih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:7

thil ṭha thaw fan fana, ropuina le chawimawina le bohmang thei nawna zawngtuhai kuoma chun kumkhuoa hringna pêng a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:11

Tûkhawm a hre thiem hrim an um nawh, Tûkhawm Pathien zawng hrim an um nawh.

HEBRAIHAI 11:6

Nisienlakhawm, ringna naw chun ama lâwm zâwng mi ni ruol a ni nawh; Pathien kuoma hung chun ama chu a um ti le, a zawngtuhai kuomah lâwmman pe hmang a nih, ti ring ding a nih.

JAKOB 5:15

Chun, ringnaa ṭawngṭaina chun damnaw chu sukdam a ta, Lalpa chun ama chu keitho a tih; chun, thil a lo suksuol ta chun, ngaidampêk nîng a tih.

1 JOHAN 3:22

chuongchun, a thupêkhai ei zâwm a, a mithmuah thil lâwmum ei thaw hlak leiin, ei hni taphawt a kuoma inthawkin ei hmu pei hlak a nih.