MATTHAI 7:22 - Pathien Lekhabu Inthieng (BSI)

²² Chu nia chun mi tamtakin, ‘Lalpa, Lalpa, i hmingin thu kan hrilin, i hmingin khawhri dâm kan hnawtdawkin, i hmingin thilmak tamtak kan thaw hlak a ni naw am a nih?’ la tîng an tih.

MATTHAI 7:22 ပူးပေါင်းရင်းမြစ်များ

ISAI 2:11

Mihriem inditnahai chu suktlâwmin um a ta, mihai chapona chu sukhnuoiin um a tih; chu nia chun Lalpa chau chu chawisângin um a tih.

ISAI 2:17

Mihriem inditnahai chu sukhnuoiin um a ta, mihai chapona chu suktlâwmin um bawk a tih; chu nia chun Lalpa chau chu chawisângin um a tih.

NAMBAR 24:4

Pathien thuhai hrea, Iengkimthawthei inlârna hmu a, Tlu bawkhupa mit hung var ta chun:

NAMBAR 31:8

An mi thathai laia chun Midian mihai lalhai khawm an ṭhang ve a; Midian mihai lal panga Evi, Rekem, Zur, Hur le Reba hai, Beor naupa Balaam khawm kâwlhnâmin an that a.

MATTHAI 10:15

Titakzetin ka hril cheu hi, ngaituo nia chun chu khuohai nêk chun Sodom le Gomorra ram tuor ding chu a dân um lem a tih.

MATTHAI 24:36

“Nisienlakhawm, chu ni le a phâ thu chu Pa chau naw chun, tukhawmin, vâna vântirkohai khawmin, Naupa khawmin an hriet nawh.

MATTHAI 25:11

Chu hnunga chun, nunghâk inthieng danghai khawm chu an hung tlung a, ‘Pu, pu, mi hawngpêk rawh,’ an ta.

MATTHAI 7:21

“ ‘Lalpa, Lalpa,’ a mi ti nazawng chu vân ramah lût naw ni hai, ka Pa vâna mi dit zâwng thawtuhai ruok chu lût an tih.

LUKA 10:12

Ka ti cheu hi, chu nia chun chu khuohai tuor nêk chun Sodom khaw tuor ding chu a zie um lem a tih.

JOHAN 11:51

(Chu thu chu ama phuokfâwmin a hril nawh, chu kum chun Thiempu Laltak a na, an chihai nêka Isu a thi ding thu a hril lâwk a ni lem.

1 THESSALONIKA 5:4

Nisienlakhawm, unauhai, nangni ruok chu, chu Ni chun inru anga a nangna ding cheuin inthimah in um nawh.

2 THESSALONIKA 1:10

chu ni, a mi inthienghaia chun chawimawia um ding le, ringtuhai po poa chun (kan thu inhriettir cheu kha in awi si a) makti dinga a hung nia chun.

2 TIMOTHE 1:12

Chu lei chun a nih hieng thilhai khawm hi ka tuor chu, nisienlakhawm, kân zak nawh, ka iâwi chu ka hriet a, a kuoma ka înkawltir chu chû nia ding chun a vawng ṭha thei ti indiktakin ka hriet bawk a.

2 TIMOTHE 1:18

(Chu nia chun Lalpa kuomah zângaina hmu dingin Lalpa chun ruot raw se) Ephesia rawng a bâwl nasat zie kha i hriet ta bawk a nih.

2 TIMOTHE 4:8

Tuhin chu felna lallukhum chu ka ta dingin siein a um ta a, chu chu Lalpa, ngaituotu feltak chun chu nia chun mi pêng a tih; ka kuoma chau ni lovin, a hung inlang nâwkna ngaituhai po kuoma khawm.