MATTHAI 7:15 - Pathien Lekhabu Inthieng (BSI)

¹⁵ “Zâwlnei tehlêmhai lai chun fîmkhur ro; chuonghai chu berâm vun silin in kuomah an hung hlak a; an sûng tienga ruok chu satene hnukinrâwltakhai an ni si a.

MATTHAI 7:15 ပူးပေါင်းရင်းမြစ်များ

1 LALHAI 13:18

Chun, ama chun a kuomah, “Kei khawm nanga ang bawka zâwlnei ka ni annâwm, vântirkoin, Lalpa thuin, ‘Bei dâm fa a, tui dâm dâwn dingin i in tieng ṭhuoikîr nâwk raw khai,’ tiin a mi biek i sawnnaw,” a ta. Nisienlakhawm, a kuoma chun khêl a hril a nih.

JEREMIA 29:21

Ka hminga in kuoma thukhêl hriltu Maaseia naupa Zedekia chung thua le, Kolaia naupa Ahab chungthua chun Israel Pathien, sipaihai Lalpa chun hieng hin a tih: Ngai ta u, anni chu Babulon lal Nebukadnezzar kuta chun pe suok ka ta, ama chun in mithmuah anni chu that a tih;

JEREMIA 29:32

Lalpa chun hieng hin a tih: Ngai ta u, Nehelam mi Semaia le a thlahai chu hrem ka ta; hi hnam laia chêng ding hi mi nei naw ni a, ka mihai laia thil ṭha ka thaw khawm chu hmu bawk naw ni, Lalpa chun a tih: Lalpa chunga helna thu a lo hril ta leiin,” tiin.

EZEKIEL 13:16

Zâwlneihai Jerusalem chungthu hrillâwktu le inremna um silo inremna dinga thilhmulâwk hmuhai chunga chun, Lalpa Pathien chun a tih.

EZEKIEL 13:22

Mi fel lungril ka suklungngai naw chu thukhêla in suklungzîng tâk leiin mi rilo kuthai khawm in lo sukhrât ta a, a lampui rilova inthawka a kîr nâwk nawna dingin hringna thu in tiem a;

EZEKIEL 22:25

Sakeibaknei inrûmin a sa fâk ding ân rûm khum angin, a sûnga chun a zâwlneihai chu phierrûkna a um a; mi tin hringin an fâk zo a, thil hluhai le thil rohai chu an lâk a, a sûnga chun hmeithai tamtak an siem a.

EZEKIEL 22:27

A sûnga a lalhai chu satene an sa fâk ding innghir khumhai ang chu an na; thisen insuoa, mi hring sukbohmanga hlâwkna indik lo an hmuna dingin.

DANIEL 11:34

An tlûk pha chun, anni chu ṭhangpuina tlâwmtêa ṭhangpui nîng an ta; nisienlakhawm, mi tamtak chun anni chu simbudawiin hung zâwm an tih.

MIKA 3:11

Chutaka hotuhai chun lâwmman beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “Lalpa chu eini lai a um naw am a nih? Thil ṭha naw ei chungah hung tlung naw nih,” tiin Lalpa chungah an innghat a nih.

ZEKARIA 13:4

Chun, chuong ni chun hieng hi hung nîng a ta, thu a hrillâwk lai chun, zâwlnei po pohai, mi tin el chun mâni thilhmulâwk chu inzâpui an ta; hlêm dingin puon inhmul sil naw bawk an tih;

MATTHAI 10:17

Nisienlakhawm, mihriem lai chun fimkhur ro, rorêltuhai an inmantir ding cheu a ni si a, inkhâwmna inahai vuong an ti cheu a;

MATTHAI 16:11

Bei thu in kuomah ka hril nawh ti iengtiziea in hriet naw am a na? Pharisaihai le Saddukaihai chawla inthawk ruok chun fîmkhur ro,” a ta.

MATTHAI 16:6

Isûn an kuomah, “Pharisaihai le Saddukaihai chawla inthawk chun invêng unla, fîmkhur ro,” a ta.

MATTHAI 24:11

Zâwlnei tehlêm tamtak khawm hung suok an ta, mi tamtak hlêm an tih.

MATTHAI 7:14

Hringnaa fena kawtkhâr chu a chîn a, a lampui khawm ân têp bawk a, a hmutuhai khawm tlâwmte an nih.

LUKA 12:15

Chun, an kuomah, “Fimkhur unla, inhnarna hrim hrima inthawk chun invêng ro, sum hau hi mihriem dam san a ni nawh,” a ta.

LUKA 6:26

“Mi po poin an inpâk pha cheu in chung la rik a tih; chuong ang bawkin an thlatuhaiin zâwlnei tehlêmhai chungah an thaw hlak kha.

JOHAN 10:12

Inhlawfa, berâm vêngtu tak ni lova, berâmhai a ta ni lo chun satene hung a hmu chun berâmhai a tlânsan hlak; chun, satene chun berâmhai a se a, a sukdar hlak;

THILTHAWHAI 13:40

Chuleiin, fîmkhur ro, chuong naw chun, zâwlneihai lekhabua an hril kha in chungah hung tlung a tih,

THILTHAWHAI 13:6

Chun, thlierkâr chu Paphos chenin an fang suok a, dawithiem zâwlnei tehlêm, Juda mi pakhat an hmu a, a hming chu Bar-Isu a nih.

GALATI 2:4

unau tehlêm, inrûka an iṭhuoi lûthaiin tan luipêk ding tihai sien khawm; chuonghai chun suoka an mi sie theina dingin Krista Isua chun zalênna kan nei hi enthlit dingin arûkin an lût a.

EPHESI 4:14

Chuongchun, indiknawna zâwrna angin, var vervêka mihriem hlêm fâwmin, inchûktirna thli tinrênga khing tieng khing tienga vawr le lên lên naupang ni ta nâwm ei ni a,

EPHESI 5:6

Tûkhawmin thu teplo mei meiin hlêm naw raw se cheu, chuong thil lei chun Pathien lunginsenna chu ringnaw nauhai chungah a tlung hlak si a.

PHILIPPI 3:2

Uihai laia chun fîmkhur ro, thil ṭha naw thawtuhai laia chun fîmkhur ro, mâni taksa sukrimsi hlakhai laia chun fîmkhur ro.

KOLOSSA 2:8

Fimkhur ro, chuong naw chun, tûkhawmin Krista thu ang ni lovin, mihriem thurosie le khawvêl A AW B ang lemin an thu var le hlêmna mei meiin râl lâkin la rawi an ti cheu.

2 TIMOTHE 3:13

Mi suol le hlêmtuhai ruok chu mihai hlêmin le hlêma umin suol zuol deu deu an tih.

2 TIMOTHE 4:3

Inchûktirna indik an ngai pei naw hun a la tlung ding a ni si a; an nahai ân za leiin anni dit zâwng angin inchûktirtuhai an kuomah inkhâwm lem an tih.

2 PETER 3:17

Chuongchun, dittakhai, nangnîn chuong thu chu in lo hriet lâwk leiin fîmkhur ro, chuong naw chun, mi suolhai indik nawnaa ṭhuoi hmanga umin, in det ṭhat lai tlu rawi in tih.

1 JOHAN 4:1

Dittakhai, thlarau nazawng chu ring naw ro, amiruokchu, thlarauhai chu Pathiena inthawk an ni le ni naw infie ro; thuhriltu tehlêm tamtak khawvêlah an hung suok ta leiin.

JUDA 1:4

Mi tuhai amanih arûka lût an um si a; chuonghai chu Pathien ngaisak naw mihai an na, Pathien lunginsietna chu hurnaah an inchangtir a, ei hotu le ei Lalpa neisun Isu Krista chu, an awi naw bawk a. Chuong ang mihai thiemnaw chang ding zie chu tienlaia inthawk tah ziek a nih.

THUPUONGSUO 16:13

Chun, dragon baua inthawk le Sahrâng baua inthawk le, zâwlnei tehlêm baua inthawk chun thlarau inthiengnaw pathum u ni âwmtak, hung suok ka hmu a.

THUPUONGSUO 17:6

Chun, chu nuhmei chu mi inthienghai thisen le Isu martarhai thisena inruiin ka hmu a. Ka hmu phingleh mak ka ti bêk bêk a.

THUPUONGSUO 19:20

Chun, Sahrâng chu an man a, zâwlnei tehlêm-Sahrâng inchikna nei le a lim chibai bûktuhai a hlêmna hlak thilmak a mithmua thawtu kha-an man sa a. An pahni chun kâta kâng mei dîla chun a hringin an pei a.

THUPUONGSUO 20:10

Chun, anni hlêmtu, Diebol chu Sahrâng le zâwlnei tehlêm umna, mei le kât dîla chun an pei ta a; chuongchun, chatuonin a sûn a zâna sawisakin um an tih.