MATTHAI 6:5 - Pathien Lekhabu Inthieng (BSI)

⁵ “Chun, in ṭawngṭaiin, mi vervêkhai angin in thaw ding a ni nawh, mîn an hmu theina dingin, inkhâwmna inahai, kawtthlêr ṭhuom laitakahai ngir puma ṭawngṭai an ngaina si a. Titakzetin ka hril cheu, an lâwmman chu an hmu zo tah.

MATTHAI 6:5 ပူးပေါင်းရင်းမြစ်များ

INPÂKNA HLABU 5:2

Ka Lal le ka Pathien, ka khêkri hi lo ngai la, I kuoma ṭawngṭâi ka ni si a.

INPÂKNA HLABU 55:17

Zântieng dâm, zîngkâr dâm, sûna dâm ka lunginzîngna thu hrilin inrûm ka ta: Chuongchun, ama chun ka râwl lo ngai a tih.

THUVARHAI 15:8

Mi khawhlo inthawina chu Lalpa ta dingin tirdakum a na, Mi tluong ṭawngṭâina ruok chu a lâwm zâwng a nih.

THUVARHAI 16:5

Lungrila chapo taphawt chu Lalpa ta dingin tirdakum a nih, Ama chu hrem naw ni naw nih.

ISAI 1:15

Chuongchun, in kut in phar pha khawm in tienga chun ka hmai hip tâng ka ta, anih, vawi tamtak in ṭawngṭai hnung khawmin ngai ta naw ningah; in kuthai chu thisenin a sip si a.

JEREMIA 29:12

Chun, kei chu mi hung ko in ta, fêng in ta, ka kuoma chun ṭawngṭai in ta, chun, kei khawma lo ngai ka ti cheu.

DANIEL 6:10

Daniel chun chu lekhazieka chun hming ziek a ni tah ti a hriet phingleh a inah a fe ta a; (a pindana a tukverhai chu Jerusalem khuo tienga hawng zing a na) chun, a khûpin ni khatah vawi thum pei a dingṭhaṭhuon a, a Pathien hmaa chun, a hmaa a lo thaw rawp tah angin a ṭawngṭai a, lâwmthu a hril ta a.

MATTHAI 21:22

Chun, iengkim ringtaka ṭawngṭaia in hni taphawt chu hmûng in tih,” a ta, a dawn a.

MATTHAI 23:13

“Nisienlakhawm, nangni Dân inchûktirtu le Pharisai vervêkhai, in chung a rik; vân ram lampui chu mihai in khâr pêk si a; nangni hlak in lût si naw a, mi a lût dinghai khawm in inlûttir phal ngai si naw a.

MATTHAI 23:5

An thilthaw po po chun mihriem hmu dingin a nih an thaw lem hlak; an iengkhat bunhai le khumhai chu an suklien a, an puon hmawrkai an sukbuk hlak a;

MATTHAI 23:6

ruoiṭhenaah hmun ṭhatakhai, inkhâwmna inah ṭhungpha ṭhatakhai,

MATTHAI 6:1

“In thil ṭha thawhai chu mihriem hmaa, an ihmu dinga thaw lo dingin fimkhur ro; chuong naw chun in Pa vâna mi kuomah lâwmman nei naw ti niu.

MATTHAI 6:16

“Bu in nghei pha khawmin, mi vervêkhai angin ngui hmêl put naw ro; anni chun mi mithmua bungheia an inlang theina dingin an hmêl an sukpawr hlak si a. Titakzetin ka hril cheu hi, an lâwmman chu an hmu zo tah.

MATTHAI 6:2

Chuongchun, mi kuoma thil i pêkin, mi vervêkhaiin mi inpâk an hlaw theina dinga, inkhâwmna inhaia le, kawtthlêrhaia an thaw hlak angin, i hmaah tawtawrâwt inmûttir naw.

MATTHAI 9:38

Chuleiin, a bu sîk dinga sinthawtu dinghai tir dingin bu Neitupa kuoma chun ngên ro,” a ta.

MARKA 11:25

Chun, ṭawngṭai dinga in ngîr pha po leh tu chunga khawm thupawi ieng am a nih in nei chun ngaidam ro; vâna in Pa khawmin in bawsietnahai chu a ngaidam theina ding cheu in.

MARKA 12:38

Chun, a închûktirnaa chun, “Dân inchûktirtuhai lai hin fimkhur ro, anni chun zakuo fuol hâka lêng an nuom hlak a, dâwr hmuna chibai bûk dâm,

LUKA 11:43

Nangni Pharisaihai in chung a rik ie! Inkhâwmna ina ṭhungpha ṭhatak le dâwrhmuna chibai bûkhai in ngaina si hlak a.

LUKA 18:1

Chun, beidawng lovin an ṭawngṭai rawp ding a nih ti, inhriettirna dingin an kuomah tekhithu a hril a;

LUKA 18:13

Siedâwltu ruok chu hlatakah a ngîr a, vân tieng khawm a dâk ngam naw a, ‘Pathien, kei mi suol hi mi lunginsiet rawh,’ tiin a âwm ân chum ân chum ta lem a.

LUKA 20:47

hmeithai sum an fâk a, tlâng hlêmna dingin sâwt tak an ṭawngṭai hlak; chuonghai chun thiemnaw chang nasa zuol an tih,” a ta.

LUKA 6:24

“Amiruokchu, nangni mi hausahai, in chung a rik ie; in thlamuongna in hmu ta si a.

JOHAN 16:24

Tu chen hin keia hmingin iengkhawm in la hni nawh; hni ro, chuongchun hmûng in tih, in lâwm a kimna dingin.

EPHESI 6:18

ieng huna khawm Thlaraua ṭawngṭaiin, chu kawnga chun mi inthieng po pohai ta dingin ṭhahnemngai tak le hni tlatin ngaiven ro:

1 THESSALONIKA 5:17

ma lovin ṭawngṭai unla,

JAKOB 4:6

Nisienlakhawm, lunginsietna tam nâwkzuol a pêk hlak; chuleiin, Pathien Lekha Thuin, “Pathienin mi chapohai a kal a, inngaitlâwmhai ruok chu lunginsietna a pêk hlak,” a ti a nih.