MATTHAI 6:3 - Pathien Lekhabu Inthieng (BSI)

³ Titakzetin ka hril cheu, an lâwmman chu an hmu zo tah. Nang ruok chun mi kuoma thil i pêkin, i kut changtiengin a thaw chu i kut vawitiengin hre naw raw se; i thilpêk chu a rûk a ni theina dingin;

MATTHAI 6:3 ပူးပေါင်းရင်းမြစ်များ

MATTHAI 12:19

Sêl naw ni a, khêk bawk naw ni a; Kawtthlêrhaia khawm tukhawmin a râwl hre bawk naw ni hai.

MATTHAI 6:2

Chuongchun, mi kuoma thil i pêkin, mi vervêkhaiin mi inpâk an hlaw theina dinga, inkhâwmna inhaia le, kawtthlêrhaia an thaw hlak angin, i hmaah tawtawrâwt inmûttir naw.

MATTHAI 6:4

chuongchun, i Pa a rûka hmutu che chun thung a ti che.

MATTHAI 8:4

Chun, Isûn a kuomah, “Tukhawm hril lo dingin fîmkhur raw aw; amiruokchu, thiempu kuomah vân entir la, Mosiein pêk dinga a ruothai kha inhlân rawh, an hriet felna dingin,” a ta.

MATTHAI 9:30

Chuongchun, an mit chu a hung var ta a. Chun, Isûn an kuomah, “Tukhawm ihriet naw dingin fimkhur ro,” a ti tlat a.

MARKA 1:44

a kuomah, “Tu kuoma khawm iengkhawm va hril dêr naw raw kha; nisienlakhawm, thiempu kuomah vân entir la, an hriet fel theina dingin Mosie thil ruothai kha i înthienna dingin vân hlân rawh,” a ta.

JOHAN 7:4

Tûkhawmin mâni hming inthang nuom siin arûkin thil iengkhawm an thaw nawh. Hieng thilhai hi i thaw tak zet chun, khawvêl kâwlah inentir rawh,” an ta.