MATTHAI 6:28 - Pathien Lekhabu Inthieng (BSI)

²⁸ Chun, silfên thuah iengdinga in lungkham am a na? Ram tûktinpâr inṭhangzie hi ṭha takin ngaituo ro; sin an thaw nawh, pat khawm an kher bawk nawh;

MATTHAI 6:28 ပူးပေါင်းရင်းမြစ်များ

HOSEA 14:5

Israel kuoma chun daidaw ang nîng ka ta, Ama chu lili angin hung vul a ta, Lebanon tlânga thing zung angin a zung thlâk dar a tih.

MATTHAI 10:10

Inzinna dingin mansa amanih, zakuo pahni amanih, kekawkhai amanih, hmawlhai amani khawm chawi naw ro; sinthawtu chu a fâk ding hmu tlâk a ni si a.

MATTHAI 6:25

“Chuleichun, ka hril cheu hi, ‘Ieng am dâwnin ieng am fa tâng ka ta?’ tiin, in hringna thu le, ‘Ieng am silin bil ka ta aw?’ tiin, in taksa thu lungkham naw ro. Fâkding nêkin hringna a hlu lem a ni naw am a nih? Silfên nêkin taksa khawm a hlu lem a ni naw am a nih?

MATTHAI 6:27

Chun, nangni lai tuin am lung- kham leiin mâni dung tieng tawng khata suksâng chuong thei cheu?

MATTHAI 6:31

Chuongchun, ‘Ieng am fâng ei ta?’ ‘Ieng am dâwn ei ta?’ amanih, ‘Ieng silin am um ei ta?’ ti amanih, lungkham naw ro. Jentailhaiin chuong po po chu an zawng hlak a nih.

LUKA 10:41

Chun, Lalpain, “Martha, Martha, thil tamtak i ngaituoa i buoi a ni hi,

LUKA 12:11

“Chun, inkhâwmna ina mihai, lalhai, hotuhai hmaa an ṭhuoi pha cheu chun, ‘Iengtin am, ieng thuin am dawn ka ta, ieng thu am hril ka ta,’ tiin lungkham naw ro,

LUKA 12:22

Chun, a inchûktirhai kuomah, “Chuleiin, ka hril cheu hi, ‘Ieng am fâng ka ta aw?’ tiin in hringna thu le, ‘Ieng am silin bil ka ta aw?’ tiin in taksa thu lungkham naw ro.

LUKA 12:27

“Tûktinpâr inṭhangzie hi ngaituo ro; sin an thaw nawh, pat khawm an kher ngai nawh; nisienlakhawm, ka hril cheu hi, Solomon meu khawm a ropuina po poa ân thuom khan, hieng tûktinpâr pakhat tluk khawm hin cheiin a um nawh.

LUKA 3:11

Ama chun an kuomah, “Tukhawm zakuo pahni nei chun a nei naw kuomah pe raw se; tukhawm fâk nei chun chuong ang bawkin thaw raw se,” a ta, a dawn a.

PHILIPPI 4:6

Iengkimah ṭawngṭaina le hninain, lâwmthu hrilsa peiin in dithai chu Pathien kuomah inhriettirin um lem raw se.

1 PETER 5:7

amain a ngaisak hlak cheu leiin in lunginzîngna po po ama chungah innghat vawng ro.