MATTHAI 6:25 - Pathien Lekhabu Inthieng (BSI)

²⁵ “Chuleichun, ka hril cheu hi, ‘Ieng am dâwnin ieng am fa tâng ka ta?’ tiin, in hringna thu le, ‘Ieng am silin bil ka ta aw?’ tiin, in taksa thu lungkham naw ro. Fâkding nêkin hringna a hlu lem a ni naw am a nih? Silfên nêkin taksa khawm a hlu lem a ni naw am a nih?

MATTHAI 6:25 ပူးပေါင်းရင်းမြစ်များ

INPÂKNA HLABU 55:22

I rikphur chu Lalpa chunga innghat la; chuongchun, amain sukhrât a che, Mi fel chu iengtika khawm sukhnîng phal naw nih.

JEREMIA 45:5

Chun, nang chun i ta dingin thil ropuihai chu i zawng a ni maw? Zawng naw rawh, ngai ta, mihriem po po chungah thil ṭhanaw ka hung intlungtir ding a ni si a, Lalpa chun a tih; chun, i hringna ruok chu i fena tieng tiengah sanhim ka ti che,” tiin.

MATTHAI 10:19

Nisienlakhawm, an inmantir pha cheu khawm, ‘Iengtin am, ieng thu am ka hril ding?’ tiin lungkham naw ro; in hril ding chu a hun taka chun ân hriettir ding cheu a ni si a.

MATTHAI 13:22

Chun, hlohlingnei laia the chu, thu hretu a na; nisienlakhawm, khawvêl lungkhamna le hausakna hlêmna chun thu chu a dîp a, ra lovin a um hlak.

MATTHAI 6:31

Chuongchun, ‘Ieng am fâng ei ta?’ ‘Ieng am dâwn ei ta?’ amanih, ‘Ieng silin am um ei ta?’ ti amanih, lungkham naw ro. Jentailhaiin chuong po po chu an zawng hlak a nih.

MATTHAI 6:34

Chuongchun, a zînga dingin lungkham naw ro, a zîng chun ama ding chu a lungkham fâwm ding a ni si a. Ni khat dingin ni khat rimsik a hun a nih.

MARKA 13:11

Chun, an ṭhuoi cheua an inmantir phâ cheu chun, ‘Ieng am ka hril ding a na?’ tiin ngaituo lâwk naw ro, a hun taka inhriettira in um chu, chu ngei chu hril lem ro; a hriltu chu nangni in ni âwm si naw a. Thlarau Inthieng ni lem a tih.

MARKA 4:19

nisienlakhawm, khawvêl lungkhamnahai, hausakna hlêmnahai, thil dang châknahai chu a hung lût a, thu chu a dîp a, ra lovin a lo um hlak.

LUKA 12:11

“Chun, inkhâwmna ina mihai, lalhai, hotuhai hmaa an ṭhuoi pha cheu chun, ‘Iengtin am, ieng thuin am dawn ka ta, ieng thu am hril ka ta,’ tiin lungkham naw ro,

LUKA 8:14

Chun, hlohlingnei laia tla chu hieng mi hi an nih; thu an hriet hnunga an fe pei laiin dam sûng khawsak lungkhamnahai, inhawitirnahai, hausaknahai chun a dîp a, an ra puitling ngainaw a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:32

Ama naupa ngei khawm hla lova, ei rênga aia petu chun, thil dang po po khawm a thlâwnin a mi pêk sa naw ding am a nih?

1 KORINTH 7:32

Nisienlakhawm, lungkham nei lova in um ka nuom pêk cheu a nih, nuhmei neinaw chun Lalpa suklâwm theina ding zie ngaituoin Lalpa tieng thil chu a lungkham hlak.

PHILIPPI 4:6

Iengkimah ṭawngṭaina le hninain, lâwmthu hrilsa peiin in dithai chu Pathien kuomah inhriettirin um lem raw se.

2 TIMOTHE 2:4

Sipaia um dinga thlangtu chu a suklâwm theina dingin, sipai tûkhawm indo laiin hi dam sûng khawsakna hin ân sukhnawk ngai naw a.

1 PETER 5:7

amain a ngaisak hlak cheu leiin in lunginzîngna po po ama chungah innghat vawng ro.