MATTHAI 6:23 - Pathien Lekhabu Inthieng (BSI)

²³ I mit a se ruok chun i taksa a rêngin inthim vawng a tih. Chuongchun, i sûnga var chu inthim ni sien chu, inthim chu a va nasa awm ngei de!

MATTHAI 6:23 ပူးပေါင်းရင်းမြစ်များ

THUVARHAI 26:12

Mi ama ngaidân chaua var chu i hmu hlak am? Ama nêk chun mi invêta chun beiseina lien lem a um.

ISAI 8:20

Dân thu le Inhriettirna Thu chu râwn lem ding a nih,” tiin. Chuong ang thu ang peia an hril naw chun an ta dingin khuo hrim hrim var dêr naw nih.

JEREMIA 4:22

“Ka mihai an invêt a, an mi hriet si naw a; naupang invêttak ang, hrietthiemna hrim khawm an nei naw, thil ṭha naw thaw dingin an var a, thil ṭha thaw ding ruok chun hrietna an nei nawh.”

MATTHAI 20:15

Ka ta nâknâk chu ka nuom ang anga ka thaw a thieng naw am a nih? Annawleh, kei ka ṭhat leiin nangin i thîk am a nih?’ tîn a dawn a.

MATTHAI 6:22

“Taksa khâwnvar chu mit hi a nih; i mit a var chun i taksa a rêngin var suok a tih.

MARKA 7:22

inhnarna dâm, suolna dâm, hlêmna dâm, hurna dâm, îtsîkna dâm, hrilsietna dâm, chapona dâm le invêtna dâm hi;

LUKA 11:34

“I taksa khâwnvar chu i mit a nih, i mit a var chun i taksa khawm apumin a var suok hlak; a se ruok chun i taksa khawm ân thim zo vawng hlak.

LUKA 8:10

Ama chun, “Pathien ram thurûk chu nangni ihriet chu phal a na, mi dang kuoma ruok chu tekhithu chaua hril a nih; hmu hai sienla khawm, hmu naw an ni theina dingin, nain hrehai sienla khawm a ngaina an hriet thei nawna dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:22

Vara inngaiin invêt an lo ni ta a,

1 KORINTH 2:14

Khawvêl mi chun Pathien Thlarau thil chu a lâwm ngai nawh, ama ngaia chun invêtthlâk a ni si a; Thlaraua hriet chieng a ni leiin a hriet thei naw hrim a nih.

EPHESI 4:18

hrietnawna anniah a um, chu hrietnawna lei chun Pathien hringnaa inthawka ṭhea hung umin, an hrietnaa chun an hung inthim a nih; an lungril a ngawng leiin,

EPHESI 5:8

Inhma khan inthim in na, tu ruok hin chu Lalpaa chun var in hung ni ta hi, var nauhai angin um ro,

1 JOHAN 2:11

Mâni unau theidatu ruok chu inthimah a um a, inthimah ân vâk bawk a nih; inthimin a mit a sukdel ta leiin a fena khawm a hriet ngai nawh.