MATTHAI 6:2 - Pathien Lekhabu Inthieng (BSI)

² Chuongchun, mi kuoma thil i pêkin, mi vervêkhaiin mi inpâk an hlaw theina dinga, inkhâwmna inhaia le, kawtthlêrhaia an thaw hlak angin, i hmaah tawtawrâwt inmûttir naw.

MATTHAI 6:2 ပူးပေါင်းရင်းမြစ်များ

INPÂKNA HLABU 112:9

A semdar a, pasiehai kuomah a pêk a, A felna chu kumkhuoa um ding a nih; A ki chawimawinaa chawimawiin um a tih.

INPÂKNA HLABU 37:21

Mi rilo chun a pûk a, a pêk nâwk ngai naw a, Mi fel ruok chun mi a lunginsiet a, a pêk lem hlak.

THUVARHAI 19:17

Mi pasie lunginsiettu chun Lalpa ân pûktir a na, A thil thaw ṭha chu ama chun pe nâwk a tih.

THUVARHAI 20:6

Mi tamtak chun mâni ṭhatna hril seng an ta, Mi ringum ruok chu tuin am hmu suok thei a ta?

THUHRILTU 11:2

Chan chu hmun sariah sem lem la, anih, hmun rieta khawm; Hnuoi chunga hin thil ṭha naw ieng am a hung ding ti i hriet si naw a.

ISAI 10:6

Râllâk la ding le, thil lâkpêk la ding le kawtthlêr chirhak anga sir dingin ama chu Pathien inza naw hnam do dingin tir ka ta, ka lunginsenna mihai chu thaw dingin thu pêng ka tih.

ISAI 58:7

Mâni bu mi phîngṭâmhai kuoma sem le, rimsi hnawtsuoka umhai mâni ina ṭhuoi hi ni lem lo am a nih? Mi saruok hmua puona dêng le, mâni tisa ang put mihaia inthawka inbîkhmang naw hi ni lem lo am a nih?

ISAI 9:17

Chuleiin, Lalpa chu an tlangvâlhai chungah lâwm naw ni a, an naufahrahai le hmeithaihai chu lunginsiet bawk naw nih; an rêngin Pathien inzâ naw mi le thil ṭha naw thawtu an ni vawng a, bau po po chun thu teplo a hril seng si a. Chuong ang lâwma a thaw khawm chun a lunginsen chu a la bo chuong si naw a, a kut chu a lân let ta rawp a.

HOSEA 8:1

Tawtawrâwt chu i hmûrah inbûk rawh; Lalpa sûnghai chungah mupui angin a hung ie; Ka thuthlung an bawsiet a, Ka dân an helsan leiin.

MATTHAI 15:7

Vervêkhai Isai hin in chungchâng thu a lo hrillâwk indik ngei el:

MATTHAI 16:3

Chun, a zîngkâr chun, ‘Vawisûn chu khuo a se ding nîng a tih, kâwl a sen a, vân ân nîm êm el,’ in ti hlak a. Vân umzie in hrietthiem thei si a, nisienlakhawm, hun inchiknahai hi in hriet fie thei si naw a.

MATTHAI 22:18

Nisienlakhawm, Isûn an suolzie chu a lo hriet a, “Vervêkhai, ieng dinga in mi fie?

MATTHAI 23:5

An thilthaw po po chun mihriem hmu dingin a nih an thaw lem hlak; an iengkhat bunhai le khumhai chu an suklien a, an puon hmawrkai an sukbuk hlak a;

MATTHAI 23:6

ruoiṭhenaah hmun ṭhatakhai, inkhâwmna inah ṭhungpha ṭhatakhai,

MATTHAI 24:51

tum hni hung insuong a ta, mi vervêkhai chan ang hung inchangtir a tih; chutaka chun ṭap le harâwt chu um a tih.

MATTHAI 5:18

Titakzetin ka hril cheu hi, hnuoi le vân hi a bo hmakhat chun Dân thua sunhâng chite amanih, thaihâng chite amanih, pakhat khawm, bo naw tawp a tih, a rênga a tlung kim hmakhat chun.

MATTHAI 6:16

“Bu in nghei pha khawmin, mi vervêkhai angin ngui hmêl put naw ro; anni chun mi mithmua bungheia an inlang theina dingin an hmêl an sukpawr hlak si a. Titakzetin ka hril cheu hi, an lâwmman chu an hmu zo tah.

MATTHAI 6:3

Titakzetin ka hril cheu, an lâwmman chu an hmu zo tah. Nang ruok chun mi kuoma thil i pêkin, i kut changtiengin a thaw chu i kut vawitiengin hre naw raw se; i thilpêk chu a rûk a ni theina dingin;

MATTHAI 6:5

“Chun, in ṭawngṭaiin, mi vervêkhai angin in thaw ding a ni nawh, mîn an hmu theina dingin, inkhâwmna inahai, kawtthlêr ṭhuom laitakahai ngir puma ṭawngṭai an ngaina si a. Titakzetin ka hril cheu, an lâwmman chu an hmu zo tah.

MATTHAI 7:5

Mi vervêk! I mita inthawkin tlungpûm kha la suok hmasa rawh; chuongchun, i unau mita inthawka hmawl hlek lâk suok ding chu feltakin hmu thei i tih.

MARKA 12:39

inkhâwmna ina ṭhungpha ṭhatak dâm, thlaithlêng awtnaa dâm hmun ṭhatak an ngiet hlak a.

MARKA 7:6

Ama chun an kuomah, “Isai hin nangni mi vervêkhai thu a lo hrillâwk dik zet el ‘Hi hai rawi hin an bauin an mîn pâk a, An lungril ruok chun an mi hlat si a.

LUKA 11:41

Nisienlakhawm, a sûnga thil um chu mi rimsihai kuoma pêk dingin hmang ro; chuongchun, ngai ro, in ta dingin iengkim ân thieng tah a nih.

LUKA 11:43

Nangni Pharisaihai in chung a rik ie! Inkhâwmna ina ṭhungpha ṭhatak le dâwrhmuna chibai bûkhai in ngaina si hlak a.

LUKA 12:33

In nei taphawt chu zawr unla, pasiehai kuomah pe ro; vânah rukru fe nawnaah, hângthim fâk siet nawnaa chun, tangka ip hlui thei nawhai, ro inhmang thei nawhai, inkhâwl ro.

LUKA 12:56

Nangni vervêkhai, khawvêl le vân umzie khawm in hriet fie thei si a, iengdinga tulai thil in hriet fie thei naw am a na?

LUKA 13:15

Lalpa ruok chun a kuomah, “Nangni vervêkhai, Châwlniin mâni sebâwng amanih, sabengtung amanih a bu fâknaa inthawka sûtin, tui dâwn dingin in ṭhuoi dawk seng hlak a ni naw am a nih?

LUKA 20:46

anni chun zakaw infuol hâka lêng an nuom hlak, dâwr hmuna chibai bûkhai, inkhâwmna ina ṭhungpha ṭhatakhai, ruoiṭhenaah hmun ṭha takhai an ngaina hlak a;

LUKA 6:24

“Amiruokchu, nangni mi hausahai, in chung a rik ie; in thlamuongna in hmu ta si a.

LUKA 6:42

Mâni mita tlungpûm um chu hmu si lovin, i unau kuomah, ‘Unau, i mita hmawl hlek um kha mîn lâk dawk tir rawh,’ iengtin am i ti thei a? Mi vervêk! i mita inthawkin tlungpûm kha la dawk hmasa rawh, chuongchun, i unau mita inthawka hmawl hlek lâk dawk ding chu fietakin hmu thei i tih.

JOHAN 13:29

Ṭhenkhatin “Juda chun tangka ip a kawl leiin, Isûn ‘Ruoiṭhenaa ding thil ei mamawhai inchaw rawh,’ a ti amanih, ‘Pasiehai kuoma iengkhat pêk ding,’ a ti amanih,” an ti a nih.)

JOHAN 5:41

“Mihriem ichawimawina ka pawm nawh.

JOHAN 5:44

“Nangni inchawimawituo lâwmhai, iengtin am ring thei in ta? Pathien tak chaua suok chawimawina chu in zawng si nawh.

JOHAN 7:18

Tûkhawm mâni phuokfâwm thu hril chu mâni mawina zawng a nih; a tirtu mawina zawng ruok chu, ama chu mi tak zet a nih, amaa chun indik nawna hrim a um nawh.

THILTHAWHAI 10:2

Pathien ngaisak mi a na, a sûnghai po po leh Pathien an ṭi hlak a; mihai kuomah thil tamtak a pêk hlak a, Pathien kuoma khawm an ṭawngṭai rawp a.

THILTHAWHAI 10:31

‘Korneli, i ṭawngṭaina kha hrietin a um tah, mi kuoma i thilpêkhai khawm kha Pathienin a hriet zing ie.

THILTHAWHAI 10:4

Chun, Korneli chun ama chu a lo en zing a, a ṭi a, “Lalpa, ieng am a na?” a ta. Chun, ama chun a kuomah, “I ṭawngṭainahai le i thil pêk thuhai kha hriet zing dingin Pathien hmaah a hang tlung tah.

THILTHAWHAI 11:29

Chuongchun, inchûktirhai chun, an thei tâwk sengin, Judai rama unau umhai kuoma chun sawmdâwlna ding thawn an tum a.

THILTHAWHAI 24:17

Chun, kum tamtak hnunga hin ka chipuihai lai thilpêk ding chawiin, inthâwina inhlân dingin ka hung a.

THILTHAWHAI 9:36

Chun, Joppa khuoah a hming Tabitha, inchûktir pakhat a um a, (Tabitha umzie chu Dorka a nih); chu nuhmei chun thil thawṭhat le thilpêk a hau hle a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:8

mi infuitu khawma infui raw se; thil petu khawmin inro lovin pe raw se, rorêltu chun taimatakin ro rêl raw se; mi lunginsiettu khawmin lâwmtakin lunginsiet raw se.

1 KORINTH 13:3

Chun, mi rimsihai châwmna dingin ka sum po po khawm pe vawng lang, ka taksa khawm kâng dingin inpe lang hmangaina ka nei si naw chun, ka ta dingin iengkhawm ṭhahnem naw ni.

GALATI 2:10

Pasiehai kan ihriet chau an nuom, chu tak chu thaw ka tum tlat hrim hlak chu a nih.

EPHESI 4:28

Inruhmang chun inru ta naw sien la, a tlasam kuoma pêk ding a nei theina dingin a kuta thil ṭha thawin inrim lem raw se.

1 THESSALONIKA 2:6

Mihriem laiah, nangni laia manih, mi danghai laia mani khawm chawimawina kan zawng ngai nawh;

1 TIMOTHE 6:18

Thil ṭha thaw dingin, thil ṭha thaw hau dingin, tiktlaia thâwlâwm pe pei dingin,

PHILEMON 1:7

unaupa, nangma zâra mi inthienghai lungril a har ta leiin i hmangainaa chun ka hlimin ka thlamuong bêk bêk a nih.

HEBRAIHAI 13:16

Nisienlakhawm, thil sukṭhat le tiktlai hi theinghil naw ro; chuong ang inthawina chunga chun Pathien a lungni bêk bêk si a.

1 PETER 4:11

Mi tûkhawmin thu a hril chun Pathien thuhai angin hril raw se; mi tûkhawmin rawng a bâwl chun Pathienin hrâtna a pêk ang peiin bâwl raw se; chuongchun, Isu Krista leiin Pathien chu thil iengkimah chawimawiin um thei a tih, ropuina le rorêlna chu chatuona ama ta a ni si a. Amen.

1 SAMUEL 15:30

Chuongchun, ama chun, “Ka lo suol a ni ta a, nisienlakhawm, ka mihai upa le, Israelhai hmaa hin mi chawimawi dingin ka ngên che a nih; chun, Lalpa i Pathien ka biek theina dingin mi fepui hrâm bawk la,” a ta.