MATTHAI 6:16 - Pathien Lekhabu Inthieng (BSI)

¹⁶ “Bu in nghei pha khawmin, mi vervêkhai angin ngui hmêl put naw ro; anni chun mi mithmua bungheia an inlang theina dingin an hmêl an sukpawr hlak si a. Titakzetin ka hril cheu hi, an lâwmman chu an hmu zo tah.

MATTHAI 6:16 ပူးပေါင်းရင်းမြစ်များ

2 SAMUEL 12:16

David chun naupang ta ding chun Pathien kuomah a ngên rak a; chun, David chun bu dâm a nghei a, a lût a, zân khawvârin hnuoiah a zâl ta a.

2 SAMUEL 12:21

Chun, a siehlawhai chun a kuomah, “I thil thawzie hi iengtizie am a ni a? Naupang chu a dam lai khan bu dâm i nghei a, i ṭap a; nisienlakhawm, naupang chu a thi ta a, i tho a, bu dâm i fâk ta lem a,” an ta.

1 LALHAI 21:27

Chun, Ahab chun chuong thu chu a hriet chun a puon a keithlêr a, saiip puon a sil a, bu a nghei a, saiip puon chungah a zâl a, ngûitakin ân lawn vêl a.

NEHEMIA 1:4

Chuong thu chu ka hriet chun ka ṭhung chawt a, ka ṭap a; ni ieng zât amani chu lungngaiin ka um a; chun, bu ka nghei a, vân Pathien hmaa chun ka ṭawngṭai a;

ESTHER 4:16

“Fe la, Susaa Juda mi umhai po po chu kei khâwm rawh; chun, ka ta dingin bu nghei unla; sûn le zânah, ni thum sûng chu fain dâwn hlek naw ro, ka nunghâkhai le kei khawma chuong ang bawk chun nghei kan ta; chuongchun, dân lo ang ni sien khawm lal kuoma chun lût el ka ta; ka bohmang leh ka bohmang ni el raw se,” tiin.

INPÂKNA HLABU 109:24

Ka khûphai hi bu nghei leiin a hrât ta naw a, Ka taksa hin thâu hrim a put ta nawh.

INPÂKNA HLABU 35:13

Kei ruok chu, an damnaw lai chun ka silfên chu saiip a na, Ka hringna hi bu ngheiin ka suk rimsi si a; Lungse taka kûnin ka ṭawngṭai a,

INPÂKNA HLABU 69:10

Ka ṭap a, bu nghei puma ka hringna ka thunun leh, Chu chu an mi hrilsietna a hung ni pei a.

DANIEL 9:3

Chun, vut laia saiip puon le inṭhunga bungheiin, hnina le ṭawngṭainaa zawng dingin Lalpa Pathien kuom tieng chu ka ngha ta a.

MALAKI 3:14

Nangni chun, ‘Pathien rawngbâwl hi a thlâwn el a nih: a thupêk ei pawm a, sipaihai Lalpa hmaa lungsetaka ei fe hi ieng am a ṭhathnemna a um a?

MATTHAI 6:1

“In thil ṭha thawhai chu mihriem hmaa, an ihmu dinga thaw lo dingin fimkhur ro; chuong naw chun in Pa vâna mi kuomah lâwmman nei naw ti niu.

MATTHAI 6:2

Chuongchun, mi kuoma thil i pêkin, mi vervêkhaiin mi inpâk an hlaw theina dinga, inkhâwmna inhaia le, kawtthlêrhaia an thaw hlak angin, i hmaah tawtawrâwt inmûttir naw.

MATTHAI 6:5

“Chun, in ṭawngṭaiin, mi vervêkhai angin in thaw ding a ni nawh, mîn an hmu theina dingin, inkhâwmna inahai, kawtthlêr ṭhuom laitakahai ngir puma ṭawngṭai an ngaina si a. Titakzetin ka hril cheu, an lâwmman chu an hmu zo tah.

MARKA 2:18

Chun, Pharisai le Johan inchûktirhai chun bu an nghei a; chun, “Ieng dinga Johan inchûktirhai le Pharisai inchûktir haiin bu an nghei hlak a, i închûktirhai hlakin an nghei ve ngai naw?” an ta.

LUKA 18:12

Châwlkâr khatah vawi hni bu ka nghei hlak a; ka nei taphawt sâwmah pakhat ka pêk hlak,’ a ta.

LUKA 2:37

Kum sâwmriet pali zet hmeithaiin a um a. Ama chun Pathien biekin fesan lovin asûn azâna bu nghei dâma ṭawngṭaiin Pathien a biek hlak a.

THILTHAWHAI 10:30

Chun, Korneli chun, “Ni li a ni tah, tu ang hunah hin, ka inah, chawhnung inher ṭawngṭainaah ka ṭawngṭai a; chun, ngai ta, mi pakhat puon vârtak silin ka hmaah a hung ngîr a,

THILTHAWHAI 14:23

Chun, kohran tinah upahai an ruot pêk pei a, bu nghei puma an ṭawngṭai zoin, an ring Lalpa kuoma chun an inkawltir pei a.

1 KORINTH 7:5

Ṭawngṭai dinga in inpêk theina ding le in inpâwl nâwk theina dingin sâwt nawtê kâr dinga rem in ti ve ve chau naw chun atu tu khawm insukdâwng naw ro, chuong naw chun, in insûm zo naw leiin Setanin thlêm a ti cheu.

2 KORINTH 11:27

sâwlnaa le sininrimnaahai, intheinawnaahai vawi tamtak, phîngṭâm le dangchârnaahai, bungheinaahai vawi tamtak, khawsik le saruoka umnaahai dâm ka um hlak.

2 KORINTH 6:5

vuoknaa dâm, lungin intângnaa dâm, buoinaa dâm, sininrimnaa dâm, intheinawnaa dâm, bu ngheinaa dâm,