MATTHAI 6:10 - Pathien Lekhabu Inthieng (BSI)

¹⁰ I dit zâwng vâna mîn an thaw angin, hnuoia mîn thaw raw hai se,

MATTHAI 6:10 ပူးပေါင်းရင်းမြစ်များ

NEHEMIA 9:6

“Nangma chau hi Lalpa i na, vânhai vân le a sûnga um po pohai le, leihnuoi le a sûnga um po pohai leh, tuisuoriet le a sûnga umhai po po leh i siem a, a rêng chun i kawl ṭha hlak a; chun, vâna umhai chun chibai an bûk hlak che kha.

INPÂKNA HLABU 2:6

“Keima ngeiin ka tlâng inthieng Ziona chun, Ka lal siem chu kân ṭhungtir tah a nih” a ti a.

INPÂKNA HLABU 40:8

Aw ka Pathien, i dit zâwng thaw hi ka lâwm zâwng tak a nih: Anih, i dân thu chu ka lungrilah a um zing ie,” ka ta.

ISAI 2:2

Ni nuhnungahai chun Lalpa in umna tlâng chu tlâng lien chungahai chun sukdetin um a ta, tlâng chînhai chunga chun dawm sângin um bawk a ta, chutaka chun hnam tinrênghai chu fe nguoi nguoi an tih.

JEREMIA 23:5

Ngai ta, nihai chu a hung tlung mêk; Lalpa chun a tih: David-a hin kau feltak chu hung inṭotir ka ta, ama chun lal angin rorêl a ta, vartakin thâwng a ta; rama chun rorêlna le felna chu suksuok a tih.

DANIEL 2:44

Chun, chuong lalhai huna chun vâna Pathien chun suksieta um ta ngailo ding le, lal nina chu mi dang kuoma pêka um ta ngai lo ding ram pakhat hung siem suok a ta; chuongchun, chuong ramhai chu kawi tamtaka hung sukkawiin, hung kânghmang a ta, kumkhuoin ama chu um ta lem a tih.

DANIEL 4:35

Hnuoi chung hluotuhai po po chu iengkhawm ni lo anga ngai an na, Hnuoi chung hluotuhai le vâna sipai pâwl ruolhai chunga chun A nuom ang angin a thaw a, Tukhawmin a kut chu an chel thei naw a. “Nangin ieng am i thaw an leh?” an ti thei bawk nawh.

DANIEL 7:13

Zâna thil hmulâwkhai ka hmu a, chun, ngai ta, Mi pakhat mihriem naupa ni âwm tak vân sûmhai le um a hung a, Tienlai mi kuoma ngei chun a hung a, Ama hmaa chun an hung ṭhuoi a.

DANIEL 7:27

Chun, vânhnuoia ram le lalram le ram ropuinahai chu Achunghnungtak mi inthienghai hnam kuoma chun pêk nîng a ta, ama ram chu chatuon ram a na, ram po pohai chun a rawng bâwl an ta, ama thu awi an tih,’ tiin.

ZEKARIA 9:9

Aw Zion naunu, nasatakin hlim rawh; aw Jerusalem naunu, inringtakin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngaitlâwmtakin, sabengtung chungah, sabengtungtê chung ngeia hung chuongin.

MATTHAI 12:50

Tukhawm ka Pa vâna mi dit zâwng thaw taphawt chu, ka unau le, ka farnu le, ka nuhai an nih in sawnnaw,” a ta.

MATTHAI 16:28

Titakzetin ka hril cheu hi, hitaka ngîr a ṭhen hi, Mihriem Naupa a rama a hung an hmu hmakhat chun, thina intem tawp lo ding an um,” a ti a.

MATTHAI 26:42

Chun, vawi hninaah a va fe a, a ṭawngṭai nâwk a, “Aw Pa, ka dâwn lova hi no hin a mi khêl thei lul naw chun, nangma thu thu ni raw se,” a ta.

MATTHAI 3:2

“Sim ro, vân ram chu a hnai tah,” tiin.

MATTHAI 4:17

Chu chena inthawk chu Isûn, “Sim ro, vân ram chu a hnai tah,” tiin a hril phut ta a.

MATTHAI 7:21

“ ‘Lalpa, Lalpa,’ a mi ti nazawng chu vân ramah lût naw ni hai, ka Pa vâna mi dit zâwng thawtuhai ruok chu lût an tih.

MARKA 11:10

Ram hung tlung ding ei Pa David ram chu, inpâkin um raw se; A chunghnungtaka khin Hosanna,” tiin an khêk a.

MARKA 3:35

Tukhawm Pathien dit zâwng thawtu phawt chu, chuonghai ngei chu ka unauhai, ka farnuhai, ka nuhai an nih annâwm,” a ta.

LUKA 19:11

Chun, chuong thuhai chu an ngâi laiin, Jerusalem a hnai ta leiin le Pathien ram hung inlang nghâl ding nia an ring leiin tekhithu a hril sa a.

LUKA 19:38

“Lalpa hminga hung chu inpâkin um raw se; vânah inremna inlêng sienla, achunghnungtaka khin ropuina um raw se,” tiin.

LUKA 22:42

“Pa, rem i ti chun, hi no hi ka kuoma inthawkin la hmang rawh; nisienlakhawm, keia thu ni lovin, nangma thu thu ni lem raw se,” a ta.

JOHAN 4:34

Chun, Isûn an kuomah a hril a, “A mi tirtu dit zâwng thaw le, a sin thaw zo ding hi ka bu a nih.

JOHAN 6:40

Chun, hi hi ka Pa dit zâwng a nih, tûkhawm Nau hmua ring taphawt chun chatuona hringna nei sienla; chun, keiin ni kin nia chun ama chu kei tho lang,” a ta.

JOHAN 7:17

Tûkhawm ama dit zâwng thaw nuom chun, thu inchûktir hi Pathien suksuok am a ni, keia phuokfâwma ka hril, hrieng a tih.

THILTHAWHAI 13:22

Chun, ama chu a sawn hmang hnung khan an lala um dingin David a siem ta a; Pathienin chu thu chu inhriettirin, ‘David, Jessai naupa, ka lungril ang put mi ka hmu suok tah, ama chun ka dit zâwng taphawt thâwng a tih,’ a ta.

THILTHAWHAI 21:14

Chun, thlêm ruol a ni naw hnung chun, “Lalpa thu thu ni raw se,” kan ta, kan ma ta a.

THILTHAWHAI 22:14

Chun, ama chun, ‘Ei thlatuhai Pathienin a ditzâwng hre ding le, Mi feltak chu hmua, a ṭawngbau khawm hre dingin a ruot ta che.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:2

Hi khawvêl dân ang hin um naw unla, Pathien dit zâwng a ṭha le lâwmtlâk le ṭha famkim chu in hriet chieng theina dingin, in lungril a thara umin, hung danglam lem ta ro khai.

EPHESI 6:6

Mihriem suklâwmtuhai ang ela mit rawng bâwl lovin, Krista suok anga lungrila Pathien ditzâwng thaw lemin,

KOLOSSA 1:13

Ama chun inthim thuneinaa inthawka mi sansuokin, a Naupa hmangaitak rama chun a mîn kai tir ta a,

KOLOSSA 1:9

Chuleichun, Thlarau tieng varna le hriet theina po poa a dit zâwng hrietnaa chun in hung sip theina dingin, kan hriet nia inthawk chu keini khawma ṭawngṭai le hnipêk cheu kan ma nawh.

1 THESSALONIKA 4:3

Pathien dit zâwng, in inthiengna ding chu, hi hi a nih, indit bânsan unla;

1 THESSALONIKA 5:18

iengkimah lâwmthu hril rawp ro; chu chu nangni tieng thuah Krista Isua chun Pathien dit zâwng a ni si a.

HEBRAIHAI 1:14

Anni po po chu rawngbâwlna thlarauhai, sandamna rohluotu dinghai ta dinga rawngbâwl dinga tirsuok an ni naw am a nih?

HEBRAIHAI 10:36

Pathien dit zâwng in thaw hnungin thiltiem chu in hmu theina dingin selna in ngai a nih.

HEBRAIHAI 10:7

Chu phingle chun keiin, ‘Aw Pathien, ngai ta, (Lekhabu zuola chun ka thu ziek a nih), I dit zâwng thaw dingin ka hung,’ ka ti a, ” a ta,

HEBRAIHAI 13:21

a mithmua a lâwm zâwng ang taphawt Isu Krista zârah keinia thâwin, a dit zâwng thaw dingin thil ṭha tinrêng kawngah sukfamkim raw se cheu; Isu Krista kuoma chun ropuina chatuonin um raw se. Amen.

1 PETER 2:15

Hi hi Pathien dit zawng a ni si, mi invêthai thu hril var naw chu thil ṭha thawa in sêldawng hi;

1 PETER 4:2

Chuongchun, hi hnunga taksaa in la um sûng po chu mihriem châknahai tienga um ta lovin, Pathien dit zâwng tieng um tâng in tih.

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl ta a.

THUPUONGSUO 12:10

Chun, vâna chun rawl inringtakin, “Tuhin chu ei Pathien sandamna le thilthawtheina le ram chu a hung tlung ta a, a Krista thuneina leh; ei unauhai hêktu, ei Pathien hmaa a sûn a zâna hêk hlaktu chu, an pei thlâk ta si a.

THUPUONGSUO 19:6

Chun, mipui nasatak rawl ang le, tui tamtak ri ang le, vâninrûm nasatak ri angin, “Halleluia, Lalpa ei Pathien Iengkimthawthei chun ro a rêl ta hi.

THUPUONGSUO 20:4

Chun, lalṭhungphahai ka hmu a, a chungah mi an ṭhung a, an kuoma chun rorêlna an pêk a. Chun, Isu inhriettirna thu lei le, Pathien thu leia lu tanhai thlarau le sahrâng le a lim chibai bûk lova, an bâwka manih, an kuta manih inchikna nei nawhai thlarau chu ka hmu bawk a. Chuonghai chu an hung hring a, kum sâng khat sûnga dingin Krista leh rorêlin an um a.