MATTHAI 6:1 - Pathien Lekhabu Inthieng (BSI)

¹ “In thil ṭha thawhai chu mihriem hmaa, an ihmu dinga thaw lo dingin fimkhur ro; chuong naw chun in Pa vâna mi kuomah lâwmman nei naw ti niu.

MATTHAI 6:1 ပူးပေါင်းရင်းမြစ်များ

2 LALHAI 10:16

Chun, ama chun, “Ka kuomah hung ve la, Lalpa ta dinga ṭhahnem ka ngaizie hi hang hmu ve hrim ta khai,” a ta. Chuongchun, a tawlailîra chun ân chuongtir ve ta a.

2 LALHAI 10:31

Nisienlakhawm, Jehu chun Lalpa, Israelhai Pathien dân chu a lungril po poin a pawm naw a; Jeroboamin Israelhai thil insuk- suoltira a suksuol kha a bân chuong naw a.

INPÂKNA HLABU 112:9

A semdar a, pasiehai kuomah a pêk a, A felna chu kumkhuoa um ding a nih; A ki chawimawinaa chawimawiin um a tih.

EZEKIEL 33:31

Mipuihai chu an hung angin i kuoma chun anni chu an hung a, ka mihai angin i hmaa chun an ṭhung a, i thuhai chu an ngai a, amiruokchu, thaw si lovin; an bau chun nasatakin hmangaina an inlangtir a, amiruokchu, an lungrilhai chun an hlâwkna chu a hnawt si a.

DANIEL 4:27

Chuleiin, aw lalpa, ka thurâwn hi i kuoma chun pawmtlâka ngai ni raw se; i suolnahai chu felnain thleng la, i khawhlonahai chu mi rimsihai chunga lunginsietna inentir bawk rawh; i tluongtlungna hi sukseia a um theina dingin,” a ta.

ZEKARIA 13:4

Chun, chuong ni chun hieng hi hung nîng a ta, thu a hrillâwk lai chun, zâwlnei po pohai, mi tin el chun mâni thilhmulâwk chu inzâpui an ta; hlêm dingin puon inhmul sil naw bawk an tih;

ZEKARIA 7:5

“Hi rama mi po pohai le thiempuhai kuoma chun hieng ang hin thu hril rawh, ‘Hi kum sâwmsari sûnga thla sarina le thla nganaa bu in ngheia in insuklungngai hin, keia kuoma, keima kuom ngeia bu nghei am in ni ngût le?

MATTHAI 16:27

Mihriem Naupa hi a vântirkohai leh, a Pa ropuinaa inthuomin a hung ding a ni si a; chu pha chun mi tin an thilthaw ang peiin thung seng a tih.

MATTHAI 16:6

Isûn an kuomah, “Pharisaihai le Saddukaihai chawla inthawk chun invêng unla, fîmkhur ro,” a ta.

MATTHAI 23:13

“Nisienlakhawm, nangni Dân inchûktirtu le Pharisai vervêkhai, in chung a rik; vân ram lampui chu mihai in khâr pêk si a; nangni hlak in lût si naw a, mi a lût dinghai khawm in inlûttir phal ngai si naw a.

MATTHAI 23:5

An thilthaw po po chun mihriem hmu dingin a nih an thaw lem hlak; an iengkhat bunhai le khumhai chu an suklien a, an puon hmawrkai an sukbuk hlak a;

MATTHAI 25:40

Chun, Laltak chun an kuomah, ‘Titakzetin ka hril cheu hi, hieng ka unau chîntakhai laia mi pakhat chunga in thaw chu, ka chunga thaw in nih,’ tîn la dawn a tih.”

MATTHAI 5:16

Chuong ang bawkin in var chu mi mithmuah var raw se; chuongchun, in thilthaw ṭhathai hmûng an ta, in Pa vâna mi chawimawi thei an tih.

MATTHAI 5:46

A hmangaituhai cheu chau in lunginsiet hin lâwmman ieng am hmûng in ta? Siedâwltuhai khawmin chuong angin an thaw ve a ni naw am a nih?

MATTHAI 5:48

Chuongchun, in Pa vâna mi a ṭhafamkim angin in ṭhafamkim ding a nih.

MATTHAI 6:16

“Bu in nghei pha khawmin, mi vervêkhai angin ngui hmêl put naw ro; anni chun mi mithmua bungheia an inlang theina dingin an hmêl an sukpawr hlak si a. Titakzetin ka hril cheu hi, an lâwmman chu an hmu zo tah.

MATTHAI 6:9

“Chuongchun, nangni chu hieng ang hin ṭawngṭai ro: Kan Pa vâna mi, I hming inzaum raw se, I ram hung tlung raw se.

MARKA 8:15

Chun, ama chun, “Pharisaihai chawl le Herod chawla chun invêng ṭha unla, ṭi dêkin um ro,” a ti tlat a.

LUKA 11:35

Chuongchun, i sûnga var um chu inthim a lo ni el râwm, fîmkhur rawh.

LUKA 12:1

Chu sûnga mipui sâng tamtak insir nuk nuk khawp hiel an hung inkhâwm chun, Isûn a hmasatakin a închûktirhai kuomah, “Pharisaihai chawl, vervêknaa inthawk chun fîmkhur ro.

LUKA 12:15

Chun, an kuomah, “Fimkhur unla, inhnarna hrim hrima inthawk chun invêng ro, sum hau hi mihriem dam san a ni nawh,” a ta.

LUKA 16:15

Chuongchun, ama chun an kuomah, “Mi mithmua insukfel el in nih, nisienlakhawm, Pathienin in lungril a hriet si a; mihriem laia an ichawimawi chu Pathien mithmua chun tirdakumtak a nih.

JOHAN 12:43

Pathien kuoma ropuina nêkin mihriem kuoma ropuina an dit lem si a.

JOHAN 5:44

“Nangni inchawimawituo lâwmhai, iengtin am ring thei in ta? Pathien tak chaua suok chawimawina chu in zawng si nawh.

THILTHAWHAI 3:12

Peterin chu chu a hmu chun, mihai chu a biek a, “Nangni Israel mihai, hieng hi iengdinga mak in ti am a na? Keini thilthawtheina le Pathien kan ngaisak leia ama hi kan inlâwntir ang el chun iengdinga in mi en zing am?

GALATI 6:12

Tisaa hmêl insukmawi nuomhai poin sertana um dingin an tir lui hlak cheu a nih; ieng dang lei khawm a ni naw a, Krista kraws leia suknawmnatna an tuor nawna ding chau a nih.

DÂN PAHNINA 24:13

a silfêna chun a zâl a, ân pâk theina ding cheuin a thil siekham chu nisa tlâkah in pêk kîr nâwk ngei ding a nih; chuongchun, Lalpa in Pathien ngaiin in ta dingin thil fel nîng a tih.

HEBRAIHAI 11:26

Krista an hmusitna chu Aigupta ram rohai nêk chun sum ropui lemah a ruot a, lâwmman pêk ding chu a thlîr hlak leiin.

HEBRAIHAI 2:1

Chuleiin, naa ei ihriethai kha ṭhahnemngaitakin ei pawisa nâwkzuol ding a nih, chuong naw chun, intawl hmang hlau rawi ei tih.

HEBRAIHAI 6:10

In sin thaw le a hming leia hmangaina in inlangtir, mi inthienghai rawng in ibâwl, tu chen khawma in ila bâwl rawp chu theinghil dingin Pathien chu mi fel naw a ni si naw a.

2 JOHAN 1:8

Ei thaw suok sahai kha in inhmang naw a, a man chu a kima in hmu thei lemna dingin invêng ṭha ro.