MATTHAI 5:6 - Pathien Lekhabu Inthieng (BSI)

⁶ “Felnaa phîngṭâma dangchârhai chu an hamṭha; an la tlai ding a ni si a.

MATTHAI 5:6 ပူးပေါင်းရင်းမြစ်များ

INPÂKNA HLABU 107:9

Ama chun hringna thil châk êm êm chu a sukkhawpin, Hringna phîngṭâm chu ṭhatnain a sukkhawp si a.

INPÂKNA HLABU 145:19

Ama ṭituhai dit chu inhlawtlingtir a ta, An khêkri chu hrieng a ta, anni sandam a tih.

INPÂKNA HLABU 17:15

Kei ruok chun felna neiin i hmêl hmûng ka ta, Nanga angna neia ka meng pha chun lungawi tâwk zet tâng ka tih.

INPÂKNA HLABU 63:5

Ka hringna hi thlin le thâua khawp angin khawp a ta, Ka bau hin hlim hmûr putin inpâk bawk a ti che.

INPÂKNA HLABU 65:4

Mi, i biekin inhuonna sûng tuollaia um thei dinga, I thlanga, i kuom tieng i înpantir chu a hamṭha: I in ṭhatna chun tlai kan ta, I biekin hmun inthieng ṭhatna chun.

INPÂKNA HLABU 84:2

Ka hringna hin Lalpa biekin inhuonna sûng tuollai chu a ngai êm êm a, anih, a chau pha hiel a. Ka lungril le ka taksa hi Pathien hring kuoma chun hlimin a khêk suok a.

THUVARHAI 10:24

Mi khawhlo ṭitna chu ama chung ngeiah hung tlung a ta, Mi fel ditna chu inhlawtlingtir nîng a tih.

THUVARHAI 21:21

Zângaina le felna hnawttu chun, Hringna, felna le inzâkaina a hmu hlak.

HLAHAI HLA 5:1

Ka farnu, ka huona chun ka hung ie, ka mo, Ka riminhnik leh ka murra chu ka lâk khâwm a; Ka khuoizu le ka khuoithlâr chu ka fâk a; Ka bâwng nênetui leh ka uoin chu ka dâwn tah. Aw ruolhai, fa ta u, Dâwn unla, dâwn ṭeu ro aw hmangaitak.

ISAI 25:6

Chun, hi tlânga hin sipaihai Lalpa chun mi tinrênghai ta dingin thil thauhaiin ruoi ṭhêng a tih, uoinhai a fe le inchie zing, thil thautakhai thlina sip, uoinhai a fe le inchie zing ṭhataka thlit fai chu.

ISAI 41:17

Mi rimsi le pasiehai chun tui an zawng hlak a, a um si naw a, an lei dangchârin a ṭâwl vawng hlak; kei Lalpa hin anni chu dawn ka ta, kei Israelhai Pathien hin anni chu mâksan naw ning.

ISAI 44:3

Dangchâr chunga chun tui ka hung buok ding a ni si a, hnuoi ṭâwlahai chun tuiluonghai chu ka hung buok bawk ding a nih; in thlahai chungah ka thlarau buok ka ta, in nauhai chungah ka malsâwmna buok bawk ka tih:

ISAI 65:13

Chuleiin, Lalpa Pathien chun hieng ang hin a tih, “Ngai ta u, ka siehlawhai chun fâng an ta, nangni ruok chu phîngṭâmin um in tih: ngai ta u, ka siehlawhai chun dâwn an ta, nangni ruok chu dangchârin um in tih; ngai ta u, ka siehlawhai chu hlim an ta, nangni ruok chu inzak in tih:

ISAI 66:11

in nêk, a thlamuongna nêneahai chun in tlai theina ding le, in nêk daa, a ropuina tamtaka chun in lâwm theina dingin,” ti hi.

JEREMIA 31:25

Mi chauhai chu ka suktlai a, mi lungngai tinhai khawm chu ka sukhar bawk a.

LUKA 1:53

Phîng ṭamhai chu thil ṭhatakin a sukkhawp ta a, Hausahai chu kutruokin ân fe hmangtir ta a.

LUKA 6:21

“Nangni tuta phîngṭamhai, in hamṭha ie; in la khawp ding a ni si a. “Nangni tuta ṭaphai, in hamṭha ie; in lân nui ding a ni si a.

LUKA 6:25

“Nangni tuta khawphai, in chung a rik ie; in phîng a la ṭâm ding a ni si a. “Nang ni tuta innuihai, in chung a rik ie; lungngaiin in la ṭap ding a ni si a.

JOHAN 4:14

tûkhawm an kuoma ka pêk ding tui dâwn taphawt ruok chu, kumkhuoin dangchâr naw ni hai, keiin an kuoma tui ka pêk ding chu, an sûngah tuihnâr hung um a ta, chatuona hringna chenin inchik dawk a tih,” a ta.

JOHAN 6:27

Bu bohmang nâwk el hlak zawng hin inlap rak rak naw ro, chatuona hringna chena um zing ding bu, Mihriem Naupain a pêk ding cheu chu zawng lem ro; Pa Pathien chun ama chu ân chik ta si a,” a ta, a dawn a

JOHAN 7:37

Chun, ruoiṭhe ṭumṭiek ding ni, ni ropuitaka chun Isu a ngîr a, a khêk a, “Tûkhawm a dangchâr chun ka kuomah hung sienla, dâwn raw se.

THUPUONGSUO 7:16

An phîng ṭâm ta naw ni a, dangchâr ta bawk naw ni hai; nisain em naw ni a, lum hrim hrim khawmin sukrinum ta bawk naw nih.