MATTHAI 5:37 - Pathien Lekhabu Inthieng (BSI)

³⁷ ‘A nih,’ in ti chu ‘a nih,’ ni sienla, ‘A ni nawh’ in ti chu ‘a ni nawh’ ni el raw se, chuonghai bâk chu suola inthawka suok a nih.

MATTHAI 5:37 ပူးပေါင်းရင်းမြစ်များ

MATTHAI 13:19

Tukhawmin ram thu chu naa a lo hriet a, a ngaina a hriet si naw chun, mi suol chu a hung a, a lungrila the sa chu a lâkpêk hlak. Chu chu lampui sîra the chu a nih.

MATTHAI 13:38

Lo chu khawvêl hi a na; chi ṭhahai chu Ram nauhai an na; bu tehlêmhai chu suol nauhai an nih.

MATTHAI 15:19

Lungrila hin ngaituona suolhai, tuolthatna hai, uiretna hai, inditna hai, inrûkna hai, inhêkna hai, hrilsietna hai a hung suok hlak si a.

MATTHAI 5:36

I lu sâlin în khâm ding a ni bawk naw a, samzai pakhat khawm i sukvârin, i sukdum thei si naw a.

MATTHAI 6:13

Suol dinga thlêmnaa chun mi ṭhuoi lût naw la, Mi suol laka chun mi sanhim lem rawh. “Ramhai, thilthawtheinahai, ropuinahai, chatuona i ta a ni si a, Amen.

JOHAN 17:15

“Anni chu khawvêla inthawka la suok dinga ngen che ka ni naw a, mi suol laka hum dingin ka ngên lem che a nih.

JOHAN 8:44

Nangni chu in pa Diebola inthawka suok in na, in pa dit zâwng thaw in nuom a nih. Ama chu a tîra inthawk tuolthattu a nih, thutakah a ngîr ngai nawh, a sûngah thutak hrim a um naw leiin. Khêl thu a hrilin a mizie dungzuiin a hril hlak, khêlhlip a ni si; thukhêl pa khawm a nih.

EPHESI 4:25

Chuongchun, khêl hril bânin mani vênghai kuomah thu indiktak hril seng ro; inpêngtuo seng ei ni si a.

EPHESI 6:16

Chu naw khawm chu ringna phaw la unla, chu chun mi suol thal chawk thei po po chu sukmit thei in tih.

KOLOSSA 3:9

Khêl inhril tuo naw ro, mihriem hlui chu a thilthawhai leh in hlîp thlâk ta a.

KOLOSSA 4:6

Mi tin iengtina dawn seng ding am a na ti in hriet theina dingin in ṭawng bausuok chu chia saw, lunginsietna ṭhang ni rawp raw se.

2 THESSALONIKA 3:3

Amiruokchu, Lalpa chu ring a um a, ama chun sukdetin mi suolhai lai chun hum a ti cheu.

JAKOB 5:12

Nisienlakhawm, ka unauhai, iengkhawm thaw unla, inkhâm naw ro, vân sâlin amanih, hnuoi sâlin amanih, thil dang hrim hrim amanih sâlin inkhâm naw ro: “A nih,” in ti chu, “A nih,” ni sienla, “A ni nawh,” in ti chu, “A ni naw,” ni raw se; chuong naw chun thiemnaw changin um in tih.

1 JOHAN 2:13

Pahai, ama, a tira inthawka um zing chu in hriet leiin in kuomah ka ziek a nih. Ruoltharhai, mi suol chu in hne tâk leiin in kuomah ka ziek a ni hi.

1 JOHAN 3:12

Kaina mi suol laia mi, mani unau thattu ang khan um lovin. Iengleiin am a that a? Ama thilthawhai a suol a, a unau thilthawhai a fel leiin.

1 JOHAN 5:18

Tûkhawm Pathien inei chun thil a suk suol zing ngai nawh ti ei hriet; Pathien inei khan ama chu a hum zing a; Mi suol chun a tâwk thei nawh.