MATTHAI 5:34 - Pathien Lekhabu Inthieng (BSI)

³⁴ Kei ruok chun ka ti cheu hi, vânni hrim hrim khâm naw ro, vân sâlin amanih inkhâm naw ro, achu Pathien Lalṭhungpha a ni si a; hnuoi sâl khawmin inkhâm naw ro, achu a ke innghatna a ni si a;

MATTHAI 5:34 ပူးပေါင်းရင်းမြစ်များ

INPÂKNA HLABU 11:4

Lalpa chu a biekin inthiengah a um a, Lalpa chu a ṭhungpha chu vânah a um; Mihriem nauhai hi a mitin a en a, a mitvun chun a fie hlak.

THUHRILTU 9:2

Thil po po chu mi po po chungah angkhatin a hung tlung vawng a; mi fel le mi rilo chunga thil tlung khawm thuhmun a nih, mi ṭha le mi suol, mi inthieng le mi inthieng naw chunga khawm; inthâwi hlak le inthâwi ngailo mi chunga khawm; mi ṭha chunga ang bawkin mi suol chunga khawm a nih, inkhâmtu chunga ang bawkin inkhâmna ṭitu chunga khawm chun.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti si a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 66:1

Lalpa chun hieng ang hin a tih, “Vân ka ṭhungpha a na, hnuoi ka ke innghatna a nih; in ieng ang am in mi bâwlpêk ding a na? Khâwlai hmun am a na ka châwlna ding chu?

THILTHAWHAI 7:49

Lalpain, ‘Vân ka ṭhungpha a na, Hnuoi ka kepha innghatna a nih; In ieng angin am mi bâwlpêk in ta? Ka châwlna hmun khawm ieng am a na?

JAKOB 5:12

Nisienlakhawm, ka unauhai, iengkhawm thaw unla, inkhâm naw ro, vân sâlin amanih, hnuoi sâlin amanih, thil dang hrim hrim amanih sâlin inkhâm naw ro: “A nih,” in ti chu, “A nih,” ni sienla, “A ni nawh,” in ti chu, “A ni naw,” ni raw se; chuong naw chun thiemnaw changin um in tih.